Mataayo 18ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Okubha, anu bhari abhaanu bhabhiri amwi bhasatu bheekofyanyiisye kw‑isiina ryani, anye wone niri aamwi nabho awo.”

Enibhabhwira rindi ati, araabha abhaanu bhabhiri mw‑imwe bhakeekirisyanya ku‑chaaro anu okusabhwa omusango gwonegwone, Raata waani wa mu‑rwire aribhakorera omusango ogwo.

“Niga unu ari mukuru mu‑bhukama bhwa mu‑rwire?” Yeesu ˆnaabhirikira omwana omurera, ˆnaamwimereegusyu agatigati yeebhwe. ˆNaabhabhwira ati, “Ni chimari enibhabhwira ati, araabha mukarema okuyinduka na okubha rwa abhaana abharera, mutaringira mu‑bhukama bhwa mu‑rwire noorwo na akatyari.

Kurwa ejo, omuunu woonewoone unu keekeeya na okubha rwa omwana omurera unu, niwe omukuru mu‑bhukama bhwa mu‑rwire.

Ka wone, omuunu woonewoone unu kaakuma omwana omutooto rwa unu kw‑isiina ryani, kaabha aankumire.

“Ni chimari enibhabhwira ati, emisango joone jinu muriigara ku‑chaaro anu, Nyamuwanga wone kaabha ajiigaaye okusooka mu‑rwire. Ka wone, emisango joone jinu muriigura ku‑chaaro anu, Nyamuwanga wone, kaabha ajiiguuye okusooka mu‑rwire.

Neeya, Yeesu ˆnaamariisya kwa okwayika ati, “Mumenye ati noorwo Raata waani wa mu‑rwire, aribhakorera kutyokutyo, aribha mwarema okufwira echigongo omwikirisya oweejaanyu kwa emyoyo jeemwe joone.”

“Nawe unu ariyabhya owumwi ku‑bhatooto bhanu abhanyikirisya, ˆnaareterera akore ebhibhiibhi, jikabheeye kisi omuunu oyo abhoyerwe mu‑bhicha orubhuyi runene rwa okuseera‑ko na okweswa ebhusibha mu‑nyanja.

“Omurora kutiki? Araabha omuunu ari na jinaama egana rimwi, imwi kw‑ijo niibhura‑ko, arikora kutiki? Itari ati arisiga jinaama jirya makumi gataanu na gana na etaanu na ena (99) mu‑chiima, ˆnaagenda okuyenjeresya inaama imwi irya ibhurire?