मत्तायोस 18ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

एन्‍देरगेका एक्‍सन ऎनोटा महले मूनोटा आलर एंग्‍है नामे ती ख़ॊड़्रनर असन ऎन आर ही मझी नू र'अदन।”

ऎन इदन हूँ निम्‍है ती ब'अदन, निम्‍है मधे ती इरिब आलर ख़ॆख़ेल नू एकअम कत्‍था गे ओन जिया मनोर ती ने'ओर होले, आद एंग्‍है मेर्ख़ा बंगस तरती आर गे मनो क'ओ।

ख़ने येसुस ओन्‍टा सन्नी ख़द्दासिन हेद्दे मीख़ियस ती आर ही मझी नू इजताचस, अरा बाचस, “ऎन निमन मानिम ब'अदन, एका गूटी नीम निम्‍है पाप ती किर्रोर ती सन्नी ख़द्दर बेसे मल मनोर, नीम मेर्ख़ा राजी नू कोर'आ पोल्‍लोर।

एका ओर्तोस तंगन ई ख़द्दस लेक्‍खा लुदऊ सोच'ओस, आस मेर्ख़ा राजी नू कोहाँ मनोस।

एका ओर्तोस ई बेसे ओन्‍टा सन्नी ख़द्दासिन एंग्‍है बदली नू इंझ्रदस आस एंगन इंझ्रदस।

ऎन निमन मानिम ब'अदन, नीम ख़ॆख़ेल नू एन्‍द्रन नना माल चि'ओर अदिन धर्मेस हूँ नना माल चि'ओस, अरा नीम एन्‍द्रन ख़ॆख़ेल नू नना चि'ओर अदिन धर्मेस हूँ नना चि'ओस।

नीम निम्‍है भइय्योसिन जिया ती छमा मल ननोर होले, अन्नेम निम्‍है मेर्ख़ा ता बबस हूँ निमन छमा मल ननोस।”

अरा इबड़ा सन्नीर एका ओर्तोस एंगन पत्त'अदस, आसिन नीन पाप नना गे नन्‍दय होले, निंग्‍है ख़ेसेर नू ओन्‍टा कोहाँ पखनन हें'अरकी निंगन समुदर नू मुलख़त'अना चि'अना निंगा गे दौ र'ई।

एकअम आलासी सौ गोटंग भेंडो र'ई, अरा अबड़ा ती ओन्‍टा इबस्र'ई क'ई होले, आस एन्‍देर ननोस? आस निनान्‍बे गोटन परता नू अम्‍बोस ती क'ओस अरा आ एबस्रकन मानिम नू बेद्दोस।