Mat 6ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Ánɔ hɔláka obíyébi ɔ ɔwaamba ne *Butéŋí bɔ́ Bandɔ́mɛsɛ́ ne efúúménénú yí olíhe e yí ŋe wuúci bíléníne ; aáná u káá banɔ́ sólikinyinyi bɛnyɛ́ma eébí bí etémbí bikime.

Nɔtɛ bɛ́ákákɛ́na aná a bɛsana bɛ́ nɔɔyá, anyía nɔɔyá káá bá na bíáyɛ́ bɛsana. Na ɔyá na múáyɛ́ muuyé. »

Yaátɛ́ asana ɛ ŋa mɛ́ banɔ́ láana anyía nɔtɛ bɛ́ákákɛ́na a asana na bɛnyɛ́ma bɛ́ ɔnyíá anyía núénú líhéke, mbá ta a asana na bɛlaŋa abɛ́ nu ŋa nɔ́ láŋabaka. Yaŋɔ́ ɛsɛ, olíhe ŋa hɔ́la bɛnyɛ́ma bɛ́ ɔnyíá, cɛɛ́tɔ hɔlaka bɛlaŋa e ?

Mbá ekúlú ekime ayɛ́ kuɔŋɔ́ ɔ ŋɔɔ́ waamba ɔbɛ́cɔ́kɔ́lɛ́na Bandɔ́mɛsɛ́, oofíne oówo e ekéti yí ciíbe yɛ́ ɔfianaka, simíne ehenyi ; mbá á bɛ́cɔ́kɔ́lɔ́kɛ́na ciɔwɔ Síkíne aá haála eéhé a hááŋa a nyɛnamba noómi. Aáná wuúci u kɔ́ yɔ́ɔ namaka, anyía u ŋa lɛca aátɛ́ ɔ ŋɔɔ́ kɛla a nyɛnamba noómi.

Aana nuánɔ́ nyɛmána nú o búle bɛ́cɔ́kɔ́lɛ́na Bandɔ́mɛsɛ́ : Ciasɔ́ Síkíne cɛ Ɔmuaná, nyiɔ́wɔ nyiínyi á bá nyifúúménénú ; búɔ́wɔ Butéŋí á faáya, bɛsana ebí o ŋoó léne á bɛ́kɛ́láka aaha ɔ ɔmɛsɛ́ háyɛ ɔ Ɔmuaná.

Basɔ́ íínjíé hɛ́nánɔ bɛnyɛ́ma bɛ́ ɔnyíá a bɛ́ á basɔ́ nyɛmána.

Basɔ́ nyɛanɛ́nɛ́na máásɔ́ maabɛ́, háyɛ basɔ́ bɛ́muátá tu naŋa tuasɔ́ nyɛ́ánakɛnɛna tɔ́na baacɔ a bá ŋa bɔ́ basɔ́ kɛla bɔɔbɛ́.

Eti lumitine anyía tuásɔ́ kuakɔ́na a mɔɔ́kɛ́tánána noómi, mbá ɔ́ basɔ́ haŋɔ́náka ná aabɛ́ yɛ́ ɔɔcɔ. Yááŋa anyía ne butéŋí, na makɛ́nda, ne eese bɛ́áŋa bíɔ́wɔ bikúlú bikime. Híáná yááŋa.

Yááŋa anyíaʼo, mbɔ́kɔ nu ŋa nɔ́ nyɛ́ánɛnɛna bɔsɔ́ɔ́kɔ́ maabɛ́ amá bá ŋá bɔ́ banɔ́ kɛ́la, cianɔ́ Síkíne cɛ Ɔmuaná káá banɔ́ nyɛ́ánakɛnɛna tɔ́na máánɔ́ maabɛ́.

Ánɔ lɛcáka bɔmbányɛ tunonyí ; tú tɛ ŋɔ́ yɔ́ɔ́nɔ bɛnyɛ́ma, tú ti biíbi sáŋa, aáná tú tɛ a bá ta na afɛná, ta na tɔɔ́la. Mbá ta híáná, cianɔ́ Síkíne cɛ Ɔmuaná ŋeé tuútu túke. Énu menyí anyía nú ŋa nɔ́ hɔ́la buéŋí tunonyí.

« Nɔtɛ bátɛ́ákɛ́na búánɔ́ bɔnɔ́mɛ aaha ɔ ɔmɛsɛ́ ooci, haála ehé ne tufike na nyɛnyía áŋa bí o buúbu caŋgɛna ; ta anyía haála ehé beébi á bɔ́ŋa bá ɔkataka ciíbe, bó buúbu eébéke. Ánɔ bátɛ́ákɛ́na yáaŋa búánɔ́ bɔnɔ́mɛ a Bunɔŋɔ bɔ́ Ɔmuaná, haála ehé te tufike, ta nyɛnyía tɛ a bá bí o buúbu caŋgɛna, te beébi tɛ abɔ́ bá bá ɔkataka ciíbe, bó buúbu eébéke. Yááŋa anyía aá haála ahá búɔ́wɔ bɔnɔ́mɛ áŋa, hí a hɔ́á tɔ́na úúwe ɔtɛ́má áŋa. »

« Ta munyiɔnɔ mumɔtɛ́ tɛ á bá mu ɔnyiɔkɛna síkíne cí buólí ífendí, anyía keyé u ké búle é léne eeci, u lénéke ecinyíé ɔ ɔhɔla ; ta anyía keyé u ké búle á bábɛ́na síkíne eeci, u lɔ́kɔ́mákɛ́na ecinyíé. Nu tɛ anɔ́ bá nú ɔhákɛ́nɛ́na bɔkɔ búmɔtɛ́ na Bandɔ́mɛsɛ́ na bɔnɔ́mɛ bɔ́ ɔmɛsɛ́ ooci.

Mbɔ́kɔ Bandɔ́mɛsɛ́ ŋe híkisi bihuti bɛ́ bɛtúalɔ́ a bɛ́áŋa ɛndánáka hɛ́nánɔ, nɔɔyá bé o biíbi luliki, mbá anyána aná u tɛ káá banɔ́ láŋaka, banɔ́ abá nua nɔ́ŋa ne hilumitininelúmítíníne e ?

Mbá kuɔŋɔ́, ekúlú ekime eyí o ŋoó wiínjie basɔ́kásɔ́ka bɛnyɛ́ma, úúwe ɔɔbɔ́ ú meényi tɛ ɔ́mɔ́ nyɛ́mana wú omenyi bɔkɔ abɔ́ ɔɔbɔ́ ú manɔ́mɛ á kɛla. Aáná nyíɔ́wɔ nyiínjie káá bá a nyɛnamba noómi ; ciɔwɔ Síkíne yɔ́ kuɔŋɔ́ námaka, anyía u ŋa lɛca aátɛ́ ɔ ŋɔɔ́ kɛla a nyɛnamba noómi. »

« Énu bíkékényíki anyía buólí abɔ́ nu ŋa nɔ́ nyíɔnɔ Bandɔ́mɛsɛ́ tɛ bámɔ́kɔ́nɛ́na háyɛ obítóŋínyi e eése cá baacɔ. Mbɔ́kɔ aáná yááŋa, cianɔ́ Síkíne cɛ Ɔmuaná tɛ ká banɔ́ námaka.

« Ekúlú ekime eyí nú ŋe nú bíkíilie ɔnyíá, nuti sulúbúéke i iŋetí cɛ baacɔ bá tɔbɛ́mbɛ túfendí ; bé ŋe bú súŋe meése anyía bébú tóŋgínyi bɔmbányɛ baacɔ anyía bé me bú bíkíilieke ɔnyíá. Aá taaká ɛ ŋa mɛ́ banɔ́ laana anyía bíábɔ́ bɛnamá eébí bé ŋe bú hiíte aáná. Mbá kuɔŋɔ́, ekúlú ekime eyí o ŋoó bíkíilie ɔnyíá, bɛ́súáka buúse, mbá e bífééfíki ɔsɔŋɔ yí enumbé ; anyía mbá eti tóŋínyi baacɔ anyía ó moó bíkíilie ɔnyíá. Aáná o kóó tóŋínyi hú ná ciɔwɔ Síkíne a wáŋa a nyɛnamba noómi ; wuúci u kɔ́ yɔ́ɔ namaka, anyía u ŋa lɛca aátɛ́ ɔ ŋɔɔ́ kɛla a nyɛnamba noómi. »