A-ROMA 12ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Kanda nulitesa ni mwakono, alioze alumukenu ku kupwisa chaha cha kunyonga chenu, hanga nukase chinyingi chize wapwa upale upema ni ungunu wa Zambi ni uze wamupemena.

Kashika, ngunaliumbu kuli yenu mandumbu, ku keke ya Zambi, nutumbikile mijimba yenu chitapo cha mwono, chisandu, chakupemena chikolo kuli Zambi, uno we uvumbiko wenu wakulita ni kunyonga cha mana.

Ha kutalatala, nukawahilile; ha luyinda, nukanyongonone; ha kulemba, nukalikoleze.

Kanda anukumba ku yipi, alioze kumbenu yipi ha kulinga yipema.

Ha kufwila cha mandumbu, lifwilenu ni utu umwe kuli mukwo ni mukwo; ha ulemu, eswe akaliange kuulweza kuli mukwo.

Zango likapwe kulishi ulembekese. Ivwenu lwaji ha ungulungulu; lalaminyenu ku yipema.

Kachi muchihasa kupwa, nikulita ni tachi jenu, pwenu ni sambukila kuli atu eswe.

Kanda nulikalila milonga yenwene, akwetu a zango, alioze lisekulenu ha utenu: mumu chinasonewa ngwo, Kukala nichami, yami kumungufwetesa, chocho anambe Mwene.

Ha kulipupwisa, kanda nulengama; lishinjilenu mu Spiritu jenu kulingila Mwene.

Mumu ku vumbi lize anguhele, ngunambe kuli mutu ni mutu hakachi kenu ngwami, Kanda alinyonga kuhiana chize chamutamba kunyonga; alioze akanyonge ni mana; ngwe Zambi hanapangila kuli mutu ni mutu njongo yenyi ya Ufulielo.

Kanda nufwetesa niumwe yipi ha yipi. Fupenu yuma yilemu kumeso ja atu eswe.

Pwenu ni kunyonga chimuwika umwe kuli mukwo ni mukwo. Kanda nunyonga yuma ya kulengumuka, alioze lifutulenu ni waze akulikehesa; kanda nukanyama ni kutaka cha yenwene.

Alioze kachi mukwa kole ye mevwa zala, mulise; kachi mevwa pwila, munwise; mumu ha kulinga chocho, mukalunjika makala a kahia ha mutwe wenyi.

Wahisenu waze akunuhungumiona, wahisenu, kanda nushingana. Wahililenu hamwe ni waze akuwahilila; lilenu hamwe ni waze akulila.

Nukalianyine ku kuhona cha asandu, nukalitumbikile ku kuzumbula ngeji.

Mumu ngwe tuli ni yihanda yinji mu mujimba umuwika, ni yihanda yeswe kuyishi mulimo umuwika; chocho yetu, tuli anji, tunapu mujimba umuwika muli Kristu, ni eswe, mutu ni mutu, chihanda chimwe cha mukwo ni mukwo.