1 Ayṯ-Kurinṯ 12ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Immuc-as i kuȓ ijjen iy zi ɣa ismeḍhar ȓxeḏmeṯ n Arruḥ iqeddsen bac aḏ infeƹ marra iwḏan.

Fa kenniw ḏ ddat-a iƹni ḏ jmaƹeṯ n Lmasiḥ, kuȓ ijjen zzaywem ḏ ijjen ṭṭarf zzayes.

Meȓa can yijjen itwaƹeddab, aḏ twaƹeddaben kuȓci. Meȓa can yijjen ṯemmuc-as lqima, akiḏes farḥen marra.

Ijjen immuc-as s ufus n Arruḥ iqeddsen bac aḏ issiweȓ s lḥikma. Ijjen immuc-as awaȓ n ṯusna s ufus n Arruḥ-a wanita. Ijjen immuc-as lʼiman ijheḏ s ufus n Arruḥ-a wanita. Ijjen mmucent-as can lqudraṯ bac aḏ isgenfa s ufus n Arruḥ-a wanita. Ijjen immuc-as aḏ igg lmuƹjizaṯ. Ijjen immuc-as aḏ issiweȓ s min iƹȓem zi Arebbi. Ijjen mmucent-as ṯizemmar aḏ imeyyez jar n arruḥaṯ. Ijjen immuc-as aḏ issiweȓ s ȓebƹaḍ n lluɣaṯ ruḥiyaṯ. Ijjen immuc-as aḏ istarjem lluɣaṯ nni.

Marra ṯimesȓayin-a ṯina twasxeddament s ufus n yijjen n Arruḥ wanita. Ifareq-iṯent i kuȓ ijjen waḥḏes mammec ixes netta.

Ammu war iǧi bu lxilaf ḏi ddat, thellant ḏeg waywaya kif-kif.

Fa ḏinni lʼanwaƹ n lqudraṯ, walakin Arruḥ ḏ ijjen. Ḏinni lʼanwaƹ n lmesʼuliyaṯ, walakin Siḏiṯneɣ ḏ ijjen. Ḏinni lʼanwaƹ n ȓexḏayem, walakin Arebbi ḏ ijjen ḏ netta iy ṯent isxeddamen marra ḏi kuȓ bnaḏem.

Ḏi jmaƹeṯ-a n ȓmuminin iretteb Arebbi ḏ amezwaru arrusul, wis ṯnayen lʼanbiya, wis ṯȓaṯa imseȓmaḏen, menbaƹd yinni isxeddamen lmuƹjizaṯ ḏ yinni ɣar ǧant lqudraṯ bac aḏ sgenfan iwḏan, ḏ yinni itƹawanen, ḏ yinni itkellafen s ȓxeḏmeṯ, ḏ yinni issawaȓen s ȓebƹaḍ n lluɣaṯ ruḥiyaṯ.

Ȓexxu cuf, ddat war ɣares ca ijjen n ṭṭarf waha; Lla, ɣares aṭṭas n ṭrufaṯ.

Lla, ṭrufaṯ nni n ddat iy ḏaneɣ tɣiȓ ḍeƹfent ataf niṯenti twaḥḏajant ktar.

Meȓa ddat ṯekmaȓ nettaṯ ḏ ijjen n ṯiṭṭ, manis iy ɣa ṯṣenneṭ? Meȓa ddat ṯekmaȓ nettaṯ ḏ ijjen n umejjun, manis iy ɣa ṯcumm? Walakin ȓexxu Arebbi isettef ṭrufaṯ n ddat issen kuȓ icten mammec ixes at igg. Iwa maƹlik ṭrufaṯ-a marra tuɣa ḏ ijjen, mani ṯeǧa ddat?