Reemer 12ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Leept net wii ti layt fon tee welt leewe, awer lost tas Hërkot aych transformeyert torich en komplët ferënerung fon ayre sin. Soo tuut teyer em Hërkot sayne wile khëne lërne, tas mënt, was kuut is, perfekt un woo tëm kefale tuut.

Also, mayn priiter, weche Hërkot sayn kroos paarmhërtsichkheet, ferlange ich tas teyer aych kans opfere tuut fer Hërkot als en leewente opfer, hiin kep in tëm sayn aarwat un fer iim se kefale. Tas is ti waare aanpeetung woo teyer fer Hërkot opfere mist.

Tas ti hofnung woo teyer het aych munter halt; sayt ketultich in te layte un tuut imer peete.

Lost net tas ti xlechtichkheet aych ap kewine tuut, awer kewint ap fon te xlechtichkheet mit kuutheet.

Liipt ëne em anere mit priiterliche liipe in Kristus un tuut aych aanxtrënge fer mit rexpekt ëne te anere pehantle.

Tas ayre liipe net ferxtelt sol sin. Hast ti xlechtichkheet un keet noo was kuut is.

Macht ales was meechlich is fer in ruu se leewe mit ale layt.

Mayn liipe priiter, tuut aych nii fon nimant rache; kraat es keeche teel, lost tas Hërkot te xtroof kept. Wayl ti Hayliche Xrifte saan: “Ich tuun mich rache, ich tuun ti aprechung mache mit tëne, saat te Hër.”

Xaft mit entusiasmus un sayt net faulënser. Tiint te Hër mit em hërts fol klaawe.

Weche Hërkot sayn kuutheet mit mich, mich am ruufe fer aphostel sin, saan ich fer aych al tas teyer aych net peser rechent wii teyer aychentlich sayt. Kraat es keeche teel, tënkt oone inpiltung iwer aych selepst, un yeete sol sich selwer julkeere mit em klaawe woo Hërkot iim kep hot.

Tuut fer nimant tas xlechte mit xlechtes petsaale. Fersuucht ales mache soo tas ti anere aych kuut aan nëme.

Tuut ti layt al ekaal uf pase. Sayt net hooch muutich, awer tuut keweenliche aarwate aan nëme. Tas khee ëne fon aych tënke tuut tas eyer en wisente is!

Awer macht wii ti Xrifte saan: “Wën tayne faynt hunger hot, kept tëm se ese; Wën eyer torxt hot, kept tëm waser. Wayl soo machst tuu tas tee ferprëne tuut in roye un xaam.”

Ferlangt tas Hërkot seechne tuut tii woo aych yachte. Yoo, ferlangt tas eyer ti seechne tuut un net ferfluuche tuut. Frayt aych mit tëne woo sich fraye un prilt mit tëne woo prile.

Ferteelt mit te priiter woo es neetich hon was teyer hot un tuut ti frëmte uf nëme in ayre hayser.

Wayl, soo wii in en eensichste khërwer hon meyer fiil teeler, un al tii hon ferxiitne funktsioone, soo aach meyer, wën meyer ach fiil sin, sin meyer eene eensichste khërwer wayl meyer fereenicht sin mit Kristus. Un meyer al sin fereenicht ëne mit te anere wii ferxiitne teeler fon eene ensichste khërwer.