Epacerero 17ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Abraamu arinweene iyaakha miloko mithannamixexe niithanniixexe, Yave aahiixoonihera wa yoowo, anamweerela: “Miyo ti Muluku a ikuru sootheene, mweette vamoha ni Miyo ni mukhaleke ookwaneleene.

Nsinananyu khaneeriwaka Abraamu, mene Abrahaamu, niwoko kohookhalihani tiithi a miloko sincipale.

Kinookhaliha wiiraanawaka ni nyuwo, ni ekhapiraanyutho ya muhoolo, ntoko wiiraana woohimala. Miyo nkikhale Mulukwaanyu, ni Muluku a ekhapiraanyu.

“Vano mwa mpattaaka kimpakaaka wiiraana ni nyuwo ti wu: Mmwithatuwe tiithi a miloko soowaatta.

Muluku aamwaakhula: “Vekhaikhai Sara onimooyarelani mwaana mulopwana ni nyuwo mmunttehe Isaki. Nkikhalihe wiiraanyihawaka ni yoowo ni ekhapiraawe ya muhoolo ntoko wiiraana woohimala.

Vano elapo yootheene ya oKanaani, weiwo nyuwo vaanaano muraanyu namarwa, kinimoovahani ni wa ekhapiraanyu ntoko yawinyuweene yoohimala, ni nkikhale Mulukwaaya.”

Abrahaamu aahuuramela vathi, anatheya, aniixeerela: “Mulopwana a iyaakha ncira onoowera omuyara mwaana? Sara onoowera oyara areene ni iyaakha miloko mithannamixexe?”

Vano Muluku aamweerelatho Abrahaamu: “Okhuma vanaano vaava mpaka ohoolo, amwaarinyu kheerwa yiitthaniwatho Sarai; nsinanaya nnikhale Sara.

Eniyiineliwe mwa elopwanaaya ni wiineliwa iwo onuukhale eneneero ya wiiraana variyariwahu.

Vano wiiraanyihawaka Miyo nkikhalihe mwa Isaki, mwaana a Sara aneeraawe amuyare mwaahiyu mwa ehuhuweene yeela.”

Okhuma epuumbaanyu mpaka ya muhoolo, anamwane asilopwana ootheene a mahuku mathanamararu a oyariwawaya yiineliweke, yaawo ooyariwa vaatewanyu, mpakatho yaawo eneera ethummweke ilapo sikina, mwa yaawo eneera ehikhale a ekhapiraanyu. Hata ekhalaka a vaatewanyu, naari oothummwa, ontthuneya wiineliwa. Wiiraanyihawaka wiikaathiwe mweerutthunimwanyu onuukhale wiiraana woohimala.