मत्ती 16ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

ईसु चेलानै खेबा लाग्यो, “जखो बी मेरै गेल होबो चावै ह बो खुदनै तज'र, आपकी सुळी उठार मेरै गेल होले।

म तेरूँ आबी बोलुँ हूँ तू पतरस ह जिको मतबल ढाड होवै ह। तू निम की जंय्यां होसी जिपै म मेरी बिस्वासी मंडळी बणास्युं अर इपै पताळ को जोर कोनी चालसी।

म तनै परमेसर का राज की ताळ्या दि ह, जिऊँ जोक्यु तू धरती प बंद करसी बिनै परमेसर ईस्बर नगरी म बंद कर देसी अर जोक्यु तू धरती प खोलसी बिनै परमेसर ईस्बर नगरी म बी खोल देसी।”

जखो बी खुदका पिराण बचाबो चावै ह बो बिनै खोसी अर जखो बी मेर ताँई खुदका पिराण तजसी, बो आपका पिराण बचासी।

अर ज कोई मिनख आपका पिराणा की हानी उठार सगळा जगतनै जीत ले जणा बिनै काँई फाईदो? कोई चिज क बदला म मिनख खुदका पिराण दे सकै ह के?

जणा ईसु बानै बोल्यो, “पण थे मनै काँई खेवो हो?” समोन पतरस बोल्यो, “थे सऊँ सक्‍तिसाली अर जीवता परमेसर का बेटा मसी हो।”

ईसु अंय्यां सुणर बिनै बोल्यो, “ओ समोन योना का बेटा तू भागहाळो ह क्युं क आ बात तू कोई मिनख की सुणर कोनी बोली पण तेर प ईस्बर नगरी म रेह्बाळो मेरो परम-पिता परगट करी ह।