यूहन्ना 15ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

हांऊँ अँगूरा री लूड़ी सा तुसै डाई सी ज़ो मूँ न बणिया रोआ सा हांऊँ तेईन सौ बोहू फ़ोल़ा सा, किबैकि मूँ न अलग होईया तुसै किछ़ भी नी केरी सकदै।

तुसै मूँ न बणिया रौहा, होर मूँ तुसा न ज़ैण्ढै शांणी मतलब अँगूरै री लूड़ी न बणिया नैंई रौहली ता आपणै आपा न नैंई फ़ौल़ी सकदी, तैण्ढै तुसै भी अगर मूँ न बणिया नी रौहलै ता नैंई फ़ौल़ी सकलै।

अगर तुसै मूँ न बणिया रौहलै होर मेरा बचन तुसा न बणिया रौहला ता ज़ो चाहै मौंगा, होर तेई तुसरी तैंईंयैं होंणा सा।

तुसै हांऊँ नी चुनु सा, पर मैं तुसै चुनै सी होर तुसै ठहराऐन्दे सी ताकि तुसै जाईया फ़ौल़ आंणलै होर तुसरा फ़ौल़ बणिया रौहला, कि तुसै मेरै अधिकारा न ज़ो किछ़ मौंगलै, सौ तुसाबै देला।

ऊँई न बड़ी झ़ुरी कोईरी नी ऑथि कि आपणै सैंघी री तैंईंयैं आपणी जान देला।

ज़ो डाल़ी मूँ न सा, होर नैंई फ़ौल्दी, तेसा बै सौ काटा सा होर ज़ो फौल़ा सा, तेइबै सौ छाँटा सा ताकि होर फौल़ै।

मेरा हुक्म ऐ सा कि, ज़ैण्ढी झ़ुरी मैं तुसा सैंघै डाई तैण्ढीऐ तुसै भी एकी दुज़ै सैंघै झ़ुरी डाआ।

मेरै बापू री महिमा ऊँई लाइया होआ सा कि तुसै बोहू फ़ौल़ आंणा, तैबै तुसै मेरै च़ेले ठहरिणा सा।

सच़ी अँगूरै री लूड़ हांऊँ सा; मेरा बापू किसान सा।

अगर कोई मूँ न बणिया नी रौहन्दा ता सौ शांणी सांही काटिया शेटणा सा, होर शुका सा होर मांहणु तिन्हां बै कठा केरिया औगी न शेटा सी, होर ते फुकिया सी।

मैं ऐ गैला तुसाबै तैबै बोली, कि मेरी खुशी तुसा न बणिया रौहली, होर तुसरी खुशी पूरी होली।

अगर तुसै मेरी हुक्म बै मनलै, ता मेरी झ़ुरी न बणिया रौहलै, ज़ैण्ढी कि मैं आपणै बापू री हुक्म मनी सा, होर तेइरी झ़ुरी न बणिया रौहा सा।

इन्हां गैला रा हुक्म हांऊँ तुसाबै तैबै देआ सा कि तुसै एकी दुज़ै सैंघै झ़ुरी डाआ।

अगर तुसै दुनिया रै लोका हौन्दे, ता दुनिया रै लोका तुसा सैंघै झ़ुरी डाआणी, पर ऐई बजहा न तुसै दुनिया रै लोका मौंझ़ै नैंई पर मैं तुसै दुनिया रै लोका मौंझ़ै न चुनै सी, तैबै ता दुनिया रै लोक तुसा सैंघै बैर डाआ सी।