Matayo 7ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

<<Entoomonu naa keichori ntae, enteyiai, naa itumtum, enkodkodo naa keboluni ntae.

Amu kore pooki ng'ae oomonu, neng'amaa, kore ilo oyiaya naa ketum, kore ilo oikodkod nkutuk e nkaji neboluni.

<<Kore pooki ng'ae oning kulo omon lainien, neas, naa inji etuwuana ltung'ani ng'en otecheta nkaji enye te nkeper e ndadapoi.

Kore mbaa pooki niyieu nikintaas ꞉ltung'ana, ntaasa sii iyie ninche nejia, amu nejia ejo nkitanapat e Musa o nkiteng'ena ee loibonok le Nkai.

Kake kepirik ilo tim, naa ronkai nkoitiei nalo nkichon, naa lkuni ootum.

<<Entijing te ltim opirik, amu kelala ltim, neidapach nkoitiei nalo mutai, naa inie eeim lkumo.

Amaa sa tiniyielolo ntae oaara torrok aaichoo nkera inchi nkichoorot supati, kebaa sa eitulusoo Papa linchi oti chumata aichoo lolo oomon ninye?

<<Eminguanare lkulie, meiguanareki ntae. Amu kore ana ninguanarere lkulie, naa nejia eikoni teneiguanareki ntae. Kore nkiguana nidung'oki likae, naa inia kidung'okini iyie.

Kake kore ltung'ani pooki oning kulo rerei lainien nemeas, naa inji etuwuana ltung'ani oamada otecheta nkaji enye te nkeper e sunyai.

<<Aanyo payie idol somua natii nkong'u e lalache lino, nimidol leng'oti natii nino? Anaa aji inko tinijoki lalache lino, <Wou maaitai somua,> naa ng'ura, kore iyie ikitii leng'oti nkong'u.

<<Entodol ate too loibonok le sapare, amu kepuonu nitii eichopito nkilani ee nkerra, kake kore atua ltauja lenche, naa suyiani oonyeicho. Naa taa lng'anayio lenche iyielouu ninche. Amaa, kebosu ꞉ltung'ana lmusabibu too lkeek loo lkuku, anaa lng'abolo too lpopong?

Naaku kore lcheni pooki supat, nejing lng'anayio supati, kake kore lcheni pooki torno, nejing lng'anayio torrok.

Mejing ꞉lcheni supat lng'anayio torrok, nemejing sii ꞉lcheni torno lng'anayio supati.

Kore lcheni pooki lemejing lng'anayio supati, nedung'i, nenang'akini nkima.