Efesa 6ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Tii koani leni yaa yibalinba n pia ti gbanandi leni mi soama ka. Ama ti koani leni li bali danba, i paaciami danba leni yaaba n die li biigili ŋandunli, ki tie yaa cicibiadimu n ye mi fawaama nni.

Mi Fuoma n teni yin yaa jaandi yogunu kuli, ki yaa miadi U Tienu yogunu kuli bu miabu buoli kuli. Yaa miadi mani U Tienu o nigagidiŋanba kuli po ki da yoaligi, ki da cedi.

Yin bobi mani U Tienu n puni yi yaa toatiadi kuli, ke yin fidi ki yaa se bonŋanla, ki yie ku tuotabigu yudaano nunfanbiadibu kuli po.

Lani yaa po, yin taa mani U Tienu n puni yi yaa toatiadi kuli, ke yin fidi ki sedi, ki yie yaala n bia yaa ti cua yaa daali, ki koani ki paadi, ki go yaa se ke li pa bonŋanla.

Yin go taa li dandanli nani li gbankoandigu yeni, ki yaa muubi yogunu kuli, ke yin fidi ki gbindi o Biado n toa yi yaa mupiemi kuli. Yin yaa ciibi mi tindima kusanli leni mi Fuoma jugisiega yaaga n tie U Tienu Maama.

Lanwani, bogini mani ki yaa se ke li pa. Yin yaa ñaagi i moamoani nani ku gbanñagidigu, ki yaa la mi teginma nani li kuliadili, ki pili li yankuali nani ti cacaadi yeni mi yanduanma Laabaaliŋamo wangima po.

N majuodikaama n tie ne: Yin yaa baadi mani yi fidu o Diedo kani leni o paalu yuu n cie li bonla kuli nni.

Ŋan jigini a baa leni a naa, lani n tie yaa bali makpiama n yegi leni u ñoanianu. Laa ñoanianu mo n tie: «A baa yaa ye leni li pamanli, a miali mo n foagidi ki tinga nni.»

Yinba a bila, yin tuo ki yaa ŋua yi danba maama, nani o Diedo n bua maama, kelima lani n tiegi.