Tongo nda ti aye 17ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Abram ayeke na ngu balegumbaya na gumbaya si KOTA GBIA asi na lo; lo tene na lo: “Mbi yeke Nzapa so ngangu ti mbi ahon angangu kue. Tambula na lege so mbi ye; mo sara aye ti mo kue gi na legeni.

Fade azo ayeke kiri ti iri mo Abram pepe, me ala yeke iri mo Abraham, ngbanga ti so mbi yeke sara titene mo ga babâ ti azo ti amara mingi mingi.

Mbi yeke sara titene mbuki so ayeke na popo ti mbi na mo so angba ngbii asi na amolenge ti mo nga na ahale ti mo, na lege ti molongo ti dungo ti ala oko oko. Mbuki ni ayeke ngba kpu na kpu si na lege ni, mbi yeke duti Nzapa ti mo nga na Nzapa ti ahale ti mo so ayeke ga na peko ti mo.

“Ti mbi, mbuki so mbi leke ndali ti mbi na mo ayeke so: fade mo yeke ga babâ ti azo ti amara mingi mingi.

Nzapa atene na lo: “Tënë ni laa pepe! Fade wali ti mo Sara ayeke du na mo mbeni molenge-koli. Mo yeke di iri ti molenge ni Isaac. Mbi yeke leke mbuki ti mbi na lo; mbuki ni ayeke ngba kpu na kpu ndali ti ahale ti lo na peko ti lo.

Fade mbi yeke mu ndo so kue mo hon daa, so ti tene kodro ti Kanaan, ti mu ni biani biani na mo, na ahale ti mo. Mbi yeke duti Nzapa ti ala.”

Abraham ati, akpo li ti lo na sese si lo he ngia. Lo tene na be ti lo, lo tene: “Koli so ayeke na ngu ngbangbo oko alingbi ti du molenge? Sara so ayeke na ngu balegumbaya so alingbi ti du molenge?”

Na pekoni, Nzapa atene na Abraham: “Fade mo kiri mo iri wali ti mo Sarai na iri ti Sarai pepe. Ti fadeso, iri ti lo ayeke Sara.

Ganza ni ayeke mbeni ye so ayeke fa tënë ti mbuki so ayeke na popo ti mbi na ala.

Me mbuki ti mbi, mbi yeke leke ni na Isaac, molenge so Sara ayeke du lo na mo na ngu ti peko, gi na mara ti ngoi so e yeke daa so.”

Fade a yeke fâ amolenge ti ala ti koli kue na ganza lango miombe na peko ti dungo ala. Ala sara tongaso na lege ti molongo ti dungo azo ni oko oko kue. Angbaa ti ala so a du ala na da ti ala, na ala so a vo ala vongo na nginza si ala yeke azo ti mara ti ala pepe so, alingbi a fâ nga ala na ganza. Ngbaa so a du lo na da ti ala, na lo so a vo lo vongo na nginza, alingbi a fâ ala na ganza. Tongaso si nzoroko ti mbuki ti mbi ayeke ngba na tere ti ala; mbuki so ayeke ngba kpu na kpu.