मत्‍ती 15ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

खनी घन्‍ड थो़ङ्‌गो़दङ् हुगो ॱसीम्‍बे नङ्‌नी युङ्‌गेन् बेत्। ॱनी मील ढीप्‍लङ् दी हस्‍सो़त् हुगी युङ्‌गेन् बेत्। ॱसीम्‍बे नङ्‌नी ॱसम्‍ल ङेम्‍ब तोङ्‌गेन्, मी ॱसो़क्‍केन्, ॱयोङ्‌दङ् ङीब झ्‍यीक्‍केन्, दयम् झ्‍यीक्‍केन्, की़न्‍नक् कुगेन्, पङ्‌बु झ्‍यीप्‍पे यङ्‌ल ॱएलम ज्‍यक्‍केन् धङ् ॱमो़म्‍बी़त् तोङ्‌गेन् हीन्‍दुक् झ्‍यीबे ढङ् थो़ङ्‌गेन् बेत्।

मी खनी मल्‍ल घन्‍ड स्‍युन अक्, हुगी मील ढीप्‍लङ् मीत् युङ्‌गेन् बेत्। मी खनी घन्‍ड थो़ङ्‌गो़दङ् हुगी रोरङ् ढीप्‍च्‍येल्‍ल सोगेन् बेत् सीन्‍न ॱसुङ बेत्।

हीगी मी घयेत् हीबे ख दीगीरङ् ङल तो़प्‍प झ्‍यीक्‍केन् बेत्। ॱसीम् दी ङ ङो़ल मीप्‍प बेत्। हीबे ङल छ्‌यक् छ्‌यो़प्‍प पुब हुगो घो ॱमीत् छ्‌यो़त् बेत्। हीबे मी स्‍यङे क घयेक्‍की ढीक्‍ल मेन्‍द, ॱमीत् ॱस्‍यो़क्‍केन् बेत् सीन्‍न को़न्‍ज्‍योक्‍की ॱसुङ्‌न यो़क्‍केन् बेत्।

ॱनी येशुगी लेल्‍ल ॱवे भुमु रङ्‌गी छ्‌य गन्‍दीक्‍म स्‍योक्‍कुक्। रङ्‌गी ॱनो़ब दी डस्‍सीरङ् झ्‍युङ्‌ल ज्‍युक् झ्‍यीब बेत्। ॱनी हीगो सीरे छो़त् दीलरङ् हुगी ढोङ्‌गी आमे भुमु दी ढक्‍नर बेत्।

हुनी हुगी ढोङ्‌गी आम दी येशुगी लोल युङ्‌न खोङ्‌ल छ्‌यक् छेन चोव ज्‍यीन्‍दक् ङल दगु जेत्‍रो ॱनङ् सीन्‍न स्‍युव पुब बेत्। ॱनी खोङ्‌गी लेल्‍ल भीजल तीच्‍च्‍येमे सम ढोप्‍ची कील पुर्न तीच्‍च्‍ये मीत् युङ्‌गेन् बेत् झ्‍यीब बेत्। ॱनी हीगी लेल्‍ल हुगी ढोङ्‌गी आम दीगी चोव ज्‍यीन्‍दक् नीज्‍यरङ्‌गी ॱसुङ्‌गेन् हुगो खुङ्‌देन् बेत्। ॱनी हीन्‍न अक्, दक्‍पी़ सेबे फीरुक् च्‍योक्‍चीनी मल्‍ल छर्नर घयेत् दी क की इक् डुन सगेन् बेत्।