Doomettaabaa 49ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Haariyaagee yaana gakkanaashin, kawotaa xam77ai Yihudaappe, deriyaa haariyaageetu gatimai a toho giddoppe shaahettenna. Qassi dere asai ayyo azazettana.

“Yooseefi aifiyaara herxxexxida woine tura. I pulttuwaa matan herxxexxa aifiyaara de7iya, daashshaikka godaappe bollaara zaa7iyo woine tura. Wonddafiyaa dukkiyaageeti a bolli woraajjidosona; woraajjidi bantta zubbiyan dukkidosonanne muddidosona.

A wonddafee minni uttiis; a qeseekka minnidi gam77iis. Hegeenne Yaaqooba Wolqqaamaa kushiyaa gaasuwaana, ne henttanchchaa, Israa7eela Zaallaa gaasuwaana, nena maaddiya ne aawatu Xoossaa gaasuwaananne, nena bolla saluwaa anjjuwan, garssa ciimmaa anjjuwan, xanttaa anjjuwaaninne yeliya uluwaa anjjuwan anjjiya, Ubbaa Danddayiya Xoossaa gaasuwaana.

“Yihudau, ne ishantti nena galatana. Ne kushee ne morkketu piillanttiyaa oiqqana. Ne aawaa naati neeyyo hokkidi ziggana. Yihudau, neeni wodala gaammo. Ta na7au, neeni shankkaappe woridi simmidi, cogochchidi zin77ida gaammo mala. Neeni asi bosherettanau koyenna macca gaammee mala.

“Roobeelaa, ta baira na7au, neeni ta wolqqaa; ta minotettaayyo koiruwaa. Neeni bonchchuwankka wolqqankka ubbaappe aadhdhiyaagaa. Neeni di7o mala; eqqosan de7akka; neeni ubbaappe aadhdhiyaagaa gidakka. Aissi giikko, neeni ne aawaa hiixaa kiyadasa; ne awaa arssaa tunissadasa.