LUKA 13
13
Opolange abongya bihɛlɛlo alanga iwa
1Nko nde elaka iiko, banto bankina bayɛ yohangela Yesu ikambo iiki banto ba Ngalilaya banɛ bae Pilato alyakake nko nde elaka ɛnɛ etumbelaka ibɔ Ndjakomba mbeka. 2Yesu abaunoyelɛ: «Lokamba banto baiko ba Ngalilaya baawaki nyɔi e bobe ngauko bayalaki bahumuki penda banto ba Ngalilayi bankuma? 3Nkola, emi ndobela; yaa nga talɔbɔngya betema, nyo bankuma longowa nko ngauko. 4Mpe banto lyomu la mwambi baawaki anɛ yakɔyɛlɛki eliko e Silowe, lokamba ibɔ bapenda banto bankuma ba Yelusalɛmɛ la bobe? 5Nkola, emi ndobela; yaa nga talɔbɔngya betema, nyo bankuma longowa nko ngauko.»
Lwɛlya looki bopela bopa bobote
6Mpe Yesu aobapa lwɛlya lɔnɛ: «Bonto ɔmɔɔ ayalaki la bompela#13, 6 Nde buku bakɔtɛ Figi, nga bopa nso tokati bote buuko totikɛ bompela. bokinde boonaki nde nde elanga. Atɛ itotila mmuma nde bote bɔkɔ, tabata la lommuma lɔmɔ. 7Ahangelɛ bonto ɔhɛndjɛlɛkɛ elanga: “Lenda, ɛyɛ mbula ihato lonkundu iya emi yotila mmuma nde bolala bɔnɛ, mpe mpobatake yomba. Pupola bɔkɔ. Itina nnɔ ɛlɛ bɔkɔ babu nko intomba?” 8Bɔhɛndjɛli bo elanga abelɛ bɔmɛlɛ: “Nkolo, opohenyakɛ laino mbula ɛnɛ, ntimole babu nde itina, ndjutumole luula. 9Ɛmɔɔ mbala nko bobota mmuma mbula iiko yoye. Kaki mpe tabobota, okataka.”»
Yesu abikiɛ buunto o bɔlɛmɛ buuna bo sabata
10Buuna bɔmɔɔ bo sabata, Yesu alakaki nde botumba bo lɔbɔndɔ. 11Buunto ɔmɔɔ oyali la bɔlɛmɛ ayalaki aiko. Bolimo bo bobe bobuunɛ betiti ima mbula lyomu la mwambi mpe apɔɔhe yoyahembola bɔlɔti. 12Anɛ ɛboɛnɛki Yesu, aoboeta mpe aobobela: «Buunto, ongobikɛ la bɔlɛmɛ bokiɛ!» 13Yesu aboapyɛ bɛbɔ, mpe la mbala ɛmɔ, betiti byohembwɛ mpe buunto ɔkɔ atotyɛ Ndjakomba. 14Bonkondi bo botumba bo lɔbɔndɔ aokɛ bobe mpendja itina Yesu abikiɛ bonto nde buuna bo sabata. Ɛkɔiko, abelɛ boloy boyalaki aiko: «Toyali la biina botoba be bosala. Loyaka nde biina biiko yotila balobikie, nde buuna bo sabata nkola!» 15Nkolo abuunoyelɛ: «Nyo banto ba bilongi bipe! Aiko eyali nyo, opoolyake ngɔmbɛ ekinde laa mpunda#13, 15 Nyama ɛnɛ eebetana itina iiki yobila banto eyali mpunda ɛkɔiko eumolɛ nso anɛ. ekinde nde elongo buuna bo sabata aobotombi yɔmɛlɛ bahi nnɔ? 16Yaa buunto ɔnɛ, bona ooki Abalayama, otungyɛ Satana mbula liomu la mwambi lonkundu, tɛɛli babotungole bɛlɔkɔ biiko buuna bo sabata?» 17Aiko etepelaki nde ngauko, banto bankuma bapobolangake baokɛ nsɔni epululu; yaa boloy bonkuma boyalaki la ibulwako la yɛnɛ mbo i mpapo iiko ikela nde.
Lwɛlya looki boopo bo nsɛmbɛ e lobambo
(Lenda la nde Mat 13, 31-32; Mlk 4, 30-32)
18Nkamba Yesu aubolɛ: «Bonkumu booki Ndjakomba bɔɛli la nnɔ? Ndjɔhɔ yoɛlya bɔkɔ la nnɔ? 19Bɔɛli la boopo bo nsɛmbɛ e lobambo bɔnɛ boonɛ bonto ɔmɔɔ nde ngonda ekinde. Lomuma lɔkɔ loolɛ, lokitɛ bote bo bɔnɛnɛ mpe mpulu iiyaaka nde liko batongɛ baimbu baakiibɔ nde bitape biki bɔkɔ.»
Lwɛlya looki bote bɔnɛ buuleya lopate lo mampa
(Lenda la nde Mat 13, 33)
20Yesu aunwɛ yuubola: «Ndjɛlie Bonkumu booki Ndjakomba la nnɔ? 21Boɛli la bote bo mampa bɔhɔpɔ buunto la katini ihato i falini mpe boyuuleya lopate lonkuma.»
Mboka e lobola, buuho bo nkaka
(Lenda la nde Mat 7, 13-14.21-23)
22Yesu ataki yolekaka nde bamonga la bihe, aolakake ilako mpe aotake looko lo Yelusalɛmɛ. 23Bonto ɔmɔɔ abuubolɛ: «Nkolo, banto baangobika bangooyala bɔkɛ?» Yesu ababelɛ: 24«Lokelaka nguya lɔɔtwe nde buuho bo nkaka, itina, ndobela, buuke bangotila baɔtwe, yaa tabangɔhɔ.»
25«Elaka engoyala bɔmɛlɛ botumba ahwemala mpe aolipa ebala, nyo baangotikala nde bongala, longobanga yokɔkɔmɔ ebala mpe yuubola: “Nkolo, otolipole”, nde angoluunoyela: “Emi mpolwebe”. 26Aiko longotila lohange: “Yaa nso nga tɔlɛki mpe tɔmɛlɛki nso la wɛ nnɔ, wɛ mpe ombolakake nde beboko beekinso!” 27Nde angoolobela lenkina: “Emi mpolwebe. Luuma aiko ntute la emi, nyo bankuma banto baapa la sembo.” 28Mpiko, engooyala la baangolela mpe la baangolamata baino, elaka enga loɛne Abalayama, Izaka, Yakobo la ntepeli inkuma nde Bonkumu booki Ndjakomba, mpe nyo bangolobokɛ nde bongala. 29Nde elaka iiko, banto bangooyuma looko loolaka inyɛlɛ mpe looko loolalaka ikɔ, bangooyuma nde liko mpe nde nse, bangooya nde ntɛkɔ e Bonkumu booki Ndjakomba. 30Ɛkɔiko, baamɔɔ banto batikalaki mbuha bangooleka ntondo, bankina mpe baataki ntondo bangooyunwa mbuha.»
Yesu aabela Yelusalɛmɛ
(Lenda la nde Mat 23, 37-39)
31Nko elaka iiko, bafalisaya bankina batɛ eka Yesu mpe babohangelɛ: «Ima anɛ, kɛndɛ looko lonkina, itina Elode atila akolyake.» 32Yesu ababelɛ: «Talohangele bobanga#13, 32 Nde buku ɛkɔti Lenalɛ, nso totikɛ bobanga. buuko: Mpandja belimo be bobe mpe mbikya banto lɔlɔkɔ la lobi, nde buuna bo behato, nhoheya bohala bookimi. 33Yaa, ntondo ntondo nkela laino lɔkɛndɔ lokimi lɔlɔkɔ, lobi mpe laipe, itina ɛpɔɔhe yokelama mbɔ ntepeli ɛmɔɔ awu botale la Yelusalɛmɛ.»
34«Yelusalɛmɛ, Yelusalɛmɛ, wɛ ɔkɔ olyakaka ntepeli mpe olikaka banto baatindaka Ndjakomba babɔkɔ, ntilaki mbala la mbala nsanganie baaha bakiɛ nga bokukaka nkɔkɔ e waali bana baakinde nde nse e bapapu baakinde, lendaka nyo talolanga. 35Aiko ekeeko, balohokokyela botumba bɔkɔ bookinyo. Mpe ndobela, talongunwa yɔnyɛnɛ tii buuna bonga lohange: “Bokako boyale la ɔnɛ ooye nde lina iiki Nkolo!”»
ទើបបានជ្រើសរើសហើយ៖
LUKA 13: lol
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2025 Communauté des Eglises Travaillistes (CET)
LUKA 13
13
Opolange abongya bihɛlɛlo alanga iwa
1Nko nde elaka iiko, banto bankina bayɛ yohangela Yesu ikambo iiki banto ba Ngalilaya banɛ bae Pilato alyakake nko nde elaka ɛnɛ etumbelaka ibɔ Ndjakomba mbeka. 2Yesu abaunoyelɛ: «Lokamba banto baiko ba Ngalilaya baawaki nyɔi e bobe ngauko bayalaki bahumuki penda banto ba Ngalilayi bankuma? 3Nkola, emi ndobela; yaa nga talɔbɔngya betema, nyo bankuma longowa nko ngauko. 4Mpe banto lyomu la mwambi baawaki anɛ yakɔyɛlɛki eliko e Silowe, lokamba ibɔ bapenda banto bankuma ba Yelusalɛmɛ la bobe? 5Nkola, emi ndobela; yaa nga talɔbɔngya betema, nyo bankuma longowa nko ngauko.»
Lwɛlya looki bopela bopa bobote
6Mpe Yesu aobapa lwɛlya lɔnɛ: «Bonto ɔmɔɔ ayalaki la bompela#13, 6 Nde buku bakɔtɛ Figi, nga bopa nso tokati bote buuko totikɛ bompela. bokinde boonaki nde nde elanga. Atɛ itotila mmuma nde bote bɔkɔ, tabata la lommuma lɔmɔ. 7Ahangelɛ bonto ɔhɛndjɛlɛkɛ elanga: “Lenda, ɛyɛ mbula ihato lonkundu iya emi yotila mmuma nde bolala bɔnɛ, mpe mpobatake yomba. Pupola bɔkɔ. Itina nnɔ ɛlɛ bɔkɔ babu nko intomba?” 8Bɔhɛndjɛli bo elanga abelɛ bɔmɛlɛ: “Nkolo, opohenyakɛ laino mbula ɛnɛ, ntimole babu nde itina, ndjutumole luula. 9Ɛmɔɔ mbala nko bobota mmuma mbula iiko yoye. Kaki mpe tabobota, okataka.”»
Yesu abikiɛ buunto o bɔlɛmɛ buuna bo sabata
10Buuna bɔmɔɔ bo sabata, Yesu alakaki nde botumba bo lɔbɔndɔ. 11Buunto ɔmɔɔ oyali la bɔlɛmɛ ayalaki aiko. Bolimo bo bobe bobuunɛ betiti ima mbula lyomu la mwambi mpe apɔɔhe yoyahembola bɔlɔti. 12Anɛ ɛboɛnɛki Yesu, aoboeta mpe aobobela: «Buunto, ongobikɛ la bɔlɛmɛ bokiɛ!» 13Yesu aboapyɛ bɛbɔ, mpe la mbala ɛmɔ, betiti byohembwɛ mpe buunto ɔkɔ atotyɛ Ndjakomba. 14Bonkondi bo botumba bo lɔbɔndɔ aokɛ bobe mpendja itina Yesu abikiɛ bonto nde buuna bo sabata. Ɛkɔiko, abelɛ boloy boyalaki aiko: «Toyali la biina botoba be bosala. Loyaka nde biina biiko yotila balobikie, nde buuna bo sabata nkola!» 15Nkolo abuunoyelɛ: «Nyo banto ba bilongi bipe! Aiko eyali nyo, opoolyake ngɔmbɛ ekinde laa mpunda#13, 15 Nyama ɛnɛ eebetana itina iiki yobila banto eyali mpunda ɛkɔiko eumolɛ nso anɛ. ekinde nde elongo buuna bo sabata aobotombi yɔmɛlɛ bahi nnɔ? 16Yaa buunto ɔnɛ, bona ooki Abalayama, otungyɛ Satana mbula liomu la mwambi lonkundu, tɛɛli babotungole bɛlɔkɔ biiko buuna bo sabata?» 17Aiko etepelaki nde ngauko, banto bankuma bapobolangake baokɛ nsɔni epululu; yaa boloy bonkuma boyalaki la ibulwako la yɛnɛ mbo i mpapo iiko ikela nde.
Lwɛlya looki boopo bo nsɛmbɛ e lobambo
(Lenda la nde Mat 13, 31-32; Mlk 4, 30-32)
18Nkamba Yesu aubolɛ: «Bonkumu booki Ndjakomba bɔɛli la nnɔ? Ndjɔhɔ yoɛlya bɔkɔ la nnɔ? 19Bɔɛli la boopo bo nsɛmbɛ e lobambo bɔnɛ boonɛ bonto ɔmɔɔ nde ngonda ekinde. Lomuma lɔkɔ loolɛ, lokitɛ bote bo bɔnɛnɛ mpe mpulu iiyaaka nde liko batongɛ baimbu baakiibɔ nde bitape biki bɔkɔ.»
Lwɛlya looki bote bɔnɛ buuleya lopate lo mampa
(Lenda la nde Mat 13, 33)
20Yesu aunwɛ yuubola: «Ndjɛlie Bonkumu booki Ndjakomba la nnɔ? 21Boɛli la bote bo mampa bɔhɔpɔ buunto la katini ihato i falini mpe boyuuleya lopate lonkuma.»
Mboka e lobola, buuho bo nkaka
(Lenda la nde Mat 7, 13-14.21-23)
22Yesu ataki yolekaka nde bamonga la bihe, aolakake ilako mpe aotake looko lo Yelusalɛmɛ. 23Bonto ɔmɔɔ abuubolɛ: «Nkolo, banto baangobika bangooyala bɔkɛ?» Yesu ababelɛ: 24«Lokelaka nguya lɔɔtwe nde buuho bo nkaka, itina, ndobela, buuke bangotila baɔtwe, yaa tabangɔhɔ.»
25«Elaka engoyala bɔmɛlɛ botumba ahwemala mpe aolipa ebala, nyo baangotikala nde bongala, longobanga yokɔkɔmɔ ebala mpe yuubola: “Nkolo, otolipole”, nde angoluunoyela: “Emi mpolwebe”. 26Aiko longotila lohange: “Yaa nso nga tɔlɛki mpe tɔmɛlɛki nso la wɛ nnɔ, wɛ mpe ombolakake nde beboko beekinso!” 27Nde angoolobela lenkina: “Emi mpolwebe. Luuma aiko ntute la emi, nyo bankuma banto baapa la sembo.” 28Mpiko, engooyala la baangolela mpe la baangolamata baino, elaka enga loɛne Abalayama, Izaka, Yakobo la ntepeli inkuma nde Bonkumu booki Ndjakomba, mpe nyo bangolobokɛ nde bongala. 29Nde elaka iiko, banto bangooyuma looko loolaka inyɛlɛ mpe looko loolalaka ikɔ, bangooyuma nde liko mpe nde nse, bangooya nde ntɛkɔ e Bonkumu booki Ndjakomba. 30Ɛkɔiko, baamɔɔ banto batikalaki mbuha bangooleka ntondo, bankina mpe baataki ntondo bangooyunwa mbuha.»
Yesu aabela Yelusalɛmɛ
(Lenda la nde Mat 23, 37-39)
31Nko elaka iiko, bafalisaya bankina batɛ eka Yesu mpe babohangelɛ: «Ima anɛ, kɛndɛ looko lonkina, itina Elode atila akolyake.» 32Yesu ababelɛ: «Talohangele bobanga#13, 32 Nde buku ɛkɔti Lenalɛ, nso totikɛ bobanga. buuko: Mpandja belimo be bobe mpe mbikya banto lɔlɔkɔ la lobi, nde buuna bo behato, nhoheya bohala bookimi. 33Yaa, ntondo ntondo nkela laino lɔkɛndɔ lokimi lɔlɔkɔ, lobi mpe laipe, itina ɛpɔɔhe yokelama mbɔ ntepeli ɛmɔɔ awu botale la Yelusalɛmɛ.»
34«Yelusalɛmɛ, Yelusalɛmɛ, wɛ ɔkɔ olyakaka ntepeli mpe olikaka banto baatindaka Ndjakomba babɔkɔ, ntilaki mbala la mbala nsanganie baaha bakiɛ nga bokukaka nkɔkɔ e waali bana baakinde nde nse e bapapu baakinde, lendaka nyo talolanga. 35Aiko ekeeko, balohokokyela botumba bɔkɔ bookinyo. Mpe ndobela, talongunwa yɔnyɛnɛ tii buuna bonga lohange: “Bokako boyale la ɔnɛ ooye nde lina iiki Nkolo!”»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2025 Communauté des Eglises Travaillistes (CET)