LUCAS 11ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Miquiaaya jamatii queamimishi epohua aquianacuana queapame quiapoquiaña miquianaja bacuacuana ohua huohuiajjacajje. Eyacuiñajjiya miquianaja Chii Eyajo queapameneenee nequiya ca quiana ca oe oja Edojjoshahuapame quiacaje ojjaña joya o huohuiajjaneijji poanicuana.

Jamajjeya eyaya miquiana huohuiaña jama ba'a: Eyacuiñajji oe huohuiajjaneicue cua miquiaa saña huisojotii oja quiajji. E'ejojonei oya huohuiajjaneicue jiquio ecua dejjaa oja aquiana ejjajeaqui sa-ajjanei'yomajje baca'yani jama pea-aiya oya acue. Jamajjeya Eyacuiñajji huohuiajjamajamajaneitiicue jiquio ecua dejja esecuejjanijo taaanequiani enobiquijji, jama pea-aiya pocue. Jama quiana pomajamajajo Eyacuiñajjiya equi secuejjani ca'apejocaje miquiana nobiquijji.

Jamajjeya joya dejjaa o huohuiajjamajamajajji poaniya Eyacuiñajjija quiacuana jjeshecaje. Joya e'ejojonei o sa-ajjaneijji poani Eyacuiñajjiya queapame ba'emeesahuacaje. Joya esecuejo nequi taaamajamajajji poani Eyacuiñajjiya equi secuejjani ca'apejocaje o nobiquijji.

Jesosaa oya saja-acapoa jama ba'a: —Eyacuiñajjinijje mimisapomajje mimicue jama ba'a: Ecuanaja Chii-ai, Eyajo nequi queahuisocuaa miya queaca'aneetii nequipoquiani cabacahua. Miya ojjañacuana huoojeapoquiajjitii poecuajicue.

Ecuanaja mimishicuana miyaya pajea'yocue ecuana queamimishi ajji epo oja mimishi ecuaaya pajea'yañajojoya. Ecuana che nahueneicue onaa queamimishi epomeeca poanijje.— Jamaya Jesosaa huohuicapoa achajja Eyacuiñajjinijje mimime pocajji.

Ojjaña pojjajotii ecuana bobi quiacue queapame eba'epoquijji.

Miquianajaya ecojjacuana eyami queaja'a pomeejji poani jiquio ecua cuaquijijiya jeaja'acani jama. Jamajjeya ecojjacuana queapame poanijo miquianaya queaja'a ba'epoquije. Miquianajaya ecojjacuana queapame pojjeama poanijo ca quea-aapo jayojja quiana ba'epoquije.

Jesosaa esohui huohuipea-aicapoa cuana jama ba'a: —Chama'nei ojjañacuanaja cuaquijiji edahuahuojje jijiqui enequiaquehuajji cajondojjohuasijje. Eyahuasijje caca oe nequiacajji ejeaja'anequijji joya equiyiyedojjohuasijje nobiquije cuanaja ebajji queaja'a.