Matiə 5ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Ǹ bie bólon lɛ siɛ̃ bɛ̀ ǹ tan kuməə-a wa. Maǹ diɛ lon, a wɔlɔ fúlu bɔ kion min din tumaa nɛ. Kaa bólon fúlu doamaa nɛ a kũ minin yɔrɔ-a miɛ̃, màn mɛn bɛ́ toɛ minin nə kaa zɛnaa ǹ sii sonboren yɛ, ǹ boo la ǹ kaa Díi Lawa guguru kɔ.

Ka dinin lɛn man goon ka bólon fúlu bɛ́ lɔn kanaa kɛ lɛ gɔ́ɔ̃ nɛ. Kiwi mɛn bɛ́ kele mìi ni, bɛa boe la a n duru wa.

Min mɛnɛn gɔ́ɔ̃ bɛ́ fu, Lawa á re barka diɛ bɛn ganaa, a giala ǹ tá re Lawa yii!

Min mɛnɛn bɛ́ peperebaa boro laanka bòo nə́ ǹ ganaa Lawa á re barka diɛ bɛa dɛnan ganaa, a giala Lawa á die toɛ ǹ kã.

Sɛnɛ masɛ n pii ka nɛ, ka kaa zɔ́ɔn narɛ. Min mɛnɛn bɛ́ fuu nyɛɛ ka nɛ, ka Lawa nyankɔ bɛn manɛ.

– Min mɛnɛn bɛ́ ndinin doɛ̃ doobaan lɛa Lawa wɔ paǹ li, Lawa á re barka diɛ bɛn ganaa, a giala lon a kiibaa lɛ nə ǹ dinin wɔ lɛa!

Min mɛnɛn bɛ́ dí nyɛɛ là nyantoro a lɛa, Lawa á re barka diɛ bɛn ganaa, a giala ǹ tá re ǹ bíi Lawa a nɛnyaanan!

Kanaa kɛ a sii bɛ́ yɔrɔ kɔsiɛ diɛ min mɛnɛn ganaa, Lawa á re barka diɛ bɛn ganaa, a giala Lawa á die ǹ foo basɛ̃!

Ǹ bɛ́ min mɛnɛn nɔmiɛ peperebaa taman yii, Lawa á re barka diɛ bɛn ganaa, a giala lon a kiibaa lɛ n bɛn wɔ lɛa.

Min mɛnɛn bɛ́ ǹ miãn makara doɛ̃, Lawa á re barka diɛ bɛn ganaa, a giala Lawa á die makara boe ǹ dɔn ganaa!

Ǹ bɛ́ sɔ kiɛ kasɛn mɛnɛn la, bɛ̀ ǹ ka nɔmaa masɛ a kialandɛnaabaa lɛ taman yii, bɛ̀ ǹ sii baraa tɔrɔ din tumaa zɛnaa ka nɛ, ǹ soɛ da ka la, Lawa á re barka diɛ ka ganaa. Ka n nyɛnyɛɛ, ka foo goã kɔɔ̃nɛ, a giala, saraa gole tá ka duĩ lon, Lawa a piɛ. Lawa a boo gii-dalin mɛnɛn nə da ka nyɛɛnɛ, minin man nə́ bɛn dɔn nɔmaa miɛ̃.

Min mɛnɛn bɛ́ sabarɛbaa nɛ, Lawa á re barka diɛ bɛn ganaa, a giala Lawa màn mɛn a lɛ kɔ ǹ la, á re bɛ lɛ koe ǹ la.

Ka dinin lɛn man goon ka yìsi bɛ́ lɔn kanaa kɛ lɛ gɔ́ɔ̃ nɛ. Sɛnɛ bɛ̀ yìsi a yìsibaa soo á n bɔ a nɛ, a n siɛ lɔn a tɔn yìsi baa doo? A ba màn kɔ́n bǐɛ̃ koe doo wa, yǎa n zuĩ kanaa, minin nə tɔtɔrɔ ǹ gòã giulun.

Bɛ lɛ taman yii, ka toa ka lɛ pã ka ka Di Lawa lɛ bɛ́ piɛ̃-n lɔn.

Ka "hiĩ" hinlaa "haayii" dinsɔɔ̃ pɛ. Ka bɛ́ màn mɛn din tumaa pii tii bɛ ganaa, bɛ n boe zɔ́ɔ *Sɛtaan li.

Táa ka ma mà á n pɛ: «Bɛ̀ n min yii puru, n dɔ wɔ nə n puri, bɛ̀ n min sɔ yiɛ, n dɔ wɔ nə n yiɛ.» Sɛnɛ, masɛ n pii ka nɛ, bɛ̀ min nə́ sii la n la, n baran a gɛ̀ dòo bɔ a ganaa wa. Bɛ̀ min nə́ n gɔn tɔ n gusin a para nɛ, a toa a tɔ n gɔsɛ wɔ lɛ dɔ-n gɔrɔ.

Ta n gusin a yii n die n diɛ sii baraa nɛ, a gɔsɛ n zũ, n bɔ n yɔrɔ nɛ. A giala, n bɔ̀n baa n gɔ̀nɔn paǹ kɔ́n nɛ n kirisibaa, bɛ á soɛ gɔ̀nɔn siĩ din tumaa a wo bɔ̀n baa tɛ gole-n ne. Ta n gusin a gɔn nə die n diɛ sii baraa nɛ, a kuru n zũ n bɔ n ganaa. A giala, n bɔ̀n baa n gù goon ne n kirisibaa, bɛ á soɛ n gɔ̀nɔn siĩ din tumaa a wo bɔ̀n baa tɛ-n nɛ.