Hesekiel 15
15
1Nalekablo oᴋausingata tikipânga, oᴋarlune:
2Inûb erninga, napârtoᴋ vaineliksatalik ᴋanoᴋ pinersauvâ napârtunit assiminit, vaineliksataliub akkerunga, napârtoliksuit napârtungita akornganêtovinêᴋ?
3Tigusijoᴋalârkâ ᴋejuktangata ilanganik suliarijomavlugo? Inuillônêt tigusiniarᴋât ilanganik nivingaviksaliorutigijomavlugô?
4Ahâk, ikomaksatuinauvoᴋ: issûgik tamarmik nungutauvûk ikomamut, ᴋerᴋâlo aumatuinaukasakpoᴋ: senaraksamut piksauvâ?
5Ahâk, iluitotilugo senaraksaulungilaᴋ: mikinersaungijaidlartomigle senaraksaunginialungilâᴋ ikomab nungusimangmago aumakotuinautilugolô?
6Taimaimat imâk oᴋarpoᴋ Nâlegaᴋ Nâlegaujoᴋ: Sorlo vaineliksataliub napârtunga ingmat napârtoliksuit napârtungita akorngane, tunijama ᴋejuksauᴋovlugit ikomamut, taimak Jerusalemib inuᴋtangit tunijomagivaᴋᴋa.
7Kênaralo allartitsomavara tâpkonangat; ikomamit anigaloarunik ikomab sulle nungulârpait; ᴋaujijuksaulârposelo uvanga Nâlegaugama, kênara allarapko tâpkonangat.
8Nunalo sunaᴋangitungortitsomârpara, idluituliningit pivlugit; oᴋarpoᴋ Nâlegaᴋ Nâlegaujoᴋ.
ទើបបានជ្រើសរើសហើយ៖
Hesekiel 15: LIHB08
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.