JOHANISI 14ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

“Ndi ni sia na mulalo; ndi ni ṋea mulalo wanga. Mulalo une Nṋe nda ni ṋea a u fani na wa shango. Ni songo ḽa mbilu; ni songo ofha.

Yesu a mu fhindula a ri, “Nḓila ndi Nṋe; ndi Nṋe ngoho; ndi Nṋe vhutshilo; a hu na ane a nga swika ha Mudzimu Khotsi arali a songo dzhena nga Nṋe.

Yesu a vha vhudza a ri, “Ni songo ḽa mbilu; fulufhelani Mudzimu ni fulufhele na Nṋe.

Huno uyo Mutiki, Ene Muya Mukhethwa ane Khotsi anga a ḓo mu ruma dzinani ḽanga u ḓo ni funza zwoṱhe, a ni humbudza zwoṱhe zwe Nṋe nda ni vhudza.

“Ane a ṱanganedza ndaela dzanga a dzi tevhedza ndi ene ane a mpfuna, huno ane a mpfuna, Khotsi anga u ḓo mu funa-vho. Na Nṋe ndi ḓo mu funa nda ḓidzumbululela ene.”

Nṋe ndi ḓo humbela Khotsi anga, Ene u ḓo ni ṋea Mutiki muṅwe ane a sa ḓo ni ṱutshela lini na lini. Ene Muya Muḓivhadzangoho. Shango ḽone a ḽi koni u mu ṱanganedza ngauri a ḽi mu vhoni, na u mu ḓivha a ḽi mu ḓivhi, hone inwi ni a mu ḓivha, ngauri u dzula na inwi, u kha inwi.

Zwino tshiṅwe na tshiṅwe tshine na humbela nga dzina ḽanga ndi ḓo ni ṋea, uri Khotsi a rendwe nga zwine Murwa a ita. Tshine na nkhumbela nga dzina ḽanga ndi ḓo ni ṋea.

“Arali ni tshi mpfuna ni ḓo ita zwine nda ni laya.

Nḓuni ya Khotsi anga hu na vhudzulo vhunzhi. Arali zwo vha zwi songo ralo ndi musi ndi tshi ḓo vha ndo ni vhudza. Huno zwino ndi khou ya hone u ni lugisela vhudzulo.

Zwino musi ndo no ni lugisela vhudzulo ndi ḓo ḓa nda ni dzhia ra yo dzula roṱhe.

Thomasi a mu vhudzisa a ri, “Muṋe washu, hune vha khou ya hone a ri hu ḓivhi; zwino nḓila ri nga i ḓivha hani?”