Tawallammat Tamajaq 2015 SIM, WBT Non-Drama (NT)

Tamajaq, Tawallammat

<div class="version vid1309 iso6393ttq" data-vid="1309" data-iso6393="ttq">
 <div class="book bkMAT">
 <div class="chapter ch12" data-usfm="MAT.12">
 <div class="label">12</div><div class="s2">Tamazaq da&#611; batu n &#477;z&#477;l wa n t&#477;sanfawt &#477;n K&#477;l-&#398;ly&#477;hud</div><div class="p"> 1Azzaman en da, &#477;z&#477;l iyyan &#477;n t&#477;sanfawt &#477;n K&#477;l-&#398;ly&#477;hud, issiwal &#404;aysa &#353;iw&#477;gas n alkama &#477;nta &#477;d n&#477;ttulab-net. Iggaz g&#477;l&#477;k in&#477;ttulab-net, a du-rassaban &#353;i&#611;a&#611;anen, tattin-tanat. 2As &#477;nayan Farisaytan awen, &#477;nnan i &#404;aysa: &#171;&#398;n&#477;y! In&#477;ttulab-nak taggin arat xar&#226;man da&#611; &#477;z&#477;l wa n t&#477;sanfawt.&#187; 3Inn-asan &#404;aysa: &#171;Ak te&#611;aray a w&#477;r t&#477;gem awa iga &#477;nn&#477;bi Daw&#477;d assa&#611;a wad t-iggaz g&#477;l&#477;k, &#477;nta &#477;d midawan-net? 4Awak w&#477;rge&#611; iguz a &#477;gan ehan &#477;n M&#477;&#353;&#353;ina, &#477;t&#353;an &#353;ig&#477;lwen &#353;in &#477;mosnen takutay t&#477;sk&#226;tat i M&#477;&#353;&#353;ina, imos awen arat fall-asan xaraman? &#352;ig&#477;lwen &#353;in den ilimaman &#611;as as t&#477;xalal tattay-nasnat. Awak te&#611;aray a w&#477;r t&#477;gem adi? 5Me&#611; ak te&#611;aray a w&#477;r t&#477;gem da&#611; &#398;ttawret as &#477;z&#477;l wa n t&#477;sanfawt, ilimaman w&#477;r &#477;ss&#477;fraran &#477;&#353;&#353;&#477;r&#477;dan n &#477;z&#477;l wa n t&#477;sanfawt id &#477;z&#477;l w&#477;di &#353;aqqalan da&#611; Ahan wa Z&#477;ww&#477;ran n &#398;l&#611;ibada, mi&#353;an w&#477;r fall-asan imos awen lahan? 6&#398;gg&#477;ye&#611;-awan as wa illan da, ogar Ehan wa Z&#477;ww&#477;ran n &#398;l&#611;ibada. 7&#398;nnar t&#477;gr&#226;m alma&#611;na &#477;n batu ta t&#477;nnat: "Nak t&#477;hanint a are&#611;, w&#477;rge takutay." W&#477;di w&#477;r za t&#477;b&#477;zam s &#477;&#353;&#353;&#477;ri&#611;a aytedan w&#477;r iwer lahan. 8&#398;nne&#611;-awan adi f&#477;las nak Ag Aggad&#477;m a ixkaman f&#477;l &#477;z&#477;l wa n t&#477;sanfawt.&#187;</div><div class="p"> 9Ifal &#404;aysa edag wen, ikka ehan n &#477;l&#611;ibada &#477;n K&#477;l-&#398;ly&#477;hud n &#477;&#611;r&#477;m wen da. 10Ehan wen ih-ay al&#477;s as imm&#251;t &#477;fus-net. &#398;nnan Farisaytan i &#404;aysa: &#171;Ak xalal &#477;zuz&#477;y n awedan da&#611; &#477;z&#477;l wa n t&#477;sanfawt?&#187; Arat wen imos t&#477;nagmayt a das-&#477;g&#226;n f&#477;l ad t-&#477;b&#477;zan s &#477;&#353;&#353;&#477;ri&#611;a. 11Inn-asan &#404;aysa: &#171;M&#477;ni da&#611;-wan wa z&#700;il&#226;n tilay iyyadda, amaran t&#477;qq&#477;l anu da&#611; &#477;z&#477;l wa n t&#477;sanfawt, aqqam w&#477;r da&#611;-as tat-d-ikkes? 12Awedan za, ogar tilay almaqam w&#477;llen! Da&#611; adi xalal igi &#477;n t&#477;nfa y awedan da&#611; &#477;z&#477;l wa n t&#477;sanfawt.&#187; 13T&#477;zzar inna &#404;aysa y al&#477;s wa: &#171;&#398;zz&#477;l &#477;fus-nak.&#187; Izzal-tu, izzay, ola &#477;d wa hadan. 14&#398;glan Farisaytan, ad tim&#477;&#353;&#477;wwiran f&#477;l t&#477;m&#477;wit tas z&#700;agin iman &#477;n &#404;aysa.</div><div class="s2">&#404;aysa, &#477;nta a imosan &#398;na&#611;bid wa imal &#477;nn&#477;bi</div><div class="p"> 15As isla &#404;aysa awen, igmad edag wen. T&#477;lkam-as tamattay t&#477;gget. Izzozay imiranan kul. 16Mi&#353;an ir&#611;am-asan f&#477;l amel y awedan waliyyan awa imos. 17Arat wen iga f&#477;l ad andu awal wa iga &#477;nn&#477;bi Isayas as inna: 18&#398;nta da &#477;na&#611;bid-in wa sannafrana, s &#477;nta a &#477;kne&#611; tara, isifalawas iman-in. A fall-as du-z&#477;zz&#477;bbe Infas-in di Z&#477;ddigan, ad immal i t&#477;mattiwen n &#477;dd&#477;net kul &#477;&#353;&#353;&#477;ri&#611;a wa-nin. 19W&#477;r z&#700;ammastan d awedan waliyyan, za w&#477;r fall-as z&#700;is&#477;&#611;&#477;r&#477;t, wala aslin-as aytedan i&#353;awal da&#611; tarrayen. 20W&#477;r z&#700;arzu alawag &#477;n telant illigwen, za w&#477;r z&#700;an&#611;u f&#477;t&#477;la t&#477;bukat i t&#477;mattant; alma&#611;na as w&#477;r z&#700;agu t&#477;kma waliyyat i n&#477;rkam. Awen da&#611; a z&#700;itaggu iket w&#477;r iss&#477;bdad &#477;&#353;&#353;&#477;ri&#611;a; 21aginat da&#611;-as tamattiwen n &#477;dd&#477;net kul attama-nasnat.</div><div class="s2">&#398;m&#477;qq&#477;s &#477;n &#404;aysa &#477;d Farisaytan</div><div class="p"> 22T&#477;zzar immeway-du al&#477;s iyyan &#477;s &#404;aysa, as immidad &#477;mi-net, imos de&#611; &#477;m&#477;dder&#611;&#477;l, f&#477;las agg&#477;suf a t-izda&#611;an. Izzozay &#404;aysa al&#477;s wen, i&#353;&#353;ewal iswad de&#611;. 23Isimaklal awen w&#477;llen &#477;s tamattay ketnet, ad t&#477;gannu: &#171;Ma iqqal ak Ag &#477;nn&#477;bi Daw&#477;d wa &#477;tt&#477;malan awa?&#187;</div><div class="p"> 24Mi&#353;an as &#477;slan Farisaytan y awen, &#477;nnan: &#171;Al&#477;s en A&#353;&#353;aytan Ba&#611;alzabul wa n &#477;m&#477;nokal &#477;n k&#477;l&#477;suf a t-ikfan f&#477;rregat n ikus &#477;n k&#477;l&#477;suf da&#611; aytedan.&#187; 25Mi&#353;an ya issan &#404;aysa da&#611; awa samadranan, inn-asan: &#171;Ta&#611;mar kul tas &#477;mm&#477;garan m&#477;ssaw&#477;s gar-essan, t&#477;di &#477;b&#477;r&#477;jji a za tagu. W&#477;r t-illa &#477;&#611;r&#477;m, wala de&#611; a&#611;aywan, as z&#700;ammazrayan m&#477;ssaw&#477;s, aqqam w&#477;r ibarajjat. 26As imos as A&#353;&#353;aytan isatta&#611; iman-net, w&#477;di iman-net a d&#477;r imm&#477;gar. Da&#611; adi man&#477;mm&#477;k as za tihag ta&#611;mar-net? 27Amaran kud nak tarna &#477;n Ba&#611;alzabul as takkasa&#611; k&#477;l&#477;suf da&#611; aytedan, inalkiman-nawan za, ma ilan tarna tas tan-takkasan? Adi da f&#477;las &#477;ntanay iman-nasan as kawan-z-&#477;b&#477;zan s &#477;&#353;&#353;&#477;ri&#611;a. 28Mi&#353;an as imos as Infas &#477;n M&#477;&#353;&#353;ina as takkasa&#611; k&#477;l&#477;suf da&#611; aytedan, w&#477;di Ta&#611;mar ta n M&#477;&#353;&#353;ina tos-iwan-du. 29W&#477;r t-illa i ifr&#226;gan iguz n ahan n al&#477;s n &#477;m&#477;qqer&#477;d, i&#611;r&#477;d aqqa &#477;n t&#477;la-net, ar s ad t-ikr&#226;d t&#601;zzar. D&#477;ff&#477;r as t-ikr&#226;d amaran ad z&#700;ifr&#601;g aqqa &#477;n t&#477;la-net. 30Wa d&#477;r-i w&#477;r n&#477;ddew, w&#477;di azangaw-nin a imos, wa di-w&#477;r-n&#477;llil de&#611; s &#477;&#353;id&#477;w, w&#477;di &#477;z&#477;ww&#477;ziw&#477;z a itaggu.&#187;</div><div class="p"> 31&#171;Awen da f&#477;l dawan-&#477;nne&#611;: A iqqal abakkad, wala alfawaxi&#353;, kul ad t&#477;w&#477;sur&#477;fan y awedan, mi&#353;an ikus &#477;n tarna y Infas wa Z&#477;ddigan, &#477;nta w&#477;r z&#700;it&#477;w&#477;sur&#477;f y awedan. 32As di-ibyak awedan nak Ag Aggad&#477;m, ifr&#226;g ad igr&#477;w t&#477;sureft, mi&#353;an as ib&#477;yak awedan Infas wa Z&#477;ddigan, w&#477;rmad z&#700;igr&#477;w t&#477;sureft da&#611; &#477;dd&#477;net, za w&#477;r tat-z-igr&#477;w da&#611; alaxirat.&#187;</div><div class="p"> 33&#171;As t&#477;lam a&#353;&#477;k isx&#226;n, a da&#611;-as t&#477;gr&#477;wam &#226;rat&#259;n ola&#611;nen, as t&#477;lam a&#353;&#477;k w&#477;r n&#477;sxa, a da&#611;-as t&#477;gr&#477;wam &#226;rat&#259;n &#477;brarnen; f&#477;las &#226;rat&#259;n win itaraw a&#353;&#477;k, &#477;ntanay as itawazday. 34Xa ta&#353;&#353;olen &#353;in da! Man&#477;mm&#477;k as za tannim a ola&#611;an, &#477;nta kawanay t&#477;kn&#226;m tallabast? W&#477;rge&#611; awa idkaran &#477;w&#477;l n awedan, &#477;nta a d-igammadan imi-net? 35Awedan wa ola&#611;an, &#477;llu&#611; wa ihan &#477;w&#477;l-net a da&#611; d-itakkas awa ola&#611;an, mi&#353;an anallabus &#477;nta, talbast ta t&#477;hat &#477;w&#477;l-net a da&#611; d-itakkas awa labasan. 36Amaran nak &#477;nne&#611;-awan &#477;z&#477;l wa n tabadday awedan kul kundaba ibdad f&#477;l batuten &#477;n bannan &#353;in iga. 37F&#477;las awalan-nak a kay-tagaznen da&#611; &#477;&#353;&#353;&#477;ri&#611;a, amaran &#477;ntanatay harwa da a kay-tabaznen s &#477;&#353;&#353;&#477;ri&#611;a.&#187;</div><div class="p"> 38&#398;nnan arat da&#611; musanan n &#398;ttawret &#477;d Farisaytan: &#171;&#398;&#353;&#353;ex, n&#477;ra da&#611;-ak a dana-tassakna t&#477;lm&#477;&#611;jujat t&#477;mosat al&#611;alamat.&#187; 39Inn-asan &#404;aysa: &#171;Aytedan n azzaman win, in&#477;llubas, w&#477;r n&#477;ksud M&#477;&#353;&#353;ina, amaran gammayan t&#477;lm&#477;&#611;jujat! Kala! T&#477;lm&#477;&#611;jujat ta dasan-t&#477;tawaggat iyyadda &#611;as, a tat-imosan ta n &#477;nn&#477;bi Yun&#477;s. 40&#398;nta &#477;mm&#477;k wa da&#611; as iga Yun&#477;s karad jilan, &#477;d karad hadan da&#611; t&#477;dist &#477;n kifi wa z&#477;ww&#477;ran, &#477;mm&#477;k wen da&#611; as nak da Ag Aggad&#477;m ad aga karad adan g&#477;r mawetan n ama&#7693;al. 41&#398;z&#477;l wa n tabadday, ad d-&#477;nk&#477;ran aytedan n &#477;&#611;r&#477;m &#477;n Ninif, &#477;zz&#477;b&#477;zan aytedan n azzaman win y &#477;&#353;&#353;&#477;ri&#611;a f&#477;las &#477;ntanay &#477;h&#477;ddi a &#477;gan &#477;z&#477;l wa dasan-iga Yun&#477;s t&#477;lxutbat, imal-asan awal &#477;n M&#477;&#353;&#353;ina. &#398;ss&#477;nat za as, wa illan da &#477;m&#477;r&#477;dda, ogar Yun&#477;s mi&#353;an tugayam &#477;s t&#477;tubt. 42&#398;z&#477;l wa n tabadday, a du-t&#477;nk&#477;r t&#477;m&#477;nokalt tas kala t&#477;xkam fall akal n agala ig&#226;n es&#477;m &#352;eba, taggayyat f&#477;l aytedan n azzaman win, t&#477;zz&#477;b&#477;z-tan y &#477;&#353;&#353;&#477;ri&#611;a f&#477;las d ad iraz ama&#7693;al a du-t&#477;gmad f&#477;l ad t&#477;ss&#477;s&#477;m y awal &#477;n t&#477;la n &#477;g&#477;rri wa itaggu &#477;m&#477;nokal Suliman. &#398;ss&#477;nat za as, wa illan da &#477;m&#477;r&#477;dda, ogar &#477;nn&#477;bi Suliman mi&#353;an tugayam s a das-t&#477;ss&#477;s&#477;mam.&#187;</div><div class="p"> 43&#171;As igmad agg&#477;suf awedan, iras agg&#477;suf wen idaggan &#477;qqurnen igammay id imal, iqqim w&#477;r t-igrew, 44ad annu da&#611; man-net: "Nak a za, ad &#477;qq&#477;la&#611; ehan-in wa d-&#477;gmada." As t-id-iqqal a t-id-asu w&#477;r itawaggaz, ifr&#226;d, i&#611;rad amaknaw. 45T&#477;zzar aglu idaw-du d &#477;ssa k&#477;l&#477;suf wiyyad a t-ogarnen tallab&#477;st, &#477;gg&#477;zan awedan wan&#226;d, &#477;zd&#477;&#611;an-tu. Tagu ta&#611;ara n awedan wen a&#611;&#353;ud ogaran was kala tu-t&#477;ga. Awen da a z&#700;igr&#477;wan in&#477;llubas n azzaman win.&#187;</div><div class="s2">Anna &#477;d m&#477;drayan &#477;n &#404;aysa win tid&#477;t</div><div class="p"> 46A i&#353;&#353;ewal &#404;aysa i tamattay den da, t&#477;lla anna-net den &#477;d m&#477;drayan-net. &#398;bd&#226;dan s&#477;di dat ahan, &#477;r&#226;n a das-annin arat. 47Inna awedan iyyan i &#404;aysa: &#171;&#398;n&#477;y, anna-nak &#477;d m&#477;drayan-nak, &#477;bd&#226;dan-ak dat ahan &#477;r&#226;n a dak-annin arat.&#187; 48Inn-as &#404;aysa: &#171;Ma imosan anna-nin? Ma imosan im&#477;drayan-in?&#187; 49T&#477;zzar izzal &#404;aysa ifassan d&#477;nn&#477;g n&#477;ttulab-net, inna: &#171;&#398;n&#477;yat, anna-nin &#477;d m&#477;drayan-in &#477;ntanay da, 50id awedan kul wa itamazalan tara n Abba-nin ihan ij&#477;nnawan, &#477;nta a imosan amadray-nin, made&#611; t&#477;madrayt-in, made&#611; anna-nin.&#187;</div>
 </div>
 </div>
</div>

Azzaman en da, ǝzǝl iyyan ǝn tǝsanfawt ǝn Kǝl-Ǝlyǝhud, issiwal Ɣaysa šiwǝgas n alkama ǝnta ǝd nǝttulab-net. Iggaz gǝlǝk inǝttulab-net, a du-rassaban šiɣaɣanen, tattin-tanat. As ǝnayan Farisaytan awen, ǝnnan i Ɣaysa: «Ǝnǝy! Inǝttulab-nak taggin arat xarâman daɣ ǝzǝl wa n tǝsanfawt.» Inn-asan Ɣaysa: «Ak teɣaray a wǝr tǝgem awa iga ǝnnǝbi Dawǝd assaɣa wad t-iggaz gǝlǝk, ǝnta ǝd midawan-net? Awak wǝrgeɣ iguz a ǝgan ehan ǝn Mǝššina, ǝtšan šigǝlwen šin ǝmosnen takutay tǝskâtat i Mǝššina, imos awen arat fall-asan xaraman? Šigǝlwen šin den ilimaman ɣas as tǝxalal tattay-nasnat. Awak teɣaray a wǝr tǝgem adi? Meɣ ak teɣaray a wǝr tǝgem daɣ Ǝttawret as ǝzǝl wa n tǝsanfawt, ilimaman wǝr ǝssǝfraran ǝššǝrǝdan n ǝzǝl wa n tǝsanfawt id ǝzǝl wǝdi šaqqalan daɣ Ahan wa Zǝwwǝran n Ǝlɣibada, mišan wǝr fall-asan imos awen lahan? Ǝggǝyeɣ-awan as wa illan da, ogar Ehan wa Zǝwwǝran n Ǝlɣibada. Ǝnnar tǝgrâm almaɣna ǝn batu ta tǝnnat: "Nak tǝhanint a areɣ, wǝrge takutay." Wǝdi wǝr za tǝbǝzam s ǝššǝriɣa aytedan wǝr iwer lahan. Ǝnneɣ-awan adi fǝlas nak Ag Aggadǝm a ixkaman fǝl ǝzǝl wa n tǝsanfawt.»
Ifal Ɣaysa edag wen, ikka ehan n ǝlɣibada ǝn Kǝl-Ǝlyǝhud n ǝɣrǝm wen da. Ehan wen ih-ay alǝs as immût ǝfus-net. Ǝnnan Farisaytan i Ɣaysa: «Ak xalal ǝzuzǝy n awedan daɣ ǝzǝl wa n tǝsanfawt?» Arat wen imos tǝnagmayt a das-ǝgân fǝl ad t-ǝbǝzan s ǝššǝriɣa. Inn-asan Ɣaysa: «Mǝni daɣ-wan wa zʼilân tilay iyyadda, amaran tǝqqǝl anu daɣ ǝzǝl wa n tǝsanfawt, aqqam wǝr daɣ-as tat-d-ikkes? Awedan za, ogar tilay almaqam wǝllen! Daɣ adi xalal igi ǝn tǝnfa y awedan daɣ ǝzǝl wa n tǝsanfawt.» Tǝzzar inna Ɣaysa y alǝs wa: «Ǝzzǝl ǝfus-nak.» Izzal-tu, izzay, ola ǝd wa hadan. Ǝglan Farisaytan, ad timǝšǝwwiran fǝl tǝmǝwit tas zʼagin iman ǝn Ɣaysa.

As isla Ɣaysa awen, igmad edag wen. Tǝlkam-as tamattay tǝgget. Izzozay imiranan kul. Mišan irɣam-asan fǝl amel y awedan waliyyan awa imos. Arat wen iga fǝl ad andu awal wa iga ǝnnǝbi Isayas as inna: Ǝnta da ǝnaɣbid-in wa sannafrana, s ǝnta a ǝkneɣ tara, isifalawas iman-in. A fall-as du-zǝzzǝbbe Infas-in di Zǝddigan, ad immal i tǝmattiwen n ǝddǝnet kul ǝššǝriɣa wa-nin. Wǝr zʼammastan d awedan waliyyan, za wǝr fall-as zʼisǝɣǝrǝt, wala aslin-as aytedan išawal daɣ tarrayen. Wǝr zʼarzu alawag ǝn telant illigwen, za wǝr zʼanɣu fǝtǝla tǝbukat i tǝmattant; almaɣna as wǝr zʼagu tǝkma waliyyat i nǝrkam. Awen daɣ a zʼitaggu iket wǝr issǝbdad ǝššǝriɣa; aginat daɣ-as tamattiwen n ǝddǝnet kul attama-nasnat.

Tǝzzar immeway-du alǝs iyyan ǝs Ɣaysa, as immidad ǝmi-net, imos deɣ ǝmǝdderɣǝl, fǝlas aggǝsuf a t-izdaɣan. Izzozay Ɣaysa alǝs wen, iššewal iswad deɣ. Isimaklal awen wǝllen ǝs tamattay ketnet, ad tǝgannu: «Ma iqqal ak Ag ǝnnǝbi Dawǝd wa ǝttǝmalan awa?»
Mišan as ǝslan Farisaytan y awen, ǝnnan: «Alǝs en Aššaytan Baɣalzabul wa n ǝmǝnokal ǝn kǝlǝsuf a t-ikfan fǝrregat n ikus ǝn kǝlǝsuf daɣ aytedan.» Mišan ya issan Ɣaysa daɣ awa samadranan, inn-asan: «Taɣmar kul tas ǝmmǝgaran mǝssawǝs gar-essan, tǝdi ǝbǝrǝjji a za tagu. Wǝr t-illa ǝɣrǝm, wala deɣ aɣaywan, as zʼammazrayan mǝssawǝs, aqqam wǝr ibarajjat. As imos as Aššaytan isattaɣ iman-net, wǝdi iman-net a dǝr immǝgar. Daɣ adi manǝmmǝk as za tihag taɣmar-net? Amaran kud nak tarna ǝn Baɣalzabul as takkasaɣ kǝlǝsuf daɣ aytedan, inalkiman-nawan za, ma ilan tarna tas tan-takkasan? Adi da fǝlas ǝntanay iman-nasan as kawan-z-ǝbǝzan s ǝššǝriɣa. Mišan as imos as Infas ǝn Mǝššina as takkasaɣ kǝlǝsuf daɣ aytedan, wǝdi Taɣmar ta n Mǝššina tos-iwan-du. Wǝr t-illa i ifrâgan iguz n ahan n alǝs n ǝmǝqqerǝd, iɣrǝd aqqa ǝn tǝla-net, ar s ad t-ikrâd təzzar. Dǝffǝr as t-ikrâd amaran ad zʼifrəg aqqa ǝn tǝla-net. Wa dǝr-i wǝr nǝddew, wǝdi azangaw-nin a imos, wa di-wǝr-nǝllil deɣ s ǝšidǝw, wǝdi ǝzǝwwǝziwǝz a itaggu.»
«Awen da fǝl dawan-ǝnneɣ: A iqqal abakkad, wala alfawaxiš, kul ad tǝwǝsurǝfan y awedan, mišan ikus ǝn tarna y Infas wa Zǝddigan, ǝnta wǝr zʼitǝwǝsurǝf y awedan. As di-ibyak awedan nak Ag Aggadǝm, ifrâg ad igrǝw tǝsureft, mišan as ibǝyak awedan Infas wa Zǝddigan, wǝrmad zʼigrǝw tǝsureft daɣ ǝddǝnet, za wǝr tat-z-igrǝw daɣ alaxirat.»
«As tǝlam ašǝk isxân, a daɣ-as tǝgrǝwam âratăn olaɣnen, as tǝlam ašǝk wǝr nǝsxa, a daɣ-as tǝgrǝwam âratăn ǝbrarnen; fǝlas âratăn win itaraw ašǝk, ǝntanay as itawazday. Xa taššolen šin da! Manǝmmǝk as za tannim a olaɣan, ǝnta kawanay tǝknâm tallabast? Wǝrgeɣ awa idkaran ǝwǝl n awedan, ǝnta a d-igammadan imi-net? Awedan wa olaɣan, ǝlluɣ wa ihan ǝwǝl-net a daɣ d-itakkas awa olaɣan, mišan anallabus ǝnta, talbast ta tǝhat ǝwǝl-net a daɣ d-itakkas awa labasan. Amaran nak ǝnneɣ-awan ǝzǝl wa n tabadday awedan kul kundaba ibdad fǝl batuten ǝn bannan šin iga. Fǝlas awalan-nak a kay-tagaznen daɣ ǝššǝriɣa, amaran ǝntanatay harwa da a kay-tabaznen s ǝššǝriɣa.»
Ǝnnan arat daɣ musanan n Ǝttawret ǝd Farisaytan: «Ǝššex, nǝra daɣ-ak a dana-tassakna tǝlmǝɣjujat tǝmosat alɣalamat.» Inn-asan Ɣaysa: «Aytedan n azzaman win, inǝllubas, wǝr nǝksud Mǝššina, amaran gammayan tǝlmǝɣjujat! Kala! Tǝlmǝɣjujat ta dasan-tǝtawaggat iyyadda ɣas, a tat-imosan ta n ǝnnǝbi Yunǝs. Ǝnta ǝmmǝk wa daɣ as iga Yunǝs karad jilan, ǝd karad hadan daɣ tǝdist ǝn kifi wa zǝwwǝran, ǝmmǝk wen daɣ as nak da Ag Aggadǝm ad aga karad adan gǝr mawetan n amaḍal. Ǝzǝl wa n tabadday, ad d-ǝnkǝran aytedan n ǝɣrǝm ǝn Ninif, ǝzzǝbǝzan aytedan n azzaman win y ǝššǝriɣa fǝlas ǝntanay ǝhǝddi a ǝgan ǝzǝl wa dasan-iga Yunǝs tǝlxutbat, imal-asan awal ǝn Mǝššina. Ǝssǝnat za as, wa illan da ǝmǝrǝdda, ogar Yunǝs mišan tugayam ǝs tǝtubt. Ǝzǝl wa n tabadday, a du-tǝnkǝr tǝmǝnokalt tas kala tǝxkam fall akal n agala igân esǝm Šeba, taggayyat fǝl aytedan n azzaman win, tǝzzǝbǝz-tan y ǝššǝriɣa fǝlas d ad iraz amaḍal a du-tǝgmad fǝl ad tǝssǝsǝm y awal ǝn tǝla n ǝgǝrri wa itaggu ǝmǝnokal Suliman. Ǝssǝnat za as, wa illan da ǝmǝrǝdda, ogar ǝnnǝbi Suliman mišan tugayam s a das-tǝssǝsǝmam.»
«As igmad aggǝsuf awedan, iras aggǝsuf wen idaggan ǝqqurnen igammay id imal, iqqim wǝr t-igrew, ad annu daɣ man-net: "Nak a za, ad ǝqqǝlaɣ ehan-in wa d-ǝgmada." As t-id-iqqal a t-id-asu wǝr itawaggaz, ifrâd, iɣrad amaknaw. Tǝzzar aglu idaw-du d ǝssa kǝlǝsuf wiyyad a t-ogarnen tallabǝst, ǝggǝzan awedan wanâd, ǝzdǝɣan-tu. Tagu taɣara n awedan wen aɣšud ogaran was kala tu-tǝga. Awen da a zʼigrǝwan inǝllubas n azzaman win.»

A iššewal Ɣaysa i tamattay den da, tǝlla anna-net den ǝd mǝdrayan-net. Ǝbdâdan sǝdi dat ahan, ǝrân a das-annin arat. Inna awedan iyyan i Ɣaysa: «Ǝnǝy, anna-nak ǝd mǝdrayan-nak, ǝbdâdan-ak dat ahan ǝrân a dak-annin arat.» Inn-as Ɣaysa: «Ma imosan anna-nin? Ma imosan imǝdrayan-in?» Tǝzzar izzal Ɣaysa ifassan dǝnnǝg nǝttulab-net, inna: «Ǝnǝyat, anna-nin ǝd mǝdrayan-in ǝntanay da, id awedan kul wa itamazalan tara n Abba-nin ihan ijǝnnawan, ǝnta a imosan amadray-nin, madeɣ tǝmadrayt-in, madeɣ anna-nin.»

ಆಲಿಸಿ Matta 12