MAREKO, 6ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Ona fetalai atu lea o ia ia te i latou, Ina o mai ia, tau lava o i tatou, i se mea tuufua, se‘i tou mapu ae teisi; auā e toatele e na feoai ai, ua le mafai ai i latou ona aai.

A ua fetalai atu Iesu ia te i latou, E leai se perofeta e le mamalu, ua na o lona lava nuu, ma lona aiga, ma lona fale e le mamalu ai.

Ua maliu atu Iesu, ua na silafia le motu o tagata e toatele, ona mutimuti vale ai lea o lona alofa ia te i latou, auā ua faapei o mamoe i latou e leai so latou leoleo; ona a‘oa‘o atu lea o ia ia te i latou i mea e tele.

Ona le mafaia lea e ia ona fai o se vavega i lea mea, na o nai tagata mamai e toaitiiti ua ia faaee ai ona lima, ma faamaloloina. Ua ofo foi o ia i lo latou le faatuatua; ona faataamilo lea o ia i faoa aai, ma a‘oa‘o atu.

Ua tago o ia i areto e lima ma i‘a e lua lau, ona tepa ae lea i le lagi, ua faafetai; ona tofitofi lea i areto, ma avatu i ona soo, latou te laulau atu ai ia te i latou; ma i‘a foi e lua lau ua na tufatufa atu ai ia te i latou uma. Ona aai uma lea o i latou, ua maoona. Ua latou fu‘e foi i ato e sefulu ma le lua, ua tutumu i toe mea, atoa ma fāsi i‘a.