Edwɛndolɛ 4
4
Edwɛndolɛ 4
Aledwolɛ nu Edwɛndolɛ
1O me pepɛdievolɛ, Nana Nyamenle, saa mebodo mesɛlɛ wɔ a tie me! Melɛ mɔɔ mengɔle ɛmianlɛ nu la, ɛboale me. Kile wɔ atiakunlukɛnlɛma ne wɔ me nwo zo, na tie me nzɛlɛlɛ.
2Awulae Nyamenle ɛlɛbiza kɛ: Kenle nzu bɔbɔ yɛɛ bɛkɛwula me anyunlunyia, na bɛkɛgyakyi me nyunlu nyiane aze ɛguale a, O bɛmɛ aleɛabo amra? Kenle nzu yɛɛ bɛkɛgyakyi awozonle ɛzonlenlɛ mgbane mgbane ɛhye mɔ na bɛkɛli nɔhalɛ a?
3Bɛnwu ye wienyi kɛ, Nana Nyamenle ɛkpa tenlenema ɛzie ɛkɛ ne ɛmaa ɔ nwo; ɔti ɔtie me wɔ mekɛ mɔɔ menwɔvɛlɛ ye la. 4Bɛnyia Nyamezulolɛ wɔ bɛ nu, na bɛgyakyi ɛtaneyɛlɛ. Wɔ bɛ ɛyavalɛ mekɛ nu bɛla bɛ ɛsokpa zo koonwu, na bɛmaa bɛ ahonle ɛdɔ bɛ azule nu. 5Bɛbɔ nɔhalɛ azu mɔɔ sɔ ɛnyelɛ la bɛmaa Nana Nyamenle; na bɛva bɛ rɛle bɛwula ye nu.
6Dɔɔnwo ne ala sɛlɛ se kɛ: “Maa yɛ nyilalɛ dɔɔnwo, O Nana Nyamenle; fa atiakunlukpalɛyɛlɛ nea yɛ nwo zo!” 7Nɔhalɛ nu, fɛlɛkolilɛ mɔɔ wɔva wɔmaa me la, le kpole tɛla anyelielɛ mɔɔ ɛyazonlɛnli nyia ye, wɔ mekɛ mɔɔ ɔkɛbu ye ɛya nu aleɛ la. 8Mebala meala anzondwolɛ nu, O Nana Nyamenle; ɔluakɛ wɔmɔ Awulae ala a ɛmaa metɛnla anzondwolɛ nu a.
ទើបបានជ្រើសរើសហើយ៖
Edwɛndolɛ 4: ONEN
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Biblica® Open Nzema Word of Life Gospels and Psalms™
Copyright © 1984 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.