ปะทมมะกาน 11ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

เจอ​เยโฮวา​ก็​เวา​ปาย ‍ "เฮะ​เดอ ‍ กวย​ปัน​มู​ซนซาด​มู​พะซา​จน​ญิ ‍ จะนูอ​อะไล​ตาะ​ปัน​ซำ​ไน ‍ อันตูน​แอน ‍ ค็าน​อะไล​ตังไจ​อี​ตาะ​อันเตริว ‍ ก็​ซี​ตาะ​ดาย​ญิ ‍ พอะ​อะไล​มัง​ก็​เวา​มู​พะซา ‍  ไน​เมือ​อัน​ปัน​อังกิ​เจอ ‍ ปัอะ​ไฮ ‍ ออ์น​ไฮ​แซง​จอ์ะ​อะไล ‍ ปัอะ​ตาะ​ออ์น​อะไล​ตัอ​ด็าง​พะซา​นังนึ ‍ เพือ​อะไล​ซี​ตัอ​ปัน​ตาะ​นัง ‍ กือ​นาก็​อะไล​อี​ตาะ​อะไน" ‍

เจอ​ฮาไน​อะไล​ก็​เวา​ปาย ‍ "ไฮ​ตาะ​อังกิ​ทัอะ ‍ ออ์น​ไฮ​ต็าง​เมือง​อะซอฮ ‍ เจอ​ออ์น​ไฮ​ซาง​ตีาด​นาก็​ปัอง​จน​จุ​มะลัง ‍ เพือ​ซี​ตาะ​ออ์น​ไฮ​เบิน​ซือเซียง​ตอ​ปัอะ ‍ ค็าน​ไฮ​ตัอ​ตาะ​อังกิ ‍ ไฮ​ก็​ซี​ละตาฮ​ละตายะ​นังนึ​ปัอะ​อัอด​ตัว​โลก" ‍

เจอ​ฮาไน​อะไล​ก็​อะโร​เมือง​อะกี​ปาย ‍ วุนวาย ‍ พอะ​ปาย​เยโฮวา​ตาะ​ออ์น​อะไล​วุนวาย ‍ กลัก​พะซา​นังนึ ‍ เจอ​เยโฮวา​ก็​ตาะ​ออ์น​อะไล​ละตาฮ​ละตายะ​นังนึ ‍ ปัอะ​อัอด​ตัว​ญิ​กู​บอน ‍ ญูอน​นาก็​อะไล​ตัอ​ด็าง​พะซา​นังนึ ‍

ญวง​นาก็​กวย​ซี​ปัอะ​อัอด​ตัว​โลก ‍ อะไล​ก็​เวา​มู​พะซา​กู​นาะ ‍ ซำเนียง​เวา​ก็​คือ​กัน​ญิ ‍

เยโฮวา​แซง​ตัอะ​อะเฮะ​เมือง ‍ กับ​ตีาด​นาก็​กวย​จุม​กี​กำลัง​กอ​อะซอฮ ‍

เจอ​เยโฮวา​ก็​แซง​จอ์ะ​อะไล ‍ ตาะ​ออ์น​อะไล​ตัอ​ด็าง​พะซา​นังนึ ‍ ออ์น​อะไล​ละตาฮ​ละตายะ ‍ ปลาฮ​อัอด​ตัว​ญิ​กู​บอน ‍ กวย​นาก็​เกย​อัอด​ตี​กี​เลิด​แปะ​จิ ‍ ซาง​เมือง​อะกี