Lumasaaba - 2008 BSU (NT) Drama

<div class="version vid2183 iso6393myx" data-vid="2183" data-iso6393="myx">
 <div class="book bkJHN">
 <div class="chapter ch16" data-usfm="JHN.16">
 <div class="label">16</div><div class="p"> 1Yesu weloosela waaloma ari, &#8220;Naababooleele bino nio mulekhe khuwamo kamaani mu bye khufukiilila khweenywe ta. 2Babaandu kane babekalewo inywe khukhwaama mu ntsu iye khukhwisaayilamo, naluundi imbuka ilyoola isi umuundu yeesi ubeera inywe alyambaasa ari alikho akhola byeesi Wele akana. 3Babaandu balikhola bibiindu bino khulwekhuuba sibaamanya Paapa, namwe sibayiimanya ise ta. 4Ne ise nababooleele bino, nio inyaanga iye bikholwa ibyo nga yoolile, mushebulile muri ise nabareewula.</div><div class="s1">Buuraambi bw'Omwoyo Umukhosefu</div><div class="p">&#8220;Sinababoolela bibiindu bino byoosi khukhwaama makiboole ta, khulwekhuuba naba nga ndi ni nanywe. 5Ne ari ndi khuutsya isi uyo uwandumana. Ne khus'inywe mbaawo namutweela uwundeebile ari, &#8216;Ulikho wutsya waheena&#8217; ta. 6Ne khulwekhuuba naababooleele bibiindu bino, kimyoyo kyeenywe kyetsuule kumutaambo. 7Ne mbaboolela mu &#331;ali ndi, khuutsya khwase khubayeeta nywe. Khulwekhuuba ise ni ndekha khuutsya ta, Umuyeeti s'aliitsa ta. Ne ise n'intsya, indyakaanisa Umuyeeti isi muli. 8Umuyeeti uyo n'aliitsa, alyokesanisa bu&#331;a&#331;afu isi babaandu be mu shiibala khu biwaamba khu byoonako, ni khubiwaamba khu bukwalaafu, ni khukhala khwe kimisaango. 9Sibali batuufu khu biwaamba khu byoonako ta, khulwekhuuba sibaafukiilila ise ta. 10Sibali batuufu khu biwaamba khu bukwalaafu ta, khulwekhuuba ise ndi khuutsya isi Paapa, ni nanywe singane mumbonekho luundi ta. 11Sibali batuufu khu biwaamba khu khukhala khwe kimisaango ta, khulwekhuuba umuwuli uwe shiibala shino, naye baamala khaale khumukhalila kumusaango.</div><div class="p"> 12&#8220;Ise ishiili ni bibiindu bikali bye khuubaboolela, ne simunyala mwabiwaamba byoosi ari ta. 13Ne Umwoyo uwa &#331;ali n'aliitsa, uyo urumbula bya &#331;ali bibiwaamba khu Wele, alibaraangilila inywe aboolese mu bya &#331;ali byoosi. Khulwekhuuba niye s'alikanikha khulwe bunyala bubweewe ta, ne khurusakho ndi alikanikha ibyo byeesi aba wawuliile, naluundi alibaboolela ibyo bibiitsya khubawo. 14Umweene uyo akhantsisemo ise shiriifwa, khulwekhuuba byeesi alibaboolela inywe, alibyaamisa khu byase. 15Ibyo byoosi byeesi Paapa ali ni nabyo, bibyase. Nashiryo kila imbaboolela inywe ndi, byeesi Umwoyo alibaboolela inywe, alibyaamisa khu byase.&#8221;</div><div class="s1">Kumutaambo kukuulikyela kumwikhoyo</div><div class="p"> 16Yesu weloosela waaloma ari, &#8220;Mu mbuka ifwiiti iri, singene mumbone luundi ta; ne kane nga imbuka yabirirekho ifwiiti, kane mumbone.&#8221;</div><div class="p"> 17Batweela khu baleekelwa beewe kila baloma bari, &#8220;Shiina kila alikho aloma aryo? Ari mu mbuka ifwiiti singene mumbone ta; naluundi ari mu mbuka ifwiiti kane mumbone? Ari khulwekhuuba ndi khuutsya isi Paapa?&#8221; 18Kila bereeba bari, &#8220;Amanyisa shiina ni imbuka ifwiiti? Ifwe sikhumanya sheesi alikho ta.&#8221;</div><div class="p"> 19Yesu washimanya ari bakana khumureeba, kila abalomela ari, &#8220;Mulikho mwireeba shiina shisheene sheesi ise imanyisile ninomile ndi, &#8216;Mu mbuka ifwiiti simunaambona ta, naluundi mu mbuka ifwiiti, kane mumbone?&#8217; 20Ilala, ilala, imbaboolela ndi inywe mukhalile luundi mukhaakhupe kimibala, ne shiibala nga shikhoya. Inywe muliba mu mutaambo, ne kumutaambo kwenywe kulikalukha kwikyele kumwikhoyo. 21Umukhasi nga wolile mu mbuka iye khusaala, aba mu mutaambo, khulwekhuuba imbuka yeewe iba yoolile. Ne n'amala khusaala, ebilila butsiina khulwe kumwikhoyo kw'omuundu usaalikhile mu shiibala. 22Ni nanywe muli muryo; ari muli mu mutaambo, ne ise n'indibabona inywe luundi, kimyoyo kyeenywe kiliba ni kumwikhoyo, ate mbaawo ulibarusakho kumwikhoyo kwenywe ta.</div><div class="p"> 23&#8220;Ne shifukhu isho ni shilyoola, simulinoomba shishiindu shoosi ta. Ilala, ilala, imbaboolela nywe ndi, ni muliloomba shishiindu shoosi mu lisiina lyase, Paapa alishibawa. 24Khukhwoolisa ari mushiili khuloomba shishiindu shoosi mu lisiina lyase ta. Ni muloombe, kane mufune, nio kumwikhoyo kwenywe kube kumwitsufu.&#8221;</div><div class="s1">Yesu waamala khuuwula bye khu shiibala</div><div class="p"> 25Yesu waaloma luundi ari, &#8220;Ibyo naabibabooleele nga inaambisa tsisimo. Ne inyaanga ineetsa isi ikhalibaboolela nga inaambisa tsisimo ta; nga mbaboolela lubuula bibiwaamba khu Paapa. 26Khu shifukhu isho muliloomba mu lisiina lyase, ne ise s'imbalomela ndi ise ikhabaloombele inywe isi Paapa ta. 27Khulwekhuuba Paapa umweene abakana inywe. Abakana inywe khulwekhuuba inywe mungana ise, naluundi mwafukiilila muri ise naama isi Wele. 28Naama isi Paapa neetsa mu shiibala. Ne ari indikhuulekha shiibala intsya isi Paapa.&#8221;</div><div class="p"> 29Baleekelwa beewe baaloma bari, &#8220;Ari ulikho uloma lubuula, ne akhuba mu simo ta. 30Ari khwaamanyile khuri wamanya buli shiindu, shiili bari uliinda bakhureebe bireebo nio ta. Khulwa shino, ari khufukiilila khuri iwe waama isi Wele.&#8221;</div><div class="p"> 31Yesu waabeelamo ari, &#8220;Ari mufukiilila? 32Mu mbuka ikhali iye aleeyi ta, ilala mweesi bakhaabasalanise, nga buli mutweela elukhila ingo weewe, nashiryo muliindekha senyene. Ne s'indi senyene ta, khulwekhuuba Paapa ali ni nase. 33Nababoolele ibyo, nio mube ni lukoosi, nga mwaramile mu butweela ni nase. Kane shiibala shibareerere khutaambisibwa, ne ni mube banyindaalifu. Ise naamalile khuwula shiibala.&#8221;</div>
 </div>
 </div>
</div>

The Bible in Lumasaaba © Bible Society of Uganda, 2016. 

Yesu weloosela waaloma ari, “Naababooleele bino nio mulekhe khuwamo kamaani mu bye khufukiilila khweenywe ta. Babaandu kane babekalewo inywe khukhwaama mu ntsu iye khukhwisaayilamo, naluundi imbuka ilyoola isi umuundu yeesi ubeera inywe alyambaasa ari alikho akhola byeesi Wele akana. Babaandu balikhola bibiindu bino khulwekhuuba sibaamanya Paapa, namwe sibayiimanya ise ta. Ne ise nababooleele bino, nio inyaanga iye bikholwa ibyo nga yoolile, mushebulile muri ise nabareewula.

“Sinababoolela bibiindu bino byoosi khukhwaama makiboole ta, khulwekhuuba naba nga ndi ni nanywe. Ne ari ndi khuutsya isi uyo uwandumana. Ne khus'inywe mbaawo namutweela uwundeebile ari, ‘Ulikho wutsya waheena’ ta. Ne khulwekhuuba naababooleele bibiindu bino, kimyoyo kyeenywe kyetsuule kumutaambo. Ne mbaboolela mu ŋali ndi, khuutsya khwase khubayeeta nywe. Khulwekhuuba ise ni ndekha khuutsya ta, Umuyeeti s'aliitsa ta. Ne ise n'intsya, indyakaanisa Umuyeeti isi muli. Umuyeeti uyo n'aliitsa, alyokesanisa buŋaŋafu isi babaandu be mu shiibala khu biwaamba khu byoonako, ni khubiwaamba khu bukwalaafu, ni khukhala khwe kimisaango. Sibali batuufu khu biwaamba khu byoonako ta, khulwekhuuba sibaafukiilila ise ta. Sibali batuufu khu biwaamba khu bukwalaafu ta, khulwekhuuba ise ndi khuutsya isi Paapa, ni nanywe singane mumbonekho luundi ta. Sibali batuufu khu biwaamba khu khukhala khwe kimisaango ta, khulwekhuuba umuwuli uwe shiibala shino, naye baamala khaale khumukhalila kumusaango.
“Ise ishiili ni bibiindu bikali bye khuubaboolela, ne simunyala mwabiwaamba byoosi ari ta. Ne Umwoyo uwa ŋali n'aliitsa, uyo urumbula bya ŋali bibiwaamba khu Wele, alibaraangilila inywe aboolese mu bya ŋali byoosi. Khulwekhuuba niye s'alikanikha khulwe bunyala bubweewe ta, ne khurusakho ndi alikanikha ibyo byeesi aba wawuliile, naluundi alibaboolela ibyo bibiitsya khubawo. Umweene uyo akhantsisemo ise shiriifwa, khulwekhuuba byeesi alibaboolela inywe, alibyaamisa khu byase. Ibyo byoosi byeesi Paapa ali ni nabyo, bibyase. Nashiryo kila imbaboolela inywe ndi, byeesi Umwoyo alibaboolela inywe, alibyaamisa khu byase.”

Yesu weloosela waaloma ari, “Mu mbuka ifwiiti iri, singene mumbone luundi ta; ne kane nga imbuka yabirirekho ifwiiti, kane mumbone.”
Batweela khu baleekelwa beewe kila baloma bari, “Shiina kila alikho aloma aryo? Ari mu mbuka ifwiiti singene mumbone ta; naluundi ari mu mbuka ifwiiti kane mumbone? Ari khulwekhuuba ndi khuutsya isi Paapa?” Kila bereeba bari, “Amanyisa shiina ni imbuka ifwiiti? Ifwe sikhumanya sheesi alikho ta.”
Yesu washimanya ari bakana khumureeba, kila abalomela ari, “Mulikho mwireeba shiina shisheene sheesi ise imanyisile ninomile ndi, ‘Mu mbuka ifwiiti simunaambona ta, naluundi mu mbuka ifwiiti, kane mumbone?’ Ilala, ilala, imbaboolela ndi inywe mukhalile luundi mukhaakhupe kimibala, ne shiibala nga shikhoya. Inywe muliba mu mutaambo, ne kumutaambo kwenywe kulikalukha kwikyele kumwikhoyo. Umukhasi nga wolile mu mbuka iye khusaala, aba mu mutaambo, khulwekhuuba imbuka yeewe iba yoolile. Ne n'amala khusaala, ebilila butsiina khulwe kumwikhoyo kw'omuundu usaalikhile mu shiibala. Ni nanywe muli muryo; ari muli mu mutaambo, ne ise n'indibabona inywe luundi, kimyoyo kyeenywe kiliba ni kumwikhoyo, ate mbaawo ulibarusakho kumwikhoyo kwenywe ta.
“Ne shifukhu isho ni shilyoola, simulinoomba shishiindu shoosi ta. Ilala, ilala, imbaboolela nywe ndi, ni muliloomba shishiindu shoosi mu lisiina lyase, Paapa alishibawa. Khukhwoolisa ari mushiili khuloomba shishiindu shoosi mu lisiina lyase ta. Ni muloombe, kane mufune, nio kumwikhoyo kwenywe kube kumwitsufu.”

Yesu waaloma luundi ari, “Ibyo naabibabooleele nga inaambisa tsisimo. Ne inyaanga ineetsa isi ikhalibaboolela nga inaambisa tsisimo ta; nga mbaboolela lubuula bibiwaamba khu Paapa. Khu shifukhu isho muliloomba mu lisiina lyase, ne ise s'imbalomela ndi ise ikhabaloombele inywe isi Paapa ta. Khulwekhuuba Paapa umweene abakana inywe. Abakana inywe khulwekhuuba inywe mungana ise, naluundi mwafukiilila muri ise naama isi Wele. Naama isi Paapa neetsa mu shiibala. Ne ari indikhuulekha shiibala intsya isi Paapa.”
Baleekelwa beewe baaloma bari, “Ari ulikho uloma lubuula, ne akhuba mu simo ta. Ari khwaamanyile khuri wamanya buli shiindu, shiili bari uliinda bakhureebe bireebo nio ta. Khulwa shino, ari khufukiilila khuri iwe waama isi Wele.”
Yesu waabeelamo ari, “Ari mufukiilila? Mu mbuka ikhali iye aleeyi ta, ilala mweesi bakhaabasalanise, nga buli mutweela elukhila ingo weewe, nashiryo muliindekha senyene. Ne s'indi senyene ta, khulwekhuuba Paapa ali ni nase. Nababoolele ibyo, nio mube ni lukoosi, nga mwaramile mu butweela ni nase. Kane shiibala shibareerere khutaambisibwa, ne ni mube banyindaalifu. Ise naamalile khuwula shiibala.”

ಆಲಿಸಿ Yokana 16