Varoma 14ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Nguko Mfumo wa Txizimu hi nga kudya ni kusela; aniko ngu kululama, ni kudikha, ni kutsaka ngu ka Moya wo Sawuleka. Nguko awu a thumelako Kristu ngu nzila yiya, wa tsakisa Txizimu, na a txi dhundeka ka vathu.

Ngako hi txi hanya, hi hanyela Mkoma; ngako hi txi fa, hi fela Mkoma. Mwendo ha hanya, mwendo ha fa, hi lumba Mkoma.

Ngu konaho, he xoteni kumaha ati ti vangako kudikha ni ti ti hi akako amu ka likholo.

Ngu toneto, he lekeni kulamulana ngu txathu; kambe ti woneleni mi si vekeli mkwanu txikhuvekiso, hambi txitsha txa ku mu humba.

Nguko ti bhatwe ti taku: “Ngako ni hanyako, kha Mkoma, otshe mazolo ma na khizama masoni kwangu, ni totshe tidimi ti na dhumisa Txizimu.” Ngu toneto, mmweyo ni mmweyo wathu a na ya ti xamulela masoni ka Txizimu.

Amukelani awu a nga mbi tsana likholoni, mi si kanetisani nayo ngu ti a kholwisako tona.

U mani awe u lamulako txithumi txa mmwani kani? Mwendo txithumi txiya txa ema mwendo txa wa, eto ti ziwa ngu nyamne wa txona; aniko txona txi na ema, nguko Mkoma a ni mtamo wo txi emisa.