Hesekiel 14
14
1Israeliblo angajoᴋângita ilangita tikipânga, ingilutiglo sâmne.
2Nâlekablo oᴋausingata tikipânga, oᴋarlune:
3Inûb erninga, angutit ukkoa gudingoaliarijatik ᴋagvartisimavait ômatimingne, idluitulinermiglo nâkliutiviksanganik pititsivut kênangita sânginut; tâpkonunga sumiglônêt aperijaujuksauvêk?
4Tamanna pivlugo oᴋarvigikit, oᴋautilugillo: Imâk oᴋarpoᴋ Nâlegaᴋ Nâlegaujoᴋ: Inuk neliarlônêt Israêlib ᴋitornganginit ᴋagvartitsijoᴋ gudingoaminik ômatiminut, idluitulinimelo nâkliutiviksanganik pititsijok kênangata sânganut, aijorlo nelautaijomut; uvanga Nâlegaujunga kiojomavara tamanna pitjutigivlugo, gudingoarme unurningit maliklugit;
5Nappersiᴋovlunga Israêlib ᴋitorngangita ômatinginik, ilûnatik avilaungmatta uvamnit gudingoaliarijatik pivlugit.
6Taimaimat Israêlib ᴋitorngangit oᴋautikit: Imâk oᴋarpoᴋ Nâlegaᴋ Nâlegaujoᴋ: Uteritse, allaivluselo gudingoapsingnik, kênaselo sangutisigik maᴋojungnartulinipsingnit tamainit.
7Israêlib ᴋitorngangita neliarlônêt, takorngartarlônêt nunaᴋartoᴋ Israêleme, avitoᴋ nangminerminik uvamnit, ᴋagvartitsilunelo gudingoaminik ômatiminut, idluitulinimelo nâkliutiviksanganik pititsijoᴋ kênangata sânganut, tikitorlo nelautaijomut aperijomavlugo pivlunga: uvanga Nâlegaujunga nangmineᴋ kiojomavara:
8Kênaralo inungmut tâpsomunga sangmititsomavara, tataminiarutiksangortitsomavaralo, nelunaikutiksauᴋovlugo oᴋausiovaktôᴋovlugolo, inuᴋotimalo akornganit kipijomavara; ᴋaujijuksaulârposelo uvanga Nâlegaugama.
9Nelautaijorlo uivêrijaulerpat oᴋautsimiglo oᴋarune, tagva uvanga Nâlegaᴋ nelautaijoᴋ tâmna uivêrilaukpara, aggakkalo issagomavakka tâpsomunga, pêjaromavaralo inuᴋotima Israêlitit akornganit.
10Ilûnatik nangmartuksauvut idluitulinermingnik: nelautaijub idluitulininga taimailingaluatsialârpoᴋ sorlo tâpsominga aperijartortûb idluitulininga ingmat;
11Israêlib ᴋitorngangit tamarungnaiᴋovlugit uvamnit, ivsornartitsijungnaiᴋovlugillo nangminermingnik idluitulinermingnut tamainut; inuᴋutaujungnarᴋovlugille uvamnut, uvangalo Gudeojungnarᴋovlunga tâpkonunga, oᴋarpoᴋ Nâlegaᴋ Nâlegaujoᴋ.
12Nâlekablo okausingita tikipânga, oᴋarlune:
13Inûb erninga, nunab idluitulivigikpanga, sôngojomik tapalune, uvangalo aggakka issagupkit tâpsomunga, nerᴋiksangillo ᴋematuliutaumajut asserorlugit, kângnerlo tiligupko tâpsomunga, kipilugillo inuillo nergjutillo tagvangat:
14Angutit ukkua pingasut, Noa, Danielelo, Hiobelo tagvanênajaraloarunik, tâpkoa tarnitik kisseta piulinajarpait idluarnermingnut, oᴋarpoᴋ Nâlegaᴋ Nâlegaujoᴋ.
15Omajullônêt erᴋsinartut ingerarᴋonajarupkit nunakut, asseroiᴋovlugit tâpsominga ᴋemaktauᴋovlugo, apᴋusârtauᴋonago kimut ômajoaluit pitjutigivlugit;
16Angutit ukkua pingasut tagvanêgaloarunik, sorlo mikseᴋârtomik inôgama, oᴋarpoᴋ Nâlegaᴋ Nâlegaujoᴋ, ernitiglônêt panitiglônêt piulinajangilait; tâpkoa nangmineᴋ kisseta piulijaunajarput, nunale inuêrutjaunajarpoᴋ.
17Saviksoarlônêt tikiutinajarupko nunamut tâpsomunga, oᴋarlungalo: Saviksoaᴋ, nuna ingerarvigiuk; kipisiᴋovlunga inungnik nergjutiniglo tagvangat;
18Angutit ukkua pingasut tagvanêgaloarunik, sorlo mikseᴋârtomik inôgama, oᴋarpoᴋ Nâlegaᴋ Nâlegaujoᴋ, ernitiglônêt panitiglônêt piulinajangilait; tâpkoa nangmineᴋ kisseta piulijaunajarput.
19Nûsilingnartorlônêt tilinajarupᴋo nunamut tâpsomunga, ningaumajârneralo kovilugo tâpsomunga aukkut, inuit nergjutillo pêjarlugit tagvangat;
20Noalo, Danielelo, Hiobelo tagvanênajaraloarunik, sorlo mikseᴋârtomik inôgama, oᴋarpoᴋ Nâlegaᴋ Nâlegaujoᴋ, ernermiglônêt paningmiglônêt piuliklerajangilat; tarnitigle kisseta piulinajarpait idluarnermingnut.
21Imâk oᴋarmat Nâlegaᴋ Nâlegaujoᴋ: Kanoᴋ anginersautigilârᴋât akkiniarutikka sugaluluartut sittamat tiligupkit Jerusalemut: saviksoaᴋ, kângnerlo, ômajullo erᴋsinartut, nûsilingnartorlo, pêjaiᴋovlugit inungnik nergjutiniglo tagvangât?
22Sullele, ahâk, amiakoᴋartuksaulârpoᴋ anigoijunik ᴋemâjomârtunik, ernerniglo, paningniglo; ahâk, tikitsomârput ilipsingnut, takolârposelo ilinganinginik piniarninginiglo: manigortaulârposelo idluitoᴋ Jerusalemut tikiutijara pivlugo, tamaita tâpsomunga tikiutijakka pivlugit.
23Tâpkoalo manigortaujutigilârpase takogupse ilinganinginik piniarninginiglo; ᴋaujilârposelo pitjuteᴋarnanga pinialaunginama tamainik piniarnerijamnik tagvane, oᴋarpoᴋ Nâlegaᴋ Nâlegaujoᴋ.
ទើបបានជ្រើសរើសហើយ៖
Hesekiel 14: LIHB08
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.