Apocalipse 22ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Eu son o Alfa e o Omega, o Primeiro e o Ultimo, o Principio e a Fin.

Mira que vou chegar axiña e traio comigo a miña paga, para lle pagar a cada un conforme o seu traballo.

O Espírito e a esposa din: "Ven". Quen escoita, que diga: "Ven". Quen teña sede, que veña; o que queira, que colla de balde auga da vida.

Benia os que teñen lavada a súa roupa, para teren dereito á árbore da vida e a entraren polas portas da cidade.

Mira que veño de seguida. Benia o que fai caso ás profecías que están neste libro".

Alí endexamais non haberá noite nin precisarán da luz da lámpada nin da luz do sol, porque o Señor Deus será a luz que os alumee e eles serán reis polos séculos dos séculos.

Quen testemuña estas cousas, di: "Si, veño axiña". Amén! Ven, Señor Xesús! A graza do Señor Xesús vos acompañe a todos!

A todo o que escoite as profecías deste libro declárolle que, se alguén engade algo ó aquí escrito, Deus mandaralle as pragas escritas neste libro. E se alguén quita algo do contido neste libro profético, Deus quitaralle a súa participación da árbore da vida e da cidade santa, descritas neste libro.