Va le Roma 4ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Angakanakananga hi tlhelo ra xitshembiso xa Xikwembu, ni kupfumela ka yena akuhelanga; kambe akumile matimba hi mhaka ya kupfumela, kutani adzunisa Xikwembu. Akholwile svinene lesvaku Xikwembu xi ni matimba kuyendla lesvi xingatshembisa kuyendla svona

hilaha svitsaliweke hakona, loko vaku: “Nikuyendlile tatana wa matiko lawa manyingi.” Abrahamu i tatana wa hina mahlweni ka Xikwembu lexi angapfumela ka xona, xinga Xikwembu lexipfuxaka lavangafa, lexiyendlaka lesvaku svilo lesvingaliki kona svitshuka sviva kona.

Hi yena Yesu lweyi anganyiketiwa lesvaku adlayiwa hikolaho ka milandzu ya hina, atlhela apfuxiwa kufeni lesvaku hi ta tshunxiwa ka yona.

Abrahamu avile ni kutshemba, ava alangutela laha kungalangutelekiki, kutani ahundzuka tatana wa matiko lawa manyingi, hi kuya hi Matsalwa lawa mange: “Vatukulu va wena vatayengetelanisa xisvosvo.”

Kupfumela i mhaka leyilavekaka, lesvaku hinkwasvu sviva lesvitirhiwaka hi timpsalu ta Xikwembu, ni kuyendlela lesvaku xitshembiso xiva lexitiyeke ka vatukulu hinkwavu va Abrahamu, kungali ntsena ka lava vanamarhelaka Nawu, kambe ni ka lava vanamarhelaka kupfumela loku aali nakona; hi yena lweyi anga tatana wa hina hinkwerhu

ate: “Kukatekile lavarivaleliweke svijoho sva vona, lava svijoho sva vona svifunengetiweke, kukatekile munhu lweyi Hosi yingamuhlayeliki kujoha ka yena.”

Hikuva Tsalwa rili yini ke? Rili: “Abrahamu apfumelile ka Xikwembu, kutani ximuhlayile lweyi alulameke hikolaho ka svona.”