Va le Filipi 4ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Mingavileli ha nchumu; kambe timhakeni hinkwatu, khongelani, mitivisa Xikwembu lesvi misvipfumalaka, mikombela na mili karhi mikhensa

kutani kurhula ka Xikwembu lokutlulaka kutwisisa hinkwaku, kutahlayisa timbilu ta n'wina ni miyanakanyu ya n'wina ka Yesu Kriste.

Kuheteleleni vamakwerhu, hinkwasvu lesvinga ntiyiso, hinkwasvu lesvichavisekaka, hinkwasvu lesvilulameke, hinkwasvu lesvibaseke, hinkwasvu lesvitsakisaka, hinkwasvu lesvikhensekaka, ni loko kuli ni svin'wana lesvinga ni vunene kumbe kudzuneka, svilo lesvi hinkwasvu, tshamani na mili karhi misviyanakanya.

Ningayendla hinkwasvu hi matimba ya Lweyi anitiyisaka.

Titsakeleni Hosini masiku hinkwawu; nitlhela nivulisa svosvo, nili: Titsakeleni!

Kutani Xikwembu xa mina xitaminyika hi ntalu hinkwasvu lesvi misvipfumalaka, hi kuya hi rifuwo ra xona ni kudzuneka ka xona ka Yesu Kriste.

Lesvi misvijondzeke ni kusvikuma, lesvi misvitweke ni kusvivona ka mina, sviyendleni, kutani Xikwembu xa kurhula xitava na n'wina.

Vunene bza n'wina abzitiviwe hi vanhu hinkwavu; Hosi yi le kusuhi.

Nitiva kupfumala, nitiva ni kutaleliwa. Hinkwaku, minkameni hinkwayu, nijondzile xihundla xa kuyamukela kutaleliwa ni ndlala, kutaleliwa ni vusiwana, na ningavileli.

Anihlayi svosvo hi kutitwa na nili mupfumali, hikuva nijondzile kutsaka hi lesvi nitikumaka na nili ka svona.