Uchokholha 35ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Tho, Nlhuku nkeerelha, “Mii phi Nlhuku o machiri onkhaye. Mwaayareke achishaana enchi. Uwaninyu unowa ukhuma nikosho, makosho ni mamwene. Ilhapo kaavahilhe aka Aburahimu ni Naisaka, kinouvahani inyuva vamoka ni iyari inyu inowa.”

Namalhaka, nithameke nirweeke Ubetheli, kanthekelhe Nlhuku vakittu wo unvahera isadaka, Nlhuku aakilhonhe nihuku no uhuva waka, ni ukhalha ni mii uriwoothe waakenlhe aka.”

Nlhuku, nkeerelha, “Nchina ninyu Yakhobo, nansho khanneehaniya tho nenno nchina nno, nansho vano nneehaniyeke Israeli.” Paahi Nayakhobo nkayeeehaniya Israeli.

Paahi Nayakhobo nkayeerelhacha ashilhoko aya onkhaye yaarina aya wiira, “Nrihacheke isinyago cho milhuku chilheto chirina inyu, mwiittukurieke ni uwara ikuwo chinyu chikina.

Nihuku nimoka, Nlhuku aheerelha Nayakhobo, “Nchokholheke nkwaha, nthameke, nrweeke mwakhalheke Ubetheli. Wowo mwathatheke malhuku, mwakithekelheke vakittu wo ukivahera isadaka mii Nlhuku inyu, kookhumelhenlheni ikatema vaattawa inyu onninyu Naesau.”

Nansho Naraheli vaari aya akhwaaka, ahommaha mwaana uyo nchina, Ben Oni, maana aya, “mwaana o wunlha waka.” Nansho athumwanawe nkayammaha nchina na Benyamini, maana aya “mwaana nohalha uvaheriya.”