1 कुरिन्थियों 6ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

अर थे या कोन जाणो कांई क थारी काया पवितर-आत्मा को मन्दर छ अर वा आत्मा थारअ माईन्अ रेव्अ छ ज्यो थान्अ परमेसर दियो छ। थांको मालिक परमेसर छ, थे खुद कोन्अ। क्युं क परमेसर थांको मोल चुकार थान्अ मोल लियो छ। ई बजेसुं थे थांकी काया सुं परमेसर की महमा करब्अ करो।

थे सांच्याई जाणो छो क बराई करबाळा लोगबाग परबु का राज का वारिस कोन हो सक्अ। थे बावळ्या मत बणो। अनैतिक काम करबाळा, मूरती पुजबाळा, व्यभिचारी, पुरूषगामी, चोर-लुटेरा अर लालच करबाळा, दारूड़या अर चुगली करर लड़ाबाळा अर ठगबाजी करबाळा परबु का राज का वारिस कोन हो सक्अ।

कुकर्म मत करो। क्युं क ईक्अ अलावा मनख जतरा बी पाप करअ छ वे खुदकी काया सुं कोन्अ करअ। पण ज्यो मनख कुकर्म करअ छ वो खुदकी काया की लार पाप करअ छ।

थां मंसुं कोई खेव्अ छ, “मन्अ सब करबा की छूट छ।” हां पण सब थां बेई चोखो कोन्अ। म खे सकुं छु क मन्अ सब करबा की छूट छ पण म कसी बी चीज को गुलाम कोन बण्यो।

परमेसर जस्यान परबु ईसु न्अ जीवतो कर्यो छ वस्यान ई वो खुदकी सक्‍ति सुं आपान्अ बी फेरू जीवता करअलो।