२ कोरिन्थी 12ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

दिलेया प्रभुजी ङने बिइ, “ङए दयाम्हाँया योंसेरो क्हिलाइ अरू सै तोइ आचैदि, तलेबिस्याँ क्‍हि आखाँ आथुबै त्हेर ङए भोंइन तोन्दोंरि के लम्।” छतसि ख्रीष्‍टए भों ङने तरिगे बिसि आखाँ आथुबै त्हेरै या ङ सैं तोंन्लेन् प्हैंब्मुँ।

छतसि ख्रीष्‍टए मिं थेब् तरिगे बिसि ङ आखाँ आथुलेया, म्‍हिमैंइ ङलाइ प्ह्रलेया, सैदिलै आखाँबै दुःख तलेया ङ सन्‍दोक तम्, तलेबिस्याँ आभोंबै त्हेरै या ङ बेल्‍ले भोंब् तम्।

ङइ प्हैंबै सैं ललेया ङ बुद्धि आरेब् धों आत, तलेबिस्याँ ङइ क्ह्रोंसेंन्बै ताँ मत्‍त्रे पोंमल। दिलेया छाबै ताँर ङ थेब् प्‍हैंदा आङ्हाँ। तलेबिस्याँ म्‍हिमैंइ ङइ तो लब म्रोंइमुँ, ङउँइँले तो ताँ थेइमुँ, च भन्दा बडि चमैंइ ङलाइ आमैंरिगे बिब ङए सैं मुँ। दिलेया छाबै औदिबै दर्शनमैं ङइ ल्हें म्रोंलेया ङ थेब् आप्‍हैंरिगे बिसि प्रभुजी ङए ज्युर पुजु घ्रि थेंमिंइ। ङ थेब् आप्हैंरिगे बिसि च पुजु अथबा दुष्‍टए दूत घ्रि ङलाइ ह्रुगुदिबर थेंमिंइ।