1 Johannes 4ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

o čačo kamimos našavel i dar. Ke o štrafo si ande i dar, taj ande kodo kaj daral o kamimos na'i tista vorta.

Me tume, mure šavora, san katar o Del taj tume nirindan le xoxamne profetora. Ke kodo kaj bešel ande tumende maj baro si sar kodo kaj si and'i luma.

Ame kamas, ke o Del kamlas amen anglunes.

Mure kamade, mekhen te kamas jekh avres! Ke o kamimos si katar o Del taj kado kaj kamel kerdjilas katar o Del taj prindžarel le Devles.

Kodo kaj či kamel, či prindžardas šoha le Devles, ke o Del si kamimos.

O kamimos na'i kodo ke ame kamlam le Devles, me ke o Del kamlas amen taj bišadas peske Šaves te pučinel amare bezexa.

Mure kamade, te o Del kade kamelas amen, atunči vi ame sam došale te kamas jekh avres.

Taj o Del sikhadas maškar amende pesko kamimos kana bišadas peske jekhe Šaves pe i luma te šaj avel amen trajo ka leste.

Te phenela varekon ke kamel le Devles, me sintik či kamel peske phrales, atunči kodo si xoxamno. Ke kodo kaj či kamel peske phrales kaj dikhlas, našti kamela le Devles kaj šoha či dikhlas vo.

Kodo kaj phenel pe ke o Jesus si o Šav le Devlesko, ande leste ašel o Del, taj vi vo ašel ande o Del.

Taj kadi si i vorba kaj o Jesus das amen: Kado kaj kamel le Devles si te kamel vi peske phrales.

Mure kamade, na pačan tumen sako duxo! Zumaven le duxon taj dikhen te si katar o Del! Ke but xoxamne profetora gele avri ande i luma. Le Devlesko Duxo prindžaren tume pe kako: Sako duxo kaj phenel pe ke o Jesus Kristus avilas ande korpo taj ande rat, si katar o Del.

Me sako duxo kaj či phenel pe o Jesus, na'i katar o Del. Kado si le Antikristosko duxo, kaj tume ašundan ke si te avel. Taj kodo si aba akana and'i luma.