I Va le Thesalonika 5ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Tshamani na mitsakile masiku hinkwawu. Mingatshikeni kukhongela. Ka hinkwasvu, khensani; hikuva hi kona kurhandza ka Xikwembu henhla ka n'wina ha Yesu Kriste.

Ingi Xikwembu xa kurhula, xona ha xoxe, xingamiyendla lavahlawulekeke hi matlhelo hinkwawu. Ingi mimoya ya n'wina, ni timbilu ta n'wina, ni miri wa n'wina, svingatshama na svibasile, na svingali ni nandzu siku leri Hosi ya hina Yesu Kriste angatavuya. Lweyi amivitanaka watshembeka, kutani atasviyendla.

Vonani lesvaku kungavi ni lweyi atlheliselaka svobiha hi lesvobiha; kambe hi masiku hinkwawu, ringetani kuyendlelana lesvinene, misviyendla ni le ka hinkwavu.

Hikolaho, tiyisanani miyakisana, hilaha misviyendlaka hakona ni svosvi.

Kutani hamikhutaza vamakwerhu, hili: Layani malolo, mitiyisa lavahelaka matimba; pfunani lavanga ni gome, milehisela hinkwavu mbilu.

Xikwembu axihihlawulanga lesvaku xitahihlundzukela, kambe kuhinyika kuponisiwa hi Hosi ya hina Yesu Kriste.

Hikuva hinkwenu mi vana vakuvonakala, mi vana va nhlekanhi. Ahi va vusiku hina, kumbe va munyama.