USOLWELO 3ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Tala, ngunamana ku pito, ngunangongwela: kachi umwe mevwa liji liami, mázulula pito, mungunjila kuli iye, mungulia hamwe nenyi, neye hamwe ni yami.

Ngunanyingika yitanga ye, yena hi uli mukekema ko, chipwe hi uli muhiluka ko, ngunazange kachi wapwa mukekema hanji muhiluka, aiioze se uli musaluka, ni hi mukekema ko, chipwe hi mufuluka ko, mungukusaza mu kanwa liami.

Waze eswe ngunaazange nakwaámbila, nakwalamba ha kufumba: sako mbunge yeswe kashika, Ulikonyeke.

Ngunanyingika yitanga ye, (tala, hingunase kumeso je pito lia kwazulula, lize niumwe mahasa kwájila), ngwami, Tachi jikepe ukwete, hiunafungu liji liami, kwalikalile jina liami.

Yoze makumba mungumwaha mukutwama hamwe ni yami ha ngunja yami, chizechene ngwe ni yami nawa hingunakumbu, hingunatwama hamwe ni Tata ha ngunja yenyi.

Mumu yena wakwamba ngwe, Nguli pichi, hingunapichi upite, chishi kuhona nichimwe; kwanyingikine yena uli mwe mukwa kulungajala, ni mukwa hunya, ni chiswale, ni kapuputa, ni uselesele uli nawo.

Mumu hiunafungu liji lia uhumikizo wami, yami nawa kumungukakufunga ku ola ya cheseko, yize muyiza ha yifuchi yeswe ya hashi mukweseka waze akutwama hashi.

Nguneza nikawashi: lalaminya ku chize uli nacho, hanga niumwe kechi katambula chipangula che.

Lako, utakamise yuma yize yinasala, yize yinambe kufwa: mumu chawanyine yitanga ye yingunu kumeso ja Zambi yami.