Enga

<div class="version vid3723 iso6393enq" data-vid="3723" data-iso6393="enq">
 <div class="book bkMAT">
 <div class="chapter ch16" data-usfm="MAT.16">
 <div class="label">16</div><div class="s">Mirakolo Mende Pina Leamino Doko</div><div class="p"> 1 # 
 Matyu 12:38-39; Make 8:11-13; Luku 12:54-56 # 
 Luku 11:16
 Dokopa Parasipi, Sadyusipi mendapu Jisasa katea dokonya ipupala, baa makande pyoo, kaiti-kisa-tae mirakolo mende kandamana pina leami. 2Dopa leaminopa baame dokaitanya pii yanu pyakamaiyoo, &#8220;Niki landa pilyamopa, kaiti kate pilya doko kandatala nyakamame lao pituu, &#8216;Taita paina pita-lamona&#8217; lengema. 3Yuu yongelyamopa, nyakamame lao pituu, &#8216;Kaiti kate pyatala kopa longo silyamo dokonya, aiyuu ipapome-lamona&#8217; lengema. Nyakamame kaiti doko kandatala, taita dopa pita-lamo lao dii tambao lengemaka doko, indupa gii dakepa pilyamo dupa nyakamame dii tambao kapa nalelyamino. 4Endakali koo pingipi, Gote yakinengepi dupame mirakolo mende kandamana nambame pii lelyamino. Dopa lelyaminoaka doko, propeta Jona-kisa mirakolo pia doko iki makande petae silyamona, mirakolo waka mende nakanjaminona&#8221; lea. Dopa latala baame dupa yakinatala pea.</div><div class="s">Parasipi Sadyusipi Dupanya Mana Dupa Yisa-Pipa Makande Pyoo Leamo Doko</div><div class="p"> 5 # 
 Make 8:14-21
 Baanya disaipolo dupame breta nyoo napenya, kame sepala endaki pete dokonya omotena peami. 6#Luku 12:1Dokopa Jisasame dokaita lamaiyoo, &#8220;Parasipi, Sadyusipi dupanya yisa dupame nyakama koeyasetamina, kandao kalyepape&#8221; lea. 7Dopa leamopa nyakama-lapo laloo pyoo, &#8220;Naimame breta nyoo naipamano dokonya lelyamona&#8221; leami. 8Dopa leamino doko Jisasame kandatala dokaita lamaiyoo, &#8220;Nyakama Gote kuki tungi pingima dupame, aipuma breta nyoo naipamanona lao nyakama-lapo lelyami? 9#Matyu 14:17-21Indupapi nyakamame masala naelyamiakape? Nambame breta yungi dutupa akali tausene yungi dupanya konjakamaiyopa, nao kakana sina kaeyamino dupa nyakamame nyoo baseketa akipatenya tumbasiamape lao nyakamame masala naelyamipi? 10#Matyu 15:34-38Nambame breta kalange dutupa akali tausene kitomende dupanya konjakamaiyopa, nao kakana sina kaeyamino dupa nyakamame nyoo baseketa akipatenya tumbasiamape lao masala naelyamiakape? 11Parasipi, Sadyusipi dupanya yisa dupame nyakama koeyasetamina kandao kalyepapena lao langyo doko, bretanya lao nalalo doko, nyakamame aipa petala masala naelyamipi?&#8221; lea. 12Dopa leamopa, yisa bretanya pyandenge dupame daa, Parasipi, Sadyusipi dupanya mana dupame nyakama koeyasetamina kandao kalyepape lalame-lamo lao disaipolo dupame masiami.</div><div class="s">Jisasa Baa Kraisa Dokona Pitame Leamo Doko</div><div class="p"> 13 # 
 Make 8:27-30; Luku 9:18-21 Sisaria Pilipae dokonya yuu sia dupanya Jisasa pupala, baanya disaipolo dupa tipa pyoo, &#8220;Endakali dupame namba Akalinya Ikiningi doko apina lelyamipi?&#8221; lea. 14#Matyu 14:2; Make 6:14-15; Luku 9:7-8Dokopa dokaitame lao pituu, &#8220;Yangimi emba Jone kaimbu pingi dokona lelyamino. Yangimi emba Ilaijana lelyamino. Yangimi emba Jeremaeya-tamopi, propeta wamba kateami dupanya mende-tamopi, mendena lelyaminona&#8221; leami. 15Dopa leaminopa baame dokaita lamaiyoo, &#8220;Endakali dupame dopa lalumino doko, nyakamame namba apina lelyamipi?&#8221; lea. 16#Jone 6:69Dopa leamopa Saimone Pitame yanu pyao, &#8220;Emba Kraisa, Gote kataowaka katenge dokonya Ikiningi dokona&#8221; lea. 17Dopa leamopa Jisasame baanya pii yanu pyakamaiyoo, &#8220;Saimone, Jona ikiningi, Goteme emba auu pisetae. Embame pii lelyeno doko, endakali mendeme langya naelyamo. Nambanya Takange kaiti-kisa katenge dokome emba-kisa panasimupa lelyeno. 18Nambame emba dapa langilyo: Emba Pita.#16:18 Kenge Pita dokonya tenge doko, Kana. Nambanya siosa doko kana dake-kisa pitopa, endakali kumapae dupa katengema panda dokonya lome nyetae dokome siosa doko ita minala naeyata. 19#Matyu 18:18; Jone 20:23Kingdom kaiti-kisa singi dokonya kii dupa nambame emba dito. Embame dopale mende isa yuu dakenya yaki pitino doko, kaiti-kisa yaki petaeyaka seta. Embame dopale mende isa yuu dakenya tata lateno doko, kaiti-kisa tata lataeyaka setana&#8221; lea. 20Dopa latala, Jisasa baa Kraisa dokona lao baanya disaipolo dupame endakali mende lamaiya naena lao kyeto joo daa lea.</div><div class="s">Jisasame Baa Kumatapa Sakatatapa Dolaponya Leamo Doko</div><div class="p"> 21 # 
 Make 8:31&#8211;9:1; Luku 9:22-27 Gii dokopa Jisasame baanya disaipolo dupa tee pyao panao dapa lamaiya: &#8220;Namba Jerusalema pupenge. Patopa Juumanya isingi akalipi, prisa mupapi, Mosesanya loo mana nyepaepi, dupame namba tanda longo ditaminopa namba pyao kumasepenge. Kumasetataminopa, yuu gii tepo dokonya Goteme namba sakatasetana&#8221; lea. 22Dopa leamopa, Pitame Jisasa baa laminao umbisale pupala, tee pyao pyalanya lao, &#8220;Kamongo, embame lelyeno doko emba-kisa dopa napinana&#8221; lea. 23Dopa leamopa Jisasa kandapilyetala Pita lamaiyoo, &#8220;Satane, embame Gotenya masingili pyoo nalenya, endakalinya masingili pyoo lelyeno dokome nambanya kaita lyokekelyenona, embame namba yakinatala puu&#8221; lea.</div><div class="p"> 24 # 
 Matyu 10:38; Luku 14:27 Dopa latala Jisasame baanya disaipolo dupa lamaiyoo, &#8220;Endakali mendeme namba watao ipatoo lao maseta dokome baa tange kame sepala, baanya poko ita doko tange nyoo soo namba watao ipupenge. 25#Matyu 10:39; Luku 17:33; Jone 12:25Endakali mendeme baa lete katatoana lao masetala, baa tange pyoo nyalanya pitamo dokome baanya lete katenge doko yakinata. Dopaka doko, endakali mendeme namba masetala, baanya lete katenge doko yakinata dokome baanya lete katenge doko kandao nyeta. 26Endakali mendeme yuunya oapi dupa pitaka nyoo setao katapala, baanya lete katenge doko yakinatamo doko, oapi dupame baa aipa petala niseta? Baanya lete katenge doko aki mendeme tange sambao nyeta? 27#Sam 62:12; Matyu 25:31; Roma 2:6Akalinya Ikiningi doko baanya enjele dupa-pipa, baanya Takangenya tii pipae andake dokonya ipata. Ipupala endakali mendai-mendaimi mana minatamili pyoo yole pita. 28Nambame nyakama kiningi langilyo: Endakali asa kalyamino dapuanya mendapu kumala naeyataminopa, Akalinya Ikiningi doko baanya kingdom doko-pipa ipatamopa kandatamina&#8221; lea.</div>
 </div>
 </div>
</div>

Dokopa Parasipi, Sadyusipi mendapu Jisasa katea dokonya ipupala, baa makande pyoo, kaiti-kisa-tae mirakolo mende kandamana pina leami. Dopa leaminopa baame dokaitanya pii yanu pyakamaiyoo, “Niki landa pilyamopa, kaiti kate pilya doko kandatala nyakamame lao pituu, ‘Taita paina pita-lamona’ lengema. Yuu yongelyamopa, nyakamame lao pituu, ‘Kaiti kate pyatala kopa longo silyamo dokonya, aiyuu ipapome-lamona’ lengema. Nyakamame kaiti doko kandatala, taita dopa pita-lamo lao dii tambao lengemaka doko, indupa gii dakepa pilyamo dupa nyakamame dii tambao kapa nalelyamino. Endakali koo pingipi, Gote yakinengepi dupame mirakolo mende kandamana nambame pii lelyamino. Dopa lelyaminoaka doko, propeta Jona-kisa mirakolo pia doko iki makande petae silyamona, mirakolo waka mende nakanjaminona” lea. Dopa latala baame dupa yakinatala pea.

Baanya disaipolo dupame breta nyoo napenya, kame sepala endaki pete dokonya omotena peami. Dokopa Jisasame dokaita lamaiyoo, “Parasipi, Sadyusipi dupanya yisa dupame nyakama koeyasetamina, kandao kalyepape” lea. Dopa leamopa nyakama-lapo laloo pyoo, “Naimame breta nyoo naipamano dokonya lelyamona” leami. Dopa leamino doko Jisasame kandatala dokaita lamaiyoo, “Nyakama Gote kuki tungi pingima dupame, aipuma breta nyoo naipamanona lao nyakama-lapo lelyami? Indupapi nyakamame masala naelyamiakape? Nambame breta yungi dutupa akali tausene yungi dupanya konjakamaiyopa, nao kakana sina kaeyamino dupa nyakamame nyoo baseketa akipatenya tumbasiamape lao nyakamame masala naelyamipi? Nambame breta kalange dutupa akali tausene kitomende dupanya konjakamaiyopa, nao kakana sina kaeyamino dupa nyakamame nyoo baseketa akipatenya tumbasiamape lao masala naelyamiakape? Parasipi, Sadyusipi dupanya yisa dupame nyakama koeyasetamina kandao kalyepapena lao langyo doko, bretanya lao nalalo doko, nyakamame aipa petala masala naelyamipi?” lea. Dopa leamopa, yisa bretanya pyandenge dupame daa, Parasipi, Sadyusipi dupanya mana dupame nyakama koeyasetamina kandao kalyepape lalame-lamo lao disaipolo dupame masiami.

Sisaria Pilipae dokonya yuu sia dupanya Jisasa pupala, baanya disaipolo dupa tipa pyoo, “Endakali dupame namba Akalinya Ikiningi doko apina lelyamipi?” lea. Dokopa dokaitame lao pituu, “Yangimi emba Jone kaimbu pingi dokona lelyamino. Yangimi emba Ilaijana lelyamino. Yangimi emba Jeremaeya-tamopi, propeta wamba kateami dupanya mende-tamopi, mendena lelyaminona” leami. Dopa leaminopa baame dokaita lamaiyoo, “Endakali dupame dopa lalumino doko, nyakamame namba apina lelyamipi?” lea. Dopa leamopa Saimone Pitame yanu pyao, “Emba Kraisa, Gote kataowaka katenge dokonya Ikiningi dokona” lea. Dopa leamopa Jisasame baanya pii yanu pyakamaiyoo, “Saimone, Jona ikiningi, Goteme emba auu pisetae. Embame pii lelyeno doko, endakali mendeme langya naelyamo. Nambanya Takange kaiti-kisa katenge dokome emba-kisa panasimupa lelyeno. Nambame emba dapa langilyo: Emba Pita. Nambanya siosa doko kana dake-kisa pitopa, endakali kumapae dupa katengema panda dokonya lome nyetae dokome siosa doko ita minala naeyata. Kingdom kaiti-kisa singi dokonya kii dupa nambame emba dito. Embame dopale mende isa yuu dakenya yaki pitino doko, kaiti-kisa yaki petaeyaka seta. Embame dopale mende isa yuu dakenya tata lateno doko, kaiti-kisa tata lataeyaka setana” lea. Dopa latala, Jisasa baa Kraisa dokona lao baanya disaipolo dupame endakali mende lamaiya naena lao kyeto joo daa lea.

Gii dokopa Jisasame baanya disaipolo dupa tee pyao panao dapa lamaiya: “Namba Jerusalema pupenge. Patopa Juumanya isingi akalipi, prisa mupapi, Mosesanya loo mana nyepaepi, dupame namba tanda longo ditaminopa namba pyao kumasepenge. Kumasetataminopa, yuu gii tepo dokonya Goteme namba sakatasetana” lea. Dopa leamopa, Pitame Jisasa baa laminao umbisale pupala, tee pyao pyalanya lao, “Kamongo, embame lelyeno doko emba-kisa dopa napinana” lea. Dopa leamopa Jisasa kandapilyetala Pita lamaiyoo, “Satane, embame Gotenya masingili pyoo nalenya, endakalinya masingili pyoo lelyeno dokome nambanya kaita lyokekelyenona, embame namba yakinatala puu” lea.
Dopa latala Jisasame baanya disaipolo dupa lamaiyoo, “Endakali mendeme namba watao ipatoo lao maseta dokome baa tange kame sepala, baanya poko ita doko tange nyoo soo namba watao ipupenge. Endakali mendeme baa lete katatoana lao masetala, baa tange pyoo nyalanya pitamo dokome baanya lete katenge doko yakinata. Dopaka doko, endakali mendeme namba masetala, baanya lete katenge doko yakinata dokome baanya lete katenge doko kandao nyeta. Endakali mendeme yuunya oapi dupa pitaka nyoo setao katapala, baanya lete katenge doko yakinatamo doko, oapi dupame baa aipa petala niseta? Baanya lete katenge doko aki mendeme tange sambao nyeta? Akalinya Ikiningi doko baanya enjele dupa-pipa, baanya Takangenya tii pipae andake dokonya ipata. Ipupala endakali mendai-mendaimi mana minatamili pyoo yole pita. Nambame nyakama kiningi langilyo: Endakali asa kalyamino dapuanya mendapu kumala naeyataminopa, Akalinya Ikiningi doko baanya kingdom doko-pipa ipatamopa kandatamina” lea.

ಆಲಿಸಿ Matyu 16