© 2001, Wycliffe Bible Translators, Inc. All rights reserved.
℗ 2019 Hosanna

Sahou ta Kindrei

<div class="version vid1106 iso6393lid" data-vid="1106" data-iso6393="lid">
 <div class="book bkJHN">
 <div class="chapter ch14" data-usfm="JHN.14">
 <div class="label">14</div><div class="s">Jises le ari badeh, iy i san ta ili hawe taman</div><div class="p"> 1Jises tiye sahou ili toro lau tan, &#8220;Ado satikisiy ma ado sabudon solo-an labai. Ado katehei le budon tado mara-ei kili le ta Kindrei ma keme tek ale. 2Udu bolo kon ta tama doh, iri asiu nadu bwisik solo-an labai udu aliy. Idah kameh jo ilih mwena ta lowosa iri nadu asiu nane doh taha. Buku bado aliy bwe eh, idah jo winiyan basehek iri sahou dah bwe. 3I buku jo ilih bwena lowosani iri nadu asiu marakon nane doh ano, jo kameh eme hamon ja ta akohok aha ala ado hawek. Tasah jo aso-ok aha kameh ame ado hawek ado kon kameh jo udu aliy. 4Aha ndratana aha ta san ta ili kon nane jo kameh ilih aliy.&#8221;</div><div class="p"> 5Tomas ndremenya Jises, &#8220;Ndramak tinan, ahi bala tanan ta ou alih kon heh handru, ya kili buku sah handru ahi kala tanan ta san ili kon badeh?&#8221;</div><div class="p"> 6Jises eme tiye sahou i ta Tomas, &#8220;Jo le ari jo san handru, ma jo kati iri sahou handru, ma kati kohan handru kameh udu le buku doh. Ari ndramak winiya bala hawe tama, bala rasan san ja bwe. Iy kameh keme badak bwena. 7Na idah ado ndratanan jo ndramwenen, ma idah kameh ado atanan tama udu mwasin labai. Ehe, na idah ili, aha kameh atanan iy udu mwasin labai, ma aha ndranyolom iy.&#8221;</div><div class="p"> 8Pilip lelen Jises, &#8220;Ndramak tinan, ou leheya tamam keme taso, idoh le tinan udu budon taso.&#8221;</div><div class="p"> 9Jises tiye i tan, &#8220;Pilip, jo udu hawe ado luluwen labai, arile buku sah handru ou bala tanam jo bwe? Are lau iy ndratou jo badeh, iy ndratou tama ale. I buku sah ja ou anya jo kaleheya tama kewek tado ja? 10Sebwe ou atehei budon tam handru in tek, ta jo in hawe tama, ma tama udu hawek. Iri sahou ale jo ndrasehek ndrawek tado badeh, jo basehek na budon tek amwenen bwe. Tama in hawek, eme iy le amekes iri gok tan amwenen. 11Aha katehei budon taha keme tek ta sahou jo asehek anya, jo udu hawe tama, ma tama udu hawek ale. Buku sah, aha katehei budon taha kili le ta sahou jo asehek, tasah aha ndranyolom iri gok jo amekes. 12Jo tiye tado handru, are lau iri atehei budon tiri marakon eme le tek, idah kameh iri amekes iri gok i buku le gok jo amekes. Ehe, ma gok iri amekes idah kameh udu mwasin labai ja ta iri gok jo ndramekes. Tasah, jo kameh ilih hawe tama.#(14:12) Jises iu ili hawe taman, ano iy tiye Malawin Ndrabun eme amekes iri gok tinan. 13Ma jo kameh amekes iri lakou marakon, buku aha ndremenya tama in ta nyarak. Eme ma tama kameh akohok nyaran i tinan i san ta nadun amwenen. 14Ehe, buku lakou marakon aha ndremenya in ta bwele-e nyarak, idah kameh jo winiyan bwidiy ma atehei ewek taha.&#8221;</div><div class="s">Jises anya iy kameh suni Malawin Ndrabun eme</div><div class="p"> 15Jises eme asehek sahou ili toro lau tan, &#8220;I buku ado aso-ok jo labai, idah kameh ado ka-en hamon tiri sahou batanau tek. 16Jo kameh ndremenya tama ta iy katiye seben keme ta aseben aha kabadok. Ma iy kameh udu hawe aha udu le buku doh. 17Seben doh, iy Malawin Ndrabun, iy eme ta asehek sahou handru ta Kindrei. Iri lau marakon badu kon munyak winiya bandrei iy bwe, tasah iri winiyan batou iy bwe, ma iri winiya bala tanan iy bwe. Arile aha le kameh tanan iy ai. Tasah iy in hawe aha, ma iy kameh udu hawe aha, udu le buku doh.</div><div class="p"> 18&#8220;Buku jo iu, ado kameh winiya barah bwe. Jo kameh eme hamon eme hawe aha ja. 19Mirihik ai, idah kameh iri lau badu kon munyak kameh winiya batou jo ja bwe. Arile aha le kameh atou jo ai. Jo kameh imek, ano jo amak ja. I buku le aha kameh amak, ano aha amak ame awas ja, ma koha aha kameh eme hamon ja ma udu le buku doh. 20Len doh kameh asahan taha, ma aha kameh atanan ta jo badeh, in hawe tama, aha a-en hawek, ma jo in hawe aha. 21Are lau iy andrei iri sahou batanau tek ma iy in hamon ta aliy, iy lau doh badeh, aso-ok jo tinan labai. Ma tama kameh aso-ok are lau nane iy aso-ok jo. Jo ale aso-ok iy, ma jo kameh leheya jo amwenen ili tan.&#8221;</div><div class="p"> 22Judas anya, (Idoh Judas Iskariyot bwe, iy ari ja.) &#8220;Laban, i buku sah handru ou leheya ou amwenen ame lewan mada aso? Buku sah bala mada iri lau badu kon munyak bwe?&#8221; 23Jises eme tiye i ta Judas, &#8220;I buku are lau iy aso-ok jo labai, iy kameh in hamon ta leheya tek. Ma tama kameh aso-ok iy. Eme ma aru ma la-uh kameh ala manyah ado hawen ere le buku doh. 24Are lau iy baso-ok jo bwe, iy lau doh, iy ba-en hamon ta iri leheya tek bwe. Iri leheya handru nane aha ndranuhun, badeh tek amwenen bwe, ta tama iy nane suni jo eme.</div><div class="p"> 25&#8220;Jo ndratiye tado ta iri lakou dah, mene jo udu hawe ado. 26Seben badeh, Malawin Ndrabun. Tama kameh suni iy eme in ta bwele-e nyarak. Iy kameh leheya aha ta iri lakou marakon, ma amekes iri budon taha kudu tiri lakou mene jo ndrasehek ndrawek taha.</div><div class="p"> 27&#8220;Mondrei jo ruwani ndrado hawe ado badeh, mondrei tek amwenen. Jo badeu bala buku kon munyak edeu bwe. Aha satikisiy, aha sabudon solo-an ma aha sanoh. 28Aha ndranuhun jo ndrasehek taha, &#8216;Jo kameh iu o, arile ano kameh jo eme hamon hawe aha ja.&#8217; Buku aha aso-ok jo labai, aha kasekesek ta jo kameh iu ili hawe tama, tasah nyaran badeh, udu bwele-e nyarak ja. 29Iri lakou marakon nane doh basahan bwe le, arile jo kasehek taha ai, ta aha kameh anyolom hamon. Ano, aha baratehei budon taha barala tan.</div><div class="p"> 30&#8220;Jo winiya basehek sahou luluwen hawe aha bwai, tasah ndramak ta atondrok kon munyak dah eme. Boto-on tan badeh, winiya batubuluhi boto-on tek bwe. 31Arile, iri lau marakon badu kon munyak katanan, jo badeh, aso-ok tama tinan labai, tasah jo amekes iri lakou marakon badeh, iy le tiye jo ta amekes.&#8221;</div><div class="p">Ano iy tiye oro lau tan, &#8220;Ado kame, to ka-au kala rasi ja.&#8221;</div>
 </div>
 </div>
</div>

Jises tiye sahou ili toro lau tan, “Ado satikisiy ma ado sabudon solo-an labai. Ado katehei le budon tado mara-ei kili le ta Kindrei ma keme tek ale. Udu bolo kon ta tama doh, iri asiu nadu bwisik solo-an labai udu aliy. Idah kameh jo ilih mwena ta lowosa iri nadu asiu nane doh taha. Buku bado aliy bwe eh, idah jo winiyan basehek iri sahou dah bwe. I buku jo ilih bwena lowosani iri nadu asiu marakon nane doh ano, jo kameh eme hamon ja ta akohok aha ala ado hawek. Tasah jo aso-ok aha kameh ame ado hawek ado kon kameh jo udu aliy. Aha ndratana aha ta san ta ili kon nane jo kameh ilih aliy.”
Tomas ndremenya Jises, “Ndramak tinan, ahi bala tanan ta ou alih kon heh handru, ya kili buku sah handru ahi kala tanan ta san ili kon badeh?”
Jises eme tiye sahou i ta Tomas, “Jo le ari jo san handru, ma jo kati iri sahou handru, ma kati kohan handru kameh udu le buku doh. Ari ndramak winiya bala hawe tama, bala rasan san ja bwe. Iy kameh keme badak bwena. Na idah ado ndratanan jo ndramwenen, ma idah kameh ado atanan tama udu mwasin labai. Ehe, na idah ili, aha kameh atanan iy udu mwasin labai, ma aha ndranyolom iy.”
Pilip lelen Jises, “Ndramak tinan, ou leheya tamam keme taso, idoh le tinan udu budon taso.”
Jises tiye i tan, “Pilip, jo udu hawe ado luluwen labai, arile buku sah handru ou bala tanam jo bwe? Are lau iy ndratou jo badeh, iy ndratou tama ale. I buku sah ja ou anya jo kaleheya tama kewek tado ja? Sebwe ou atehei budon tam handru in tek, ta jo in hawe tama, ma tama udu hawek. Iri sahou ale jo ndrasehek ndrawek tado badeh, jo basehek na budon tek amwenen bwe. Tama in hawek, eme iy le amekes iri gok tan amwenen. Aha katehei budon taha keme tek ta sahou jo asehek anya, jo udu hawe tama, ma tama udu hawek ale. Buku sah, aha katehei budon taha kili le ta sahou jo asehek, tasah aha ndranyolom iri gok jo amekes. Jo tiye tado handru, are lau iri atehei budon tiri marakon eme le tek, idah kameh iri amekes iri gok i buku le gok jo amekes. Ehe, ma gok iri amekes idah kameh udu mwasin labai ja ta iri gok jo ndramekes. Tasah, jo kameh ilih hawe tama. Ma jo kameh amekes iri lakou marakon, buku aha ndremenya tama in ta nyarak. Eme ma tama kameh akohok nyaran i tinan i san ta nadun amwenen. Ehe, buku lakou marakon aha ndremenya in ta bwele-e nyarak, idah kameh jo winiyan bwidiy ma atehei ewek taha.”

Jises eme asehek sahou ili toro lau tan, “I buku ado aso-ok jo labai, idah kameh ado ka-en hamon tiri sahou batanau tek. Jo kameh ndremenya tama ta iy katiye seben keme ta aseben aha kabadok. Ma iy kameh udu hawe aha udu le buku doh. Seben doh, iy Malawin Ndrabun, iy eme ta asehek sahou handru ta Kindrei. Iri lau marakon badu kon munyak winiya bandrei iy bwe, tasah iri winiyan batou iy bwe, ma iri winiya bala tanan iy bwe. Arile aha le kameh tanan iy ai. Tasah iy in hawe aha, ma iy kameh udu hawe aha, udu le buku doh.
“Buku jo iu, ado kameh winiya barah bwe. Jo kameh eme hamon eme hawe aha ja. Mirihik ai, idah kameh iri lau badu kon munyak kameh winiya batou jo ja bwe. Arile aha le kameh atou jo ai. Jo kameh imek, ano jo amak ja. I buku le aha kameh amak, ano aha amak ame awas ja, ma koha aha kameh eme hamon ja ma udu le buku doh. Len doh kameh asahan taha, ma aha kameh atanan ta jo badeh, in hawe tama, aha a-en hawek, ma jo in hawe aha. Are lau iy andrei iri sahou batanau tek ma iy in hamon ta aliy, iy lau doh badeh, aso-ok jo tinan labai. Ma tama kameh aso-ok are lau nane iy aso-ok jo. Jo ale aso-ok iy, ma jo kameh leheya jo amwenen ili tan.”
Judas anya, (Idoh Judas Iskariyot bwe, iy ari ja.) “Laban, i buku sah handru ou leheya ou amwenen ame lewan mada aso? Buku sah bala mada iri lau badu kon munyak bwe?” Jises eme tiye i ta Judas, “I buku are lau iy aso-ok jo labai, iy kameh in hamon ta leheya tek. Ma tama kameh aso-ok iy. Eme ma aru ma la-uh kameh ala manyah ado hawen ere le buku doh. Are lau iy baso-ok jo bwe, iy lau doh, iy ba-en hamon ta iri leheya tek bwe. Iri leheya handru nane aha ndranuhun, badeh tek amwenen bwe, ta tama iy nane suni jo eme.
“Jo ndratiye tado ta iri lakou dah, mene jo udu hawe ado. Seben badeh, Malawin Ndrabun. Tama kameh suni iy eme in ta bwele-e nyarak. Iy kameh leheya aha ta iri lakou marakon, ma amekes iri budon taha kudu tiri lakou mene jo ndrasehek ndrawek taha.
“Mondrei jo ruwani ndrado hawe ado badeh, mondrei tek amwenen. Jo badeu bala buku kon munyak edeu bwe. Aha satikisiy, aha sabudon solo-an ma aha sanoh. Aha ndranuhun jo ndrasehek taha, ‘Jo kameh iu o, arile ano kameh jo eme hamon hawe aha ja.’ Buku aha aso-ok jo labai, aha kasekesek ta jo kameh iu ili hawe tama, tasah nyaran badeh, udu bwele-e nyarak ja. Iri lakou marakon nane doh basahan bwe le, arile jo kasehek taha ai, ta aha kameh anyolom hamon. Ano, aha baratehei budon taha barala tan.
“Jo winiya basehek sahou luluwen hawe aha bwai, tasah ndramak ta atondrok kon munyak dah eme. Boto-on tan badeh, winiya batubuluhi boto-on tek bwe. Arile, iri lau marakon badu kon munyak katanan, jo badeh, aso-ok tama tinan labai, tasah jo amekes iri lakou marakon badeh, iy le tiye jo ta amekes.”
Ano iy tiye oro lau tan, “Ado kame, to ka-au kala rasi ja.”

ಆಲಿಸಿ Jon 14