Epotor i 1ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Bare aruun kawuniee sembe kane Búwejet Beenabe bu búwanein t'aruun, abe n'aŋ'áriyemi eseede íima Serusalem, nu tu músuk mite *Súde ni *Samari, bija tánotan fe t'etaam ye.

Yesu n'aaniin: —Ariwunutee kaanuku áriimeyi kaakaŋ, ni hiin hunak hi Faaf u anoŋke fu eesiiŋan.

Hike hunak, akina tu buñoofo bu nu boko, n'áhaminiin ayan aaniin: —Atum'arikamb Serusalem, bare aririiko ariinahan doon di Faaf u afiye du asok aane o kawunuuun. Abe isokuunsok bo yooŋ. Ábuki Saaŋ abostaboste ésuk i nu móhujo, bare at'afiyee, aruun *kabostee nu Búwejet Beenabe bu.

H'akete hu ahaban abin áritein, n'áŋaasin tu boko, abe n'áwufooriin beekuuriin but kaanuku asooña áyemi buroŋ. Kunak bakan bákasuba lám, iŋi kafando kajuku, abe n'aŋ'áhaminiin mite *Jáyi jite Atambatun.

Hi Yesu asoke hii bondu ahaban, n'ayitee t'etiir, abe kaafor nu kúnuusiino, boko ti káheelin koone.

Bokondu ti kajondoman ku t'etiir ti Yesu áyemie du ti bija bu, háyine bákasuba keesiimee wañ weefañje daŋ ni kahaŋ kasiiŋo kaagoroor nu boko abe ni kaaniin: —Aruun bakate ku *Gálile, kame iŋi naŋ n'arisiiŋee fee diye aŋ'áriheelin bufor bu? Yesu ondu eeyitee i t'aruun eeja t'etiir, naane arijuko i ti bija bu, iyu yooŋ a aja fu bíbatikeina.