JOHAN 14ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

“Khamuanna kung nutsiat hi, keimah khamuanna kungpia hi; leitung in apiak bangin ken nou kung piakei a, na lungtang uh mangbang sak kei unla, lau zong lausak kei un.

Jesu`n akiang ah, “Keimah lampi leh, thutak leh, hinna ka hi; keimah a pailou kuamah Pa kiang a tungthei kei hi.

“Na lungtang uh mangbang kei hen, Pasian na gingta ua kei zong hung gingta un.

Hinanleh Khamuanpa, Khasiangthou Pa in ka min a ahung sawl ding in, aman siljousiah nou a hunghilh ding a, tualeh thu na kiang ua ka gensa jousiah nou ahung theisak ding hi.

“Kuahileh ka thupiakte neia jui tuh, kei hung it ahi a; tualeh kuapeuh kei hung it tuh ka Pa it in aom ding a, ken amah ka it ding a, akiang ah ka kilak ding,” achi hi.

Tualeh Pa ka ngen ding a, Aman nou khamuantu ahung pia ding, na kiang ua tangtawn a om ding in. Tuapen thutak kha ahi; leitung taksa dan a hingten aneithei kei, ajiak amah amu kei ua, thei zong atheikei uh; hinanleh nou amah nathei uh; ajiak na kiang uah a om a, na sung uah a om ding hi.

Tualeh ka min a nanget jousiah uh, ka bawljel ding, Pa Tapa-a pahtawi a aom theihna ding in. Ka min a banghiam khat peuh nanget uh, ka bawljel ding.

“Kei nung it uleh ka thupiakte jui un.

Ka Pa inn ah tenna ding mun tampi a om, omlou hileh kung hilh ta ding hi. Nou ding a mun bawl a pai ding ka hi.

Tualeh kapai a, nou a ding a mun ka vabawlleh, kung paikik ding a, ka kiangah nou kung la ding; ka omna a nou zong na omtheihna ding un.

Thoma in akiang ah, “Toupa, khoi a napai ding ka theikei uh; a lampi bangchi`n kathei ding ua?” achi a.