أَفَسُس 4ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

بالعكس، كونو لُطَفاء مع بعضيّاتكُم، حنانين وْمتسامحين فحال ما سامحكُم اللّٰه بْيَدّو في المسيح.

بْكُل تواضُع والحنان وْطول الصبر وْمتحمّلين بعضيّاتكُم في المحبّة،

ما تخلّيو شي شي كلمة قبيحة تخرج من الدقوم ديالكُم، وَلكن كُل كلمة الّي تكون صالحة نالبُنْيان باش تعطيو نعْمة نِلّي كيسمعو.

حيّدو عليكُم كُل مرورة وْسخط وْغضب وْغوات وْشتيم مع كُل خُبت.

وِادا غضبْتو، ما تدنبو شي وْما تخلّيو شي الشمس تغرب وانتُمَ باقين غضْبانين، وْما تعطيو شي فُرْصة نْإبْليس.

بالنسبة نالحياة الّي عيشْتو من قبل، تعلّمْتو تحيّدو الحاجات د الإنسان القديم، الّي هُوَ فاسد بْشهَوات الغش، وْتتجدّدو في الروح د العقل ديالكُم وْتلبسو الإنسان الجديد الّي هُوَ مخْلوق في صورة اللّٰه في التقْوى والقداسة د الحقّ.

مجْتَهدين باش تحفظو الوحدانيّة د الروح بْرباط السلام.

وْهُوَ بْيَدّو جعَل البعض رُسُل والبعض أَنْبياء والبعض مبشّرين والبعض رُعاة وْمُعلّمين، باش يكمّل القدّيسين في عمل الخدْمة نْبُنيان جسد المسيح، حتّى نوَصلو كاملين نالوحدانيّة د الإيمان وْمعْرفة اِبن اللّٰه، نواحد الإنسان كامل، نْقياس قامة تعْمير المسيح،

باش ما نكونو شي عيال سْتيتْوين مزعْزعين فحال بالمواج وْمحْمولين بْكُل ريح د تعْليم وْبالحيلة د الناس الّي كيغشّو وْكيسْتَعملو وَسائل الخديعة. وَلكن صادقين في المحبّة، نكبرو في كُل شي في هَداك الّي هُوَ الراس، يعني المسيح،