YOHANA 15ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

“Ise nise omusabibu, ne ninywe tsisaka. Omundu omenyanga mwise, nase nimenyanga muye, yamanga ebiamo ebinji sichila simunyala okhukhola ling'ana liosi sila ise tawe.

Menye mubuhambani n'nase, nase ndamenya mwinywe. Olusaka silunyala okhwama ebiamo olwene nilurali khumusaala tawe. Nimbwo nenywe simunyala okhwama ebiamo nimuramenya mwise tawe.

Nimuba nimumenya mwise, ne amang'ana kanje nikamenya mwinywe, kho mulasaba eliamwenya, nenywe mulalinyoola.

Simuli ninywe abali okhunzela ise tawe, nebutswa nise owali okhumwela inywe, nimubiikha mutsie okhwama ebiamo ebinji, nebiamo bienywe bimenye. Kho Papa alimuhelesia liosi eliamusaba muliira lianje.

Obuyanzi obukhongo obwomundu ahaananga khubalina baabe nokhubafwila abalina baabe.

Asosolanga siolusaka mu ise oluramanga ebiamo tawe, ne asiyanga siolusaka olwamanga ebiamo, kho lumetekhe okhwama ebiamo.

Lilako lianje ndielino mbu: Muyanzane, singa obwa nase ndamuyanza inywe.

Mwing'ana yili Papa ahebwanga oluyali, mbu mwame ebiamo ebinji, nenywe mulaba abechi banje.

“Ise nise omusabibu kwatooto, ne Papa wanje niye omusimikhi khandi omulimili wakwo.

Omundu naba naramenya mwise, afuubwanga esioba singa olusaka, ma luniale; ne abandu batsibunjelesia, nibatsifuuba mumul'lo, matsihia.

“Mubooleye yaka kho obusangali bwanje bube mwinywe, ma obusangali bwenywe bwitsule.

Nimuba nimukhola amalako kanje mulamenya mubuyanzi bwanje, singa obwa nase ndali okhukhola amalako ka Papa wanje, ma nimenya mubuyanzi bubwe.

Yaka niko akamulaka mbu: muyanzane.

Nimwakhabeye abesibala, khane esibala siakhamuyanzile singa abenesio. Nebutswa sichila simuli abesibala tawe, nebutswa ndamwela okhurula musibala khulwe yako abomusibala bamubihil'lwanga.