إنجيل متّى 7ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

"طلبو، وْغادي يتّعطى لكُم. فتّشو، وْغَد تجبرو. دقّو، وْغادي يفتحو لكُم.

حيت كُل واحد الّي كيطلب كيقبط، والّي كيفتّش كيجبر، والّي كيدقّ كَيتّفتح لو.

"على ديك الشي كُل واحد الّي كيسمع هَد الكلام ديالي وْكيعمل بِه، غادي نشبّهوْ بواحد الرَّجل بْعقلو الّي بنى الدار ديالو على الصخر.

إدَن، فحال ما بغيتو الناس يعاملوكُم، عاملوهُم هَيداك، حيت هَدي هي الشريعة والأَنْبياء بالاخْتصار.

حيت الباب ضيّقة والطريق مزيّرة الّي كتدّي نالحياة، وْقلالين هُمَ الّي كَيْجبروها.

"دخلو من الباب الضيّقة، حيت الباب واسعة والطريق عريضة الّي كتدّي نالهلاك، وْبزّاف هُمَ الّي كَيْدخلو مِنّاْ.

إيوا، إدا كُنْتو كَتْعرفو تعطيو نالولاد ديالكُم الهديّات المزْيانة، واخّا أنتُمَ قباحين، كيفاش باباكُم الّي في السما ما يعطي شي الخيرات نِلّي كَيْطلبو لو؟

"ما تحاكمو شي باش ما يحاكموكُم شي. حيت بالحُكم الّي بِه كَتْحكمو، غادي يتّحكم عليكُم، وْبْالعبار باش كَتْعبرو غادي يتّعبر لكُم.

وْبالعكس، كُل واحد الّي كيسمع هَد الكلام ديالي وْما كيعمل شي بِه، غادي نشبّهوْ بواحد الرَّجل حماق الّي بنى الدار ديالو على الرمل.

وْعلاش كتشوف الخشوشة الّي في العينينة د خاك، وَلكن الخشبة الّي في عينك ما كتفطن شي بِها؟ كيفاش غادي تقول نْخاك: «خلّيني نخرّج الخشوشة من عينك،» وْها الخشبة باقّة في عينك؟

"ردّو بالكُم من الأَنْبياء الكدّابـين الّي كَيْجيو نْعندكُم في اللباس د الغنم، وَلكن من الداخل هُمَ دياب خطّافة. من الغلّة ديالوم غَد تعرفوهُم. واش كيجنيو العنب من الشوك أَوْلا الكرْموس من العُلّيق؟

هَيدا كُل شجرة مزْيانة كتجيب غلّة مزْيانة، وَلكن الشجرة الخايبة كتجيب غلّة خايبة.

ما تقدر شي واحد الشجرة مزْيانة تجيب غلّة خايبة ولا شجرة خايبة تجيب غلّة مزْيانة.

كُل شجرة الّي ما كتجيب شي غلّة مزْيانة كَتْـتقطّع وْكَتْـتسيّب في العافية.