LUKAS 6ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Mkoḇuk kada nari smunsu faro mko: warnkyara ḇeḇye oso, skukira ifyos, ma sisas i isof isbawer ma ḇesbawer anna nari sisbawer na ro farandan bedi. Snar warnkyara mkoḇuki kyaraya, nari ssḇuki kyara mko kako.”

Snonkaku ḇeḇye ifrur roi ḇeḇye ro sne karambram ḇeḇye ḇyedi ma snonkaku ḇeḇarḇor ifrur roi ḇeḇarḇor ro sne karamḇram ḇeḇarḇor ḇyedi. Snar roi ikofen na nakḇairo sne ḇyedi.”

Ḇape mko kada, mkoswar mbroḇ mkoḇesi ma mkofrur pyum faro si ma mkoḇuk resari ma mkokyar awer nari mkosma munsu, rarirya ḇaḇyak mkoḇedi nari iba ma nari mkoḇeromawa Allah Ḇekaki Syadi, snar ikada ipyum faro snonkaku ḇekofen kasumasa ḇa ma snonkaku ḇeḇarḇor sya.

Iḇyekada mkoḇesnemura, imnis raris Kma mkoḇedi kako ḇyesnemura.”

“Mkoḇe mankara awer, rarirya mko kako nari sakḇemankara mkoḇa. Ma mkoḇuk samamyai awer, rarirya mko kako nari sakḇuk samamyai faro mkoḇa; mkoḇuk ampun rarirya mko kako nari sḇeampun mko.

“Ḇape faro mko, ḇemnaf aya, Yakofen: Mkoswar mbroḇ mkoḇesi, mkofrur pyum faro snonkaku ḇeyain mko sya; mkor ḇok faro snonkaku befras mko; mkonadi warek snonkaku ḇeyonef mko.

Ma raris wamarisen insa snonkaku sifrur faro au, wakfrur rarirya kako faro si.

Mansei ḇeḇaser fofer besya oso, buk fofer besi ḇarya wer, ma mansei ḇeyun syatu bedi, buk sansun baken bedi fa dun iwer kako. Buk faro snonkaku mansei ḇeor faro au; ma wor siḇer awer faro snonkaku ḇeyun roi nwana.

“Snar ai knam ḇeḇye oso nari imarem bon ḇeḇyeḇayo ḇa, ma rarirya kako ai knam ḇeḇyeḇa oso nari imarem bon ḇepyumo ḇa.

Snar ai knam oser-oser ḇyeḇemambir ro bon ḇyena. Snar korokem ara bonḇa ro aikus borek ma anggur bon ro kaḇrai borekḇa.