Loma 1ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Mii jie i fe o Laabaaliŋamo wangima po. Li tie U Tienu paalu yaaba n daani kuli yaa tindima po, ki cili Jufinba, ki ŋoadi bi nilanba.

O Laabaaliŋamo yeni doagidi U Tienu n saa bi nisaaliba po i moamoani ke bi tiegi maama, kelima li dandanli po leni li dandanli bebe yaa po, nani lan diani maama: «O niteginka baa yaa ye, kelima o dandanli yaa po.»

U Tienu paalu yuu n ki pia gbenma leni wan tie maama, naa tie bi nisaaliba n baa fidi ki le yaala. Ama hali ŋanduna tagima yogunu, laa bonla kuli doagidi wan tagi yaala yaa niinni. Lani n teni ke baa pia ban baa fidi ki tabi yaala, ki gaa bi yula.

Ba ke bi bani wani U Tienu, baa kpiagidi o ki go tuondi o nani lan pundi maama, ama bi yaadi bi yanluoma nni. Bi yanpiima teni ke bi kua li biigili nni.

Bi lebidi ki ŋaa U Tienu moamoani, ki ŋua mi faama. Bi kpiagidi U Tienu n den tagi yaala, ki ŋaa wani o Tagido oba, yua n pundi ki yaa baadi ti pagidi hali yaa yogunu kuli. Amina!

U Tienu pabienli doagidi tanpoli po, ki baa cuo yaaba n yie o, ki tiendi yaala n ki tiegi kuli, bani yaaba n moandi ki ñii i moamoani leni bi biadima.

Li tie lani yaa po ke U Tienu mo ŋaa ba, ke bi gbanandi fiima, yaama n tie ti cagindi ki jigidi ba, n paadi ba. Ba bi puoba ŋaa U Tienu n bili bi po yaala, ki cagini bi yula. Bi jaba moko ŋaa U Tienu n bili ke ban yaa taagi leni bi puoba maama. Bi gbanandi fiima co nani u mu yeni jatoaba po, ki teni ke bi cagini leni jatoaba. Lanwani, bi baadi bani bi ba yaa panpaani n dagidi bi yaadima yeni po. Nani bi nisaaliba n den sua ke laa pundi ban bandi U Tienu yeni, U Tienu mo ŋaa ba ke bi yantiabiada paadi ba, ke ban yaa tiendi yaala n ki pundi.

Ba ke bi kpiagidi bi yula ke bi tie yanfuodanba, bi tua yanluodanba. Bi lebidi U Tienu yua n kan kpe yaa kpiagidi, ki kpiagidi a nannana, ya n naani leni o nisaalo yua n baa kpe, ti bonyugiditi, ti yandi leni li bonbalinkaala.