1 Pedro 2ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Pero, en cambio, vós sodes raza escollida, sacerdocio de reis, nación santa, pobo adquirido por Deus, para pregoardes as marabillas daquel que vos chamou das tebras á súa luz admirable.

No seu corpo, el ofrendou os nosos pecados sobre a cruz, para que nós, mortos ó pecado, vivamos para a xustiza: curáronnos as súas chagas. Erades coma ovellas extraviadas, pero agora volvéstesvos ó voso pegureiro e pastor.

Vós, os que antes non erades pobo, agora sodes o pobo de Deus; ninguén se compadecía de vós, pero agora atopastes quen se compadeza de vós.

Coma nenos que acaban de nacer, ansiade o leite puro, o espiritual, que recibistes no bautismo, para medrardes con el en orde á salvación

Meus amigos, recoméndovos que, coma forasteiros e emigrantes que sodes, vos manteñades lonxe dos baixos desexos que loitan contra nós. Entre os pagáns mantede un comportamento honrado, para que, aínda que vos calumnien polo voso comportamento coma malfeitores, ó veren as vosas obras boas, acaben por dar gloria a Deus, o día que El os visite.

sede tamén vós, coma pedras vivas, parte da construción do templo espiritual: para os cultos dun sacerdocio santo e para ofrecer ofrendas espirituais, aceptables a Deus por medio de Xesús Cristo.

Así que, espídevos de toda maldade, de toda mesquindade e finximento, da envexa e de falar mal dos outros.

Ó achegárdevos ó Señor, pedra vivificadora de refugallo para os homes, pero pedra escollida e apreciada ós ollos de Deus

Isto facédeo coma xente libre de verdade e non coma quen toma a liberdade para tapar a ruindade, senón coma servidores de Deus.

Porque isto é o que Deus quere: que portándovos ben, lle tapedes a boca á ignorancia dos estúpidos.