मर्कूस 12ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

येशूजी बिइ, “ताँन् भन्दा थेबै ताँ चुन् ग, ‘ओ इस्राएलीमैं थेद्! ङ्योए याहवेह परमेश्‍वर घ्रि मत्‍त्रे मुँबै परमेश्‍वर ग। क्हिइ ह्रब्दे सेब्दे, खाँब्दे, सैं न्होंउँइँले, खों न्होंउँइँले ह्रोंसए याहवेह परमेश्‍वरलाइ म्हाँया लद्।’ अर्को आज्ञा चुन् ग, ‘क्हिइ ह्रोंसए ङ्‍हेब्मैं ह्रोंसलाइ धोंले म्हाँया लद्।’ चु आज्ञा ङ्हिं भन्दा थेब अरू तोइ आरे।”

छाब् म्रोंसि येशूजी खीए चेलामैं खी ङाँर हुइसि बिइ, “क्ह्रोंसेंन ङ क्हेमैंने बिमुँ, चु बाकसर भेटि झोंबै म्‍हिमैंए न्‍होंरि चु ङ्हाँदु म्हरेस्योइ ताँन् भन्दा ल्‍हें झोंइ। तलेबिस्याँ अरू म्‍हिमैंइ खेंमैंने ल्हें मुँबइले ल्हेंन् झोंइ, दिलेया चु म्हरेस्यो ङ्हाँदु तलेया ह्रोंसने तिंफुँइ आचैल्‍ले ताँन् झोंवाइ।”

येशू मन्दिरर भेटि झोंबै बाकसए चेंदो क्हुँसि म्‍हिमैंइ बाकसर भेटि झोंरिब ङ्‍ह्‍योरिमा प्लोबै म्‍हिमैंइ मुइ ल्‍हें झोंइ। झाइले ङ्हाँदु म्हरेस्यो घ्रि खसि क्युराए मुइ ङ्हिफुँ झोंइ।

छतसि क्हिइ ह्रब्दे सेब्दे, खाँब्दे, सैं न्होंउँइँले, खों न्होंउँइँले परमेश्‍वरए म्हाँया लद्। धै ह्रोंसए ङ्‍हेब्मैं ह्रोंसलाइ धोंलेन् म्हाँया लल् त्‍हुम्। चु ताँ ङ्हिं ताँन् खालर्बै ख्रो पिंब् भन्दा थेब् ग।”

झाइले येशूजी चमैंने बिइ, “कैसर म्रुँलाइ पिंल् त्हुबै सैमैं म्रुँलाइन पिंनुँ, परमेश्‍वरलाइ पिंल् त्हुबै सैमैं परमेश्‍वरलाइन पिंनुँ।” येशूए ताँ थेसि चमैं प्लेटोयाइ।