Genesis 41ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Timaba si Jose, “Kenà lekat kanak se kebiyasa, meneng Timanem olò se megpetaga-taga kamno te mèpiya kedegdagan niyan.”

Minikagi se selotan diyà kandan, “Wedad doma otaw ketelaan tadon labi pa mèpiya ki Jose, so egdomaan sikandin te Timanem.”

Minikagi se selotan diyà ki Jose, “So sikona se pinetega-tegahan te Timanem te kedita niyan, wedad palos otaw labi pa biyasa diyà kamno. Inangen ta den melangkaw diyà te gobirno. Pengkey eden se isogò nikaw, yan se keilangan toloen te kedita te otaw. Olò siaken se labi pa melangkaw diyà kamno, so siak se selotan.”

Iningedanan din se adi ki Efraim (kelebadan niyan, migmengisù), so minikagi si Jose, “Tinebangan a te Timanem aw yan migmengisù a den dini te tanà te kelimahan ko.”

Iningedanan din se kakay ki Manases (kelebadan niyan, nelibelan), so minikagi si Jose, “Tinebangan a te Timanem aw yan nelibelan ko den se kedakel te kelimahan ko aw tepad te dela ko te amay aw menge gaked ko.”