यूहन्ना 14ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

अउं तुं धे शान्ति दी कइ घेण लगो असा। अउं तुं धे अपु शान्ति देण लगो असा। पर तीं देण नेईं लगो, जीं इस मतोके मेह्‍णु देन्ते। त तुस दुखी ना भुओ, होर ना डरे।

यीशु तस जे बोलु, “बथ, सच्चाई त जीवन अउंए भो; मोउं बजन कोई बि बोउ केईं पूज ना सकता।

तोउं यीशु अपु चेली जे बोलु, “तुस दुखी ना भो! तुस परमेश्वर पुठ त विश्वास कते, मोउं पुठ बि विश्वास कते रिहे।

पर मदत करणे बाड़ा मतलब शुची आत्मा जेस बोउ में नओं पुठ लंघान्ता, एई कइ तुसी सम्हाई बोक शिचालती त जे जे बि बोक मेईं तुसी जे बोलो असी, से सम्हाई तुसी याद दिआन्ती।

जे में निआंग अपणाई कइ तस मानते, से मोउं जोई परेम कते। जे मोउं जोई परेम कते, तस जोई में बोउ परेम कता त अउं बि तस जोई परेम कता त अउं अपफ तसे अगर खड़ भुन्ता।”

त अउं बोउए छनेअरे कता, ताकि से यक मदत करणे बाड़ा तुं धे दिआल, जे हमेशा तुसी जुए बिशियाल। से मदत करणे बाड़ा भो सच्ची परमेश्वरे आत्मा। इस धरती मेह्‍णु तस अपणाई ना सकते किस कि ना त तेन्हि से काओ असी, होर ना तस जाणते। पर तुस तस जाणते किस कि से तुसी जुए असा त भविष्य अन्तर बि रेहन्ता।

त में नओं नी कइ तुस जे बि छनेअरे करियेल, अउं तस कता ताकि कोईये बेलि बोउए इज्जत भोल। अगर तुस में नओं नी कइ मोउं केईआं कुछ मगेल, त अउं तस पूरु कता।”

यीशु हउ बि बोलु “अगर तुस मोउं जुए परेम कते त में निआंग मानते।

में बोउए गी बिशण जे सुआ जगाह असी। त अउं तस तेयार करण जे घेण लगो असा। अगर ना भुन्तीथ त अउं तुसी जे बोल छताथ।

अगर अउं घेई कइ तुसी जे जगाह तेयार करुं त दुबारी एई कइ तुसी साते घिन घेन्ता, ताकि जेठि अउं बिश्ता, तठि तुस बि बिशियेल।

थोमा नओएं चेले तस जे बोलु, “ए प्रभु, असी त पता नेईं कि तुस को जे घेण लगो असे, त बती बारे कीं पता लगाल?”