Romu 8ರಿಂದ ಜನಪ್ರಿಯ ಬೈಬಲ್ ವಚನಗಳು

Wa nimi wararị mịnẹ Tamụnọ ḅẹlẹmarị tẹ ọ̀ kẹ ye tọn ḅara ḅụ ọ̀ ḅarana sịn ọkị atomi ma ḅụ ye goyegoye iḅi go mịẹarị.

Ì ḅiokpọ wararị, ọ̀ ḅẹlẹma mẹ ḅụ wa puu ḅelema ḅẹ gberie-sọ ofori: anị ḅọrọ fịị-o, ḍumo-o, enjẹlị apụ-o, So-ḅio ḅẹrẹtọn-arị apụ-o, kụrọ-o, mịọkụ emi aị-o, tọrọkọ-jụ ḅo ḅarị aị-o; So-ḅio ḅẹ ye-o, kiri ḅio ḅẹ ye-o, Tamụnọ tẹmẹ aị ma ḅụ gberie-sọ inetẹ wa Nyanaḅọ Kịrayịsị Jizọsị ḅụ Tamụnọ ḅọrọ tẹ nyana wa pịrị ḅẹlẹma mẹ ḅụ wa puu-ḅelema ḅịa.

Anị gbọrụ ḅara anie Tẹmẹ ḅe sọ pịkị ḅarasụa wamịna ịnyọ ofori mẹ pịrịarị ḅara. Wa tẹkẹ ḅẹ ḅara sọ wa nimi-a. Tẹmẹ ḅe anie ḅarana wa inetẹ ḍuko ḅịa ḅara kẹ wa gotẹ owu Tamụnọ pịrịarị.

Ma mamgba ḅụ wa tiye ḍuko ḅẹ? Tamụnọ wamịnị na emi ogbo tụḅọ inetẹ wamịnị na tụḅụrụ ḅẹ?

Mịọkụ Kịrayịsị Jizọsị na gbọrụ ḅụ emi apụ ma ịn ḅarị ḅẹrẹ-ḅarasii nyana-a.

Tomḅọ si sime-ḅara ḅẹrẹtọn tomḅọ pịrị mẹ dogi-ḅoarị ye fịị; Tẹmẹ ḅe ḅẹrẹtọn tomḅọ pịrị mẹ dogi-ḅoarị ye ḍumo na dein na.

Gbala-gbala, ma mamgba ḅio, wa ḅẹlẹma ḅọ ḅe ḅụ, owu wamịna ḅara iḅi fama tẹ!

À sịn-arị ḅara, mịọkụ wa ẹrịarị tọrụsiẹrị mẹ na, tọrọkọ-jụ ịn kẹ wa ḍie ḅarị ebube mẹ na, tọnma, tọnma ọkụ ofori.

Anị kụma tụḅọ inetẹ Kịrayịsị ḅẹlẹma mẹ ḅụ wa puu sikima ḅẹ? Ḅụụ-fụka inetẹ ḅẹ mụnọọ, kụrọ-kụrọ mụnọọ, ḅaa-ḅọkọ kẹ wa ḍọkị mụnọọ, ḅuru pọkọ tarị mụnọọ, igoin mụnọọ, ḅalafama asi-aị mụnọọ, fịị mụnọọ?

Tẹ wamịna ḅioḅẹngbọ ẹrịarị Tamụnọ ḅe, Tẹmẹ ḅe kuromarị ye mẹ nimi wararị; gbala Tẹmẹ ḅe Tamụnọ atomi gotẹ ọ̀ ḅara ḅiiarị aị ma anie pịkị ọ̀ tọn aị ma.

Tamụnọ Tẹmẹ ḅe dogi mẹnjịarị apụ ma anie Tamụnọ awọmẹ ma.

Tomḅọ si sime-ḅara mẹ ḍiki angarị apụ ma, tomḅọ si sime-ḅara mẹ mie pịkị ịn mịẹ ḅẹ ye ḍuko ịn pịrịarị, ịna aḅioḅẹngbọ ma sọ tomḅọ si sime-ḅara mẹ ḅiiarị aị ma mie ḅẹrẹtọn arị pịrịarị. Tẹmẹ ḅe ḍuko ịn pịrị ḅara ḍiki angarị apụ ma, Tẹmẹ ḅe ḅiiarị aị mie pịkị ḅẹrẹtọn ịna aḅioḅẹngbọ pịrịarị.

Karakara-ḅara-ḅụ Tamụnọ rẹ ọkọ sime ye mịẹ ḅịa, ori ọ̀ Tụḅọ sọ ọlọ-sịẹma-a, tẹ ọ̀ kẹ agbamịẹ wamịnị-mgba pịrịm. Ori amịna Tụḅọ kẹ wa pịrị ḅọ ḅe, tiye kụma ọ̀ kẹ ọ̀ ḅụụ papaa sụa wa pịrị ḅịa?

Tamụnọ Tẹmẹ ḅe wamịna tẹmẹ ḅụ sọ tẹ Tamụnọ awọmẹ kẹ wa sịn-arị. Wamịnị ori awọmẹ ḅẹ sakị, ọ̀ kẹ ori atomi wẹrịma aboma ma ḅụ wamịnị sọ ḍiekiri nyana ḅa; wa Kịrayịsị na sọ tẹ tọrụsiẹrị ḅẹḅẹ, wa pịkị ori ebube ḅụ ḍiekiri nyana ḅa.

Anie ḅụ, tomḅọ si sime-ḅara ḅẹrẹtọn tomḅọ pịrịarị ḅẹḅẹ, mḅọ Tamụnọ na fịya-a ḅọ sọ tẹ, mḅọ Tamụnọ oloko koko koko-a, karakaraye ḅụ mḅọ inetẹ koko ḅịa.

Bebe Tamụnọ tẹmẹ ye mẹmgba opu ḅio-sẹsẹ ḅụ Tamụnọ ori awọmẹ pakama-ḅo ḅarị ene koruarị.

Gbala wa nimi ḅara ḅụ, ḅo mịọkụ la sọ, Tamụnọ tẹmẹ ye-mẹmgba akụ ye ḅụ iningiarị, iyi la tẹ ẹrẹḅọ akụ ye da ḅara.