Mga Hebreo 12ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Busa, kay gilibotan man kita niining dakong pundok sa mga saksi, isalikway ta ang tanan nga nakababag kanato ug ang sala nga naghawid kanato pag-ayo. Daganon ta nga matinud-anon ang lumba nga atong gisalmotan. Itutok ta ang atong mga mata ngadto kang Jesus nga maoy gisandigan sa atong pagtuo ug tighingpit niini. Wala siya mosibog bisan pa sa iyang pag-antos sa krus ug wala niya igsapayan ang kaulaw sa pagpakamatay didto sa krus tungod sa kalipay nga madawat niya. Ug naglingkod siya sa tuo sa trono sa Dios.

Walay kastigo nga dili sakit ug dili gayod kini makalipay. Apan sa kaulahian kadtong nakadawat sa maong pagpanton makaani sa kinabuhing matarong ug malinawon.

Paningkamoti ninyo ang pagpakigdait sa tanang tawo ug sa pagkinabuhi nga balaan kay gawas niini walay makakita sa Ginoo.

Palandonga kon unsa ang iyang giantos ug giunsa niya sa pagpailob taliwala sa labihang pagsupil sa mga makasasala aron dili kamo maluya ug mabugnaw.

Busa magpasalamat kita kay nakadawat man kita ug gingharian nga dili gayod matay-og. Magmapasalamaton kita ug simbahon ta ang Dios sa paagi nga makapahimuot kaniya uban ang pagtahod ug kahadlok.

Lahutay sa inyong giantos ingon nga pagdisiplina kaninyo. Ang pagdisiplina kaninyo nagpaila nga giisip kamo sa Dios nga iyang mga anak. Kay may anak ba gud nga dili disiplinahon sa iyang amahan?

Kay ang atong Dios sama sa kalayo nga mosunog gayod.

Kay gidisiplina kita sa atong mga tawhanong amahan sulod sa mubong panahon lamang sumala sa ilang gihunahuna nga angay buhaton. Apan ang Dios nagdisiplina kanato alang sa atong kaugalingong kaayohan aron makaambit kita sa iyang pagkabalaan.

Sa inyong pagpakigbisog batok sa sala wala pa gayod kamo makig-away hangtod sa kamatayon.